ഒരു ചർച്ച, സസ്യാഹാരിയും മിശ്ര ഭോജിയും!
തിന്നോ
തിന്നോ
അനുഭവിച്ചോ
ഒരു കോഴി അതിന്റെ ജീവിതകാലത്ത് തിന്നുന്ന ഗോതമ്പ് ഒരു മനുഷ്യന് എത്ര നേരത്തെ ഭക്ഷണത്തിനുണ്ട്.
ഒരു കോഴിയെത്തിന്നാലോ ഒരു നേരത്തെ ഭക്ഷണം മാത്രം.
ചുവന്ന ഇറച്ചിയിൽ ഇരുമ്പിന്റെ അംശമുണ്ട്. സിറം ഫെറിസ്റ്റിൻ ആയി സൂക്ഷിച്ചുവയ്ക്കും. സൂര്യനും ചന്ദ്രനും നേർരേഖയിൽ വരുന്ന കറുത്തവാവുദിവസം കാന്തിക സ്വഭാവമുള്ള എല്ലാ വസ്തുക്കളും ആകർഷിക്കപ്പെടും. ഇരുമ്പ് പെട്ടെന്ന് ആകർഷിക്കപ്പെടും. പകൽ തലച്ചോറിലേക്ക് രക്തപ്രവാഹം വർദ്ധിക്കും. രാത്രി പ്രഷർ കുറയും. ഫലം രക്തം തലച്ചോറിൽ കട്ട പിടിക്കും. സെറിബ്രൽ ഹെമറേജ്. ഒരു വശം തളരും.
വറുത്ത ഒരു കഷണം ഇറച്ചിയിൽ 300 സിഗരറ്റിലുള്ളത്രയും വിഷമുണ്ട്.
നന്നായിക്കഴിക്കുക മിശ്രഭോജികളേ
എന്നിട്ട് സമ്പാദിച്ച പണം മുഴുവൻ ആശുപത്രിയിൽ കൊടുക്കുക.
മനുഷ്യൻ സസ്യഭോജിയാണോ ...........അതോ മാംസഭോജിയോ ..............?..?
വിവാദ വിഷയം ആണല്ലേ ............?
മനുഷ്യൻ സസ്യഭോജിയാണന്നതിനു അനവധി ആധുനിക ശാസ്ത്രങ്ങൾ തെളിവ് നൽകുന്നു ..മനുഷ്യൻ സസ്യഭോജിയാണോ എന്നുറപ്പിച്ചാൽ മാത്രമെ നമ്മൾക്ക് നമ്മളുടെ ആരോഗ്യ രഹസ്യം അറിയുവാനാകു ........വിശ്വ പ്രസിദ്ധ ബ്രിട്ടീഷ് ജീവശാസ്ത്രജ്ഞനായ ഡോ:ഹരിവാർഡ് കാറിഗ്ടനിന്റെ" ദി നാച്ചുറൽ ഫുഡ് ഓഫ് മാൻ "എന്ന ഗ്രന്ഥത്തിൽ വിശദമായി പറയുന്നു നാം സസ്യഭോജിയാണെന്ന്
അദ്ദേഹത്തിന്റെ ചില തെളിവുകൾ നോക്കാം ..
പചനവ്യൂഹത്തിന്റെ നീളം
ഏതൊരു ജീവിയുടെയും പചനവ്യൂഹത്തിന്റെ നീളം ആ ജീവിയുടെ നീളവുമായി ഒരു അനുപാതത്തിലായിരിക്കും ..ഒരു പശുവിന്റെ പചനവ്യൂഹത്തിന്റെ നീളം ഏതാണ്ട് 32 അടി നീളമുണ്ടാവും. പശുവിനേക്കാൾ നീളം കൂടിയ ഒരു കടുവയുടേതാവട്ടെ വെറും 12 അടി നീളം മാത്രം ..കടുവ മാംസഭോജിയാണ് എല്ലും, തോലും, ചോരയും, ഇറച്ചിയും ചവച്ചരക്കാതെ കടിച്ചു വിഴുങ്ങുന്നു അവ ദഹിക്കാനുള്ള അതിശക്തമായ അമ്ല ദഹനരസങ്ങളാണ് കടുവയുടെ ആമാശയത്തിൽ ഉള്ളത് അത്തരം ദഹനരസങ്ങളൊന്നും മനുഷ്യ ആമാശയത്തിൽ കാണുന്നില്ല മനുഷ്യന്റെ പചനവ്യൂഹത്തിന്റെ നീളം 30 അടിയോളം വരും മനുഷ്യനെ ഒരു സസ്യാഹാരിയായിട്ടാണോ പ്രകൃതി രൂപ കല്പന ചെയ്തിട്ടുള്ളത് ...?
ചവച്ചരക്കുന്നത്
.സസ്യഭോജികളായ ജീവികളുടെയെല്ലാം കീഴ്ത്താടിക്ക് ഇടത്തോട്ടും വലത്തോട്ടും ചലിപ്പിച്ചു ചവച്ചരച്ചു കഴിക്കുവാനുള്ള ചലനസ്വാതന്ത്രം ഉണ്ട് കന്നുകാലികൾ, കുതിര, ആന ,കാണ്ടാമൃഗം, ഒട്ടകം .......മുതലായവ ഉദാഹരണം... എന്നാൽ സിംഹം, പുലി ,കടുവ, പട്ടി ,പൂച്ച മുതാലായവ ചവച്ചരക്കുന്നില്ല കടിച്ചു മുറിച്ചു വിഴുങ്ങുന്നു ....മനുഷ്യനോ ..............???
വെള്ളം കുടിക്കുന്നത് .....
സസ്യഭോജികൾ വെള്ളം വലിച്ചു കുടിക്കുന്നു (sipping ) മാംസഭോജികൾ വെള്ളം നക്കി കുടിക്കുന്നു (Licking ).......മനുഷ്യനോ ................??
ഉറക്കം
സസ്യഭോജികൾ പകൽ ഉണർന്നും രാത്രിയിൽ ഉറങ്ങിയും കഴിയുന്നു ഇത് തെറ്റിച്ചാൽ ശരീരരത്തിൽ അമ്ലത കൂടി രോഗമുണ്ടാകുന്നു എന്നാൽ മാംസഭോജികൾ പകലുറക്കക്കാരും രാത്രി സഞ്ചാരികളും ആയിരിക്കും ..............
വിയർപ്പു ഗ്രന്ഥികൾ .
സസ്യഭോജികളിൽ കാണുന്ന വിയർപ്പു ഗ്രന്ഥികൾ മാംസഭോജികളിൽ കാണുന്നില്ല
ജനിക്കുമ്പോൾ കണ്ണ് തുറന്നിരിക്കുന്നു
സസ്യഭോജികളുടെ കുഞ്ഞുങ്ങൾ ജനിക്കുമ്പോൾ തന്നെ കണ്ണുകൾ തുറന്നിരിക്കും മാംസഭോജികളുടെ കുഞ്ഞുങ്ങളുടെ കണ്ണുകൾ രണ്ടാഴ്ച മുതൽ ഒരു മാസംവരെ അടഞ്ഞിരിക്കും
നമ്മൾ മനുഷ്യർ സസ്യഭോജികളോ ......അതോ മാംസഭോജികളോ ................??? തീരുമാനിച്ചോളൂ ....
വിധിച്ച ഭക്ഷണം കഴിക്കാത്തതിന്റെ പ്രശ്നങ്ങൾ ആണ് മനുഷ്യൻ അനുഭവിക്കുന്നത്..............ഏതെങ്കിലും പശു ഞാൻ ഗർഭിണിയാണ് അതുകൊണ്ടു ബെഡ് റസ്റ്റ് ആണെന്നും പറഞ്ഞു മരത്തിനടിയിൽ കിടക്കുന്നുണ്ടോ ................മനുഷ്യനല്ലാതെ മറ്റേതങ്കിലും ജീവികൾ പ്രഷർ ഷുഗർ, കൊളസ്ട്രോൾ എന്നും പറഞ്ഞു ആശുപത്രിയിൽ കയറിയിറങ്ങുന്നുണ്ടോ ...............ഇല്ല കാരണം .അവയെല്ലാം സ്വാഭാവിക ഭക്ഷണം ആണ് കഴിക്കുന്നത് ...............പ്രകൃതിയിൽ നിന്നും നേരിട്ട് കഴിക്കാവുന്നതാണ് സ്വാഭാവിക ഭക്ഷണം ..............നമ്മളുടെ അവസ്ഥയോ ...........പ്രകൃതിയിൽ നിന്നും ലഭിക്കുന്ന നെല്ല് കഴിക്കാൻ പറ്റുമോ ......? ഇല്ല .............. അരിയാക്കിയാൽ കഴിക്കാമോ ...............? ഇല്ല ...............വേവിച്ചാൽ കഴിക്കാമോ .......ഇല്ല .........കുറഞ്ഞത് രണ്ടു കൂട്ടം കറി കൂടി ഉണ്ടെങ്കിലേ നെല്ല്.... അരിയായി ...........അരി....ചോറ് ആയതു നമ്മളുടെ വയറ്റിൽ ചെല്ലുകയുള്ളു .................ഇത് മനുഷ്യന്റെ സ്വാഭാവിക ഭക്ഷണം അല്ല .............
ഭക്ഷണം എന്നാൽ എന്താണ്?
ഊർജ്ജമാണ്.
സൂര്യനിൽ നിന്ന് ഏതെങ്കിലും ചെടി സ്വീകരിച്ച ഊർജ്ജം.
മാംസം കഴിക്കാനായി ഒരു ജീവിയെ വളർത്തുമ്പോൾ അത് എത്ര വലിയ ഊർജ്ജ നഷ്ടമാണുണ്ടാക്കുന്നത്.
ചുരുക്കത്തിൽ പാലുകുടിക്കാനും, ഇറച്ചി തിന്നാനുമായി ജന്തുക്കളെ വളർത്താതിരുന്നാൽ ധാന്യ ഉൽപ്പാദനം നമുക്കുമതിയാകുന്നത്രയും പ്രകൃതി തരുന്നുണ്ട്.
രുചിയ്ക്ക് വേണ്ടി പരക്കം പായുന്നവരാണ് കുഴപ്പം ഉണ്ടാക്കുന്നത്.
വെളുത്ത ചോറ് രോഗം ഉണ്ടാക്കുന്നതാണ്.
വേവിച്ച ഭക്ഷണം കഴിക്കാതിരുന്നാൽ രോഗമേ വരില്ല.
മാംസാഹാരം നിഷിദ്ധമോ?
🤔
പണ്ട് കുട്ടികാലത്ത് ബാലമംഗളത്തിലെ ഡിങ്കന് എന്ന ചിത്രകഥ വായിക്കുമ്പോള് ആ രക്ഷകനോട് വലിയ ബഹുമാനം തോന്നിയിരുന്നു. കാരണം കാട്ടിലെ മാന് , മുയല് തുടങ്ങിയ സാധുജീവികളെ കരിങ്കാടന് കടുവയില് നിന്നും മറ്റും പറന്നു വന്നു രക്ഷിക്കുന്ന ഹീറോ ആണല്ലോ അത്? ഡിങ്കന് നല്ലവനും കരിങ്കാടന് ഭീകരനും.
എന്നാല് ഇപ്പോള് എനിക്ക് തോന്നുന്നത് നേരെ തിരിച്ചാണ്.
ഡിങ്കനല്ലേ യഥാര്ഥത്തില് തിന്മ ചെയ്യുന്നത്? യാഥാര്ത്ഥ്യലോകത്ത് ഡിങ്കന് ഉണ്ടായിരുന്നെങ്കില് ഈ പരിസ്ഥിതിയുടെ സ്ഥിതി എന്താകുമായിരുന്നു? പട്ടിണി കിടന്നു ഹിംസ്ര മൃഗങ്ങള് ചത്തൊടുങ്ങും. സസ്യഭുക്കുകളായ മാന് , മുയല് തുടങ്ങിയവയുടെ എണ്ണം ക്രമാതീതമായി വര്ദ്ധിക്കും. അവ അമിതമായി സസ്യങ്ങളെ ആഹാരമാക്കും. അങ്ങനെ പ്രകൃതിയില് സസ്യങ്ങള് ഇല്ലാതായി മുഴുവന് ജീവികളും നശിക്കും.
നാം കരിങ്കാടന് നന്ദി പറയുക!!!
ഇന്ന് പലരുടെയും മനസ്സ് ഡിങ്കന് കഥ വായിക്കുന്ന കുട്ടിയുടെതാണ്. മനുഷ്യന് മൃഗത്തെ അറുക്കുന്നതും മാംസാഹാരം കഴിക്കുന്നതുമൊക്കെ ക്രൂരതയാണെന്നും എതിര്ക്കപ്പെടണമെന്നും അവര് വാദിക്കുന്നു. അത്തരക്കാരുടെ യുക്തിയുടെ വൃത്തം വളരെ പരിമിതമാണ് എന്നാണു തോന്നുന്നത്.
തങ്ങളുടെ ആശയം സ്ഥാപിക്കുവാന് വേണ്ടി അവര് നിരത്താറുള്ള പ്രാധാന വാദങ്ങളും അവയുടെ വിശകലനവുമാണ് താഴെ.
വാദം 1: മൃഗങ്ങളെ വധിക്കുന്നതും വേദനിപ്പിക്കുന്നതും പാപമാണ്. മനുഷ്യജീവനെ പോലെ അവരുടെ ജീവനും പവിത്രമാണ്.
ഈ വാദം ഉയര്ത്തുന്നവര് സസ്യങ്ങളുടെ കാര്യത്തില് എന്താണ് ഈ നിലപാട് എടുക്കാത്തത്? അവക്കുമുണ്ടല്ലോ ജീവനും വികാരവും പ്രതികരണശേഷിയും? അവയുടെ ജീവന് പവിത്രമല്ലേ? അവക്ക് വേദനിക്കില്ലേ?
മാത്രമല്ല, എല്ലാവരും രോഗം വരാതിരിക്കാന് വേണ്ടി രോഗാണുക്കളേയും കൃമികളെയും കൊതുകുകളെയും മൂട്ടയേയുമൊക്കെ നശിപ്പിക്കുന്നു. അത് മനുഷ്യന്റെ നിലനില്പ്പിനു ആവശ്യമാണെന്നാവും ഇതിനു അവര് നല്കുന്ന മറുപടി. അഥവാ അഹിംസ എന്നത് അപ്രായോഗികമായ സംഗതിയാണെന്ന് ഇവരും സമ്മതിക്കുന്നു. ഈ അപ്രായോഗികത മാംസാഹാരം ഉപേക്ഷിക്കുന്നതിലുമുണ്ട്. സസ്യങ്ങളെയും പ്രാണികളെയും രോഗാണുക്കളെയും നിലനില്പിന് വേണ്ടി കൊല്ലുന്നവര് കോടിക്കണക്കിനു ആളുകള് കഴിക്കുന്ന മാംസം ഒഴിവാക്കാന് പറയുന്നത് അടിസ്ഥാനരഹിതല്ലേ?
ഒരു മൃഗത്തെ കൊന്നാല് നൂറു പേര്ക്കുള്ള ആഹാരം ലഭിക്കും. എന്നാല് നൂറു പേരെ തീറ്റാന് നൂറില് പരം ചെടികള് നശിപ്പിക്കേണ്ടി വരുന്നു. ഒരു ജീവന് നശിപ്പിക്കുന്നതാണോ നൂറു ജീവന് നശിപ്പിക്കുന്നതാണോ കൂടുതല് ക്രൂരം?
കാലികളെ അറുക്കാതെ ജീവിക്കാന് വിടുകയാണെങ്കില് അവസാനം അവ പ്രായമേറി ഒന്നിനും കൊള്ളാത്ത അവസ്ഥയിലാവും. അവയെ എങ്ങോട്ടെങ്കിലും പോകാന് അനുവദിച്ചാല് ഒന്നുകില് സ്വാഭാവിക മരണം, അല്ലെങ്കില് വല്ല ഹിംസ്രജന്തുക്കള്ക്കും ഭക്ഷണമാകും. അപ്പോഴും അവയ്ക്ക് വേദന വരില്ലേ? അറുക്കുകയാണെങ്കില് മനുഷ്യര്ക്ക് അതുകൊണ്ട് പ്രയോജനം മാത്രമേയുള്ളൂ. മാംസം മാത്രമല്ല, തോലും എല്ലുമൊക്കെ പല ആവശ്യങ്ങള്ക്കും ഉപയോഗിക്കാം.
മുസ്ലിംകള് മൃഗത്തെ അറുക്കുന്നത് വളരെ ശാസ്ത്രീയമായ രീതിയിലാണ്. ഏറ്റവും കുറഞ്ഞ വേദന മാത്രമേ അതുമൂലം അവക്കുണ്ടാവൂ. കാലികളുടെ സാധാരണ മരണം പോലും ഇതിനേക്കാള് വേദനാജനകമായിരിക്കും എന്നതാണ് സത്യം. അറുക്കുമ്പോള് കഴുത്ത്, ശ്വാസനാളം, കഴുത്തിലെ ധമനികള് എന്നിവ നട്ടെല്ലിനു ക്ഷതമേല്ക്കാത്ത വിധം മുറിക്കുന്നു. ഇതുമൂലം വളരെ കുറഞ്ഞ വേദനയെ ഉണ്ടാകൂ എന്ന് മാത്രമല്ല, രക്തം വാര്ന്നു പോകുന്നത് കൊണ്ട് മാംസം ശുദ്ധമായിരിക്കും. മൃഗം ചാവുന്നത് ശ്വാസം മുട്ടിയാവില്ല. മൃഗത്തിനു വേദനിക്കുന്നുവെന്നു പറയുന്നത് അതിന്റെ പിടച്ചില് കണ്ടിട്ടാവും. എന്നാല് അത് വേദന മൂലമാല്ല, മറിച്ചു രക്തചംക്രമണം നിലച്ച ശരീരഭാഗങ്ങള് വലിയുകയും അയയുകയുമാണ്.
വാദം 2: മാംസാഹാരം കഴിക്കുന്നവര് ക്രൂരന്മാരായി മാറും. ഗാന്ധിജി സസ്യാഹാരം കഴിച്ചതുകൊണ്ടാണ് സമാധാനത്തിന്റെ വക്താവായത്.
അഡോള്ഫ് ഹിറ്റ്ലര് ഒന്നാം തരം സസ്യഭുക്കായിരുന്നു. ലക്ഷങ്ങളെ കൊന്നൊടുക്കിയതിലും അയാള് ഒന്നാമന് തന്നെ. ഇന്ത്യയില് ഭീകരാക്രമണങ്ങള് നടത്തിയ സംഘുപരിവാര് ഭീകരരും സസ്യാഹാരികളല്ലേ? ഗാന്ധിജിയെ വധിച്ച ഗോഡ്സെ ശുദ്ധസസ്യഭുക്കായിരുന്നു. അപ്പോള് മാംസാഹാരം കഴിക്കുന്നവര് മാത്രമേ ക്രൂരന്മാരാവൂ എന്ന വാദം ശുദ്ധ അസംബന്ധം ആണ്.
ഗാന്ധിജി മാംസാഹാരം കഴിക്കാത്തതിനാലാണ് സമാധാനത്തിന്റെ വക്താവായത് എന്ന വാദം ഒന്നാംതരം വിഡ്ഢിത്തമാണ്. സമാധാനത്തിന് നോബല് സമ്മാനം കിട്ടിയ മദര് തെരേസ, യാസര് അറഫാത്ത്, അന്വര് സാദത്ത്, മഹേഷ് ചന്ദ് ബഗാന് തുടങ്ങിയവരൊക്കെ മിശ്രഭുക്കുകള് ആണെന്ന കാര്യം എന്താണിവര് ഓര്ക്കാത്തത്?
വാദം 3: മനുഷ്യന് പ്രകൃത്യാ സസ്യഭുക്കാണ്. അതിനു നിരവധി തെളിവുകള് ഉണ്ട്.
മാംസഭുക്കുകളുടെ ശരീരഘടനയും സസ്യഭുക്കളുടെ ശരീരഘടനയും താരതമ്യം ചെയ്തു അതില് എതിനോടാണ് മനുഷ്യന് സാമ്യത ഉള്ളതെന്നാണ് ഇക്കൂട്ടര് ചോദിക്കാറുള്ളത്. വാസ്തവത്തില് മനുഷ്യന് മാംസഭുക്കോ സസ്യഭുക്കോ അല്ല, മിശ്രഭുക്കാണ് എന്ന കാര്യം വിസ്മരിച്ചുകൂടാ.
മനുഷ്യന് സസ്യാഹാരവും മാംസാഹാരവും ഉപയോഗിക്കാന് സാധിക്കുംവിധമാണ് സൃഷ്ടിക്കപ്പെട്ടിരിക്കുന്നത്. സസ്യഭുക്കുകളായ ആട്, പശു, ചെമ്മരിയാട് തുടങ്ങിയവയുടെ പല്ലുകള് സസ്യാഹാരം മാത്രം കഴിക്കാന് കഴിയുംവിധം പരന്നതും നിരപ്പായതുമാണ്. മാംസഭുക്കായ കടുവ പോലുള്ളവയുടേത് കൂര്ത്തതും മൂര്ച്ചയുള്ളതുമാണ്. എന്നാല് , മനുഷ്യനു രണ്ടിനും പറ്റുന്ന പല്ലുകളുണ്ട്. അഥവാ പരന്നതും നിരപ്പായതുമായ പല്ലുകളോടൊപ്പം മൂര്ച്ചയുള്ളവയും കൂര്ത്തവയുമുണ്ട്.
ഇനി ദഹനേന്ദ്രിയങ്ങളുടെ കാര്യം പരിശോധിക്കാം. മനുഷ്യനു മാംസാഹാരവും സസ്യാഹാരവും ദഹിപ്പിക്കാവുന്ന വിധമുള്ള ദഹനേന്ദ്രിയമാണുള്ളത് . മനുഷ്യന് സൃഷ്ടിക്കപ്പെട്ടതുതന്നെ മിശ്രഭുക്കായാണ് എന്നതിന് ഇതില് പരം വേറെന്തു തെളിവ് വേണം?
മാംസഭുക്കുകളുടെ കരള് , വൃക്ക എന്നിവയുടെ വലിപ്പം മാംസാഹാരവിരുദ്ധര് തെളിവായി കാണിക്കാറുണ്ട്. മാംസം ദഹിച്ചാല് ഉണ്ടാവുന്ന വിഷം (Toxins) പുറന്തള്ളാന് മാംസഭുക്കുകള്ക്ക് വലിയ കരളും വൃക്കകളും ആണുള്ളത്. എന്നാല് മനുഷ്യന് ചെറിയ കരളും വൃക്കകളും ആണുള്ളത്. ഇതാണവരുടെ സമര്ത്ഥനം. എന്നാല് ഈ വാദത്തില് കഴമ്പില്ല. കാരണം മനുഷ്യന് മാംസം വേവിച്ചാണ് കഴിക്കുന്നത് . അതിലൂടെ കരളും വൃക്കയും ചെയ്യേണ്ട ജോലിഭാരം കുറയുന്നു. അതിനാല് ചെറിയ കരളും വൃക്കയുമേ നമുക്കാവശ്യമുള്ളു. മറ്റു മാംസഭുക്കുകള് പച്ചമാംസം ആണ് കഴിക്കുന്നതെന്ന കാര്യം ഓര്ക്കുക.
മനുഷ്യരില് ലിപ്പേസ്, ട്രിപ്സിന് , കൈമോട്രിപ്സിന് പോലെയുള്ള മാംസാഹാരത്തെ ദഹിപ്പിക്കുന്ന എന്സൈമുകള് എന്തിനാണെന്ന് കൂടി മാംസാഹാരവിരോധികള് പറഞ്ഞാല് ഉപകാരം.
വാദം 4: മാംസാഹാരം മൂലമാണ് ഹൃദ്രോഗങ്ങള് പോലുള്ള രോഗങ്ങള് ഉണ്ടാകുന്നത്.
ഹൃദ്രോഗവും അത് പോലുള്ള രോഗങ്ങളും അമിതാഹാരം മൂലമാണ് സംഭവിക്കുന്നത് . അതാവട്ടെ സസ്യാഹാരം മൂലവും ഉണ്ടാവുന്നുണ്ട്.
ഇസ്ലാമികമായ രീതിയില് അറുത്ത്, രക്തം ഒഴുക്കിക്കളഞ്ഞു, ഹോര്മോണുകളോ മരുന്നുകളോ കുത്തിവെക്കാതെ, നന്നായി വേവിച്ചു പാകം ചെയ്ത മാംസാഹാരം മിതമായ അളവില് ഉപയോഗിച്ചാല് ഒരു രോഗവും വരില്ല.
മാംസഹാരത്തില് കൊളസ്ട്രോള് ഉണ്ടെന്നതാണ് മറ്റൊരു വാദം. ശരിയാണ്. എന്നാല് പല സസ്യാഹാരത്തിലും കൊളസ്ട്രോള് ഉണ്ട്. ഉദാഹരണത്തിന് വെളിച്ചെണ്ണ, അണ്ടിപ്പരിപ്പ്, വെണ്ണ, തേങ്ങ തുടങ്ങിയവ. അത് കൊണ്ടുമാത്രം അവ ഉപേക്ഷിക്കണം എന്ന് പറയാമോ? വാസ്തവത്തില് എല്ലാം മിതമായിട്ടാണ് കഴിക്കുന്നതെങ്കില് ഒരു കുഴപ്പവും വരില്ല.
വാദം 5: ഒരു പശുവില് നിന്നും അതിന്റെ ജീവിതകാലത്ത് ലക്ഷത്തോളം ആളുകള്ക്കുള്ള പാല് ലഭിക്കും. എന്നാല് അതിനെ അറുത്താല് വളരെ തുച്ചമായ മാംസമാണ് ലഭിക്കുക.
സാധാരണ അറുക്കുക പാലുല്പാദനം നിന്ന പശുവിനെയാണ്. അല്ലെങ്കില് ആണ് വിഭാഗത്തില് പെട്ട ആട് , മാടുകളെ. അതിനാല് ഈ വാദം അടിസ്ഥാനരഹിതമാണ്.
വാദം 6: മാംസാഹാരത്തേക്കാള് കൂടുതല് പ്രോട്ടീനും ധാതുക്കളും സസ്യാഹാരത്തിലാണ് ഉള്ളത്.
പൊതുവേ മാംസാഹാരത്തേക്കാള് പോഷകമൂല്യം കൂടുതല് സസ്യാഹാരത്തിനാണ് എന്നത് ശരിയാണ്. അതിനര്ത്ഥം മാംസാഹാരം മോശമാണ് എന്നോ പോഷകം ഒട്ടും ഇല്ലാത്തതാണെന്നോ ഉപേക്ഷിക്കേണ്ടതാണെന്നോ അല്ല. പ്രോട്ടീന്റെ കാര്യത്തില് പോഷകമൂല്യം മാംസാഹാരത്തിനു തന്നെയാണ്.
വളരെ പോഷകസംപുഷട്മാണ് മാംസാഹാരം. പ്രോട്ടീന്, ഇരുമ്പ്, തയാമിന് (വിറ്റാമിന് B1), നിയാസിന് (B3) തുടങ്ങിയവ മാംസാഹാരത്തില് ധാരാളമായി അടങ്ങിയിരിക്കുന്നു. എന്നല്ല, മാംസാഹാരത്തില് പ്രോട്ടീനുകള് പൂര്ണമാണ്. ശരീരത്തിന് ആവശ്യമായ എല്ലാ അമിനോആസിഡുകളും മാംസാഹാരത്തില് ഉണ്ട്. എന്നാല് സസ്യാഹാരത്തില് പ്രോട്ടീനുകള് പൂര്ണമല്ല. പലതരം സസ്യാഹാരം ധാരാളം കഴിക്കുന്നതിലൂടെ ലഭിക്കുന്ന പോഷകം ഒരുതരം മാംസാഹാരം കഴിക്കുന്നതിലൂടെ ലഭിക്കുന്നു. അതിനാല് മാംസാഹാരം കഴിക്കുന്നവര്ക്ക് പോഷകാഹാരക്കുറവ് ഉണ്ടാവുകയില്ല.
വാദം 7: സസ്യാഹാരം ബുദ്ധി വര്ധിപ്പിക്കും. ഐന്സ്റ്റീന്, ന്യൂട്ടന് മുതലായവര് സസ്യഭുക്കുകള് ആയതു കൊണ്ടാണ് ബുദ്ധിയുള്ളവരായത്.
സസ്യാഹാരം മാത്രം കഴിക്കുന്നത് ബുദ്ധി കൂട്ടും എന്ന വാദത്തിനു യാതൊരു അടിസ്ഥാനവുമില്ല. നോബല് സമ്മാനം നേടിയവരുടെ ലിസ്റ്റ് നോക്കുക. ഭൂരിഭാഗവും മിശ്രഭുക്കുകള് ആണ്.
വാദം 8: കാലികളെ വളര്ത്താനും മേയ്ക്കാനുമുള്ള നിലത്തിന്റെ അളവ് കൃഷിനിലത്തിനുള്ള അളവ് കുറയ്ക്കും..
കഴമ്പില്ലാത്ത മറ്റൊരു വാദം. കൃഷിക്ക് അനുയോജ്യമായ സ്ഥലത്തൊന്നുമല്ല അധിക കാലികളും മേയുന്നതും വളര്ത്തപ്പെടുന്നതും. UN റിപ്പോര്ട്ട് പ്രകാരം ലോകത്ത് ഭൂമിയുടെ 23% വയല് , 23% വനം, 10% താഴെ കൃഷിഭൂമി എന്നിങ്ങനെയാണ് ഉള്ളത്. അഥവാ 45% ഭൂമി ഇനിയും ഉപയോഗശൂന്യമായി കിടക്കുന്നു. കൃഷി നടത്താന് എന്ത് കൊണ്ട് ആ ഭൂമി ഉപയോഗിച്ചുകൂടാ? കാലികള് മേയുന്ന ഇടം തന്നെ വേണമോ കൃഷി നടത്താന് ?
വാദം 9: ഹിന്ദുമതത്തില് മാംസാഹാരം അനുവദനീയമല്ല.
ഇതും ശരിയല്ല. ഹൈന്ദവ ധര്മത്തിലും മാംസാഹാരം അനുവദനീയമാണ്. പല മഹര്ഷിമാരും പുണ്യവാളന്മാരും മാംസാഹാരം കഴിക്കുന്നവരായിരുന്നുവെന്ന് പുരാണങ്ങള് വ്യക്തമാക്കുന്നു. ശ്രീരാമന് വനവാസത്തിന് അയക്കപ്പെട്ടപ്പോള് , എനിക്കു രുചികരമായ മാംസത്തളിക ഉപേക്ഷിക്കേണ്ടിവരുമെന്ന് മാതാവിനോട് പറഞ്ഞിരുന്നതായി അയോധ്യാകാണ്ഡത്തിലെ 20, 26, 94 ശ്ളോകങ്ങളില് പരാമര്ശിച്ചിട്ടുണ്ട്. മനുസ്മൃതി 5:35, ഋഗ്വേദം 10:16:10, 10:85:13, 10:86:13 എന്നിവയില് മാംസം കഴിക്കാമെന്നു പറയുന്നു.
ബൃഹദാരണ്യകോപനിഷത്ത് പറയുന്നു:
'എനിക്കു പണ്ഡിതനും പ്രസിദ്ധനും സഭകളില് പോകുന്നവനും മറ്റുള്ളവര് കേള്ക്കാന് ആഗ്രഹിക്കുന്ന വാക്കുകള് പറയുന്നവനുമായ പുത്രനുണ്ടാവണം, അവന് എല്ലാ വേദങ്ങളും പഠിക്കണം, ആറ് വര്ഷം ജീവിക്കണം എന്ന് ആഗ്രഹിക്കുന്നുണ്ടെങ്കില് മാംസത്തോടുകൂടിയ ഭക്ഷണം പാകം ചെയ്ത് നെയ്യോടുകൂടി രണ്ടുപേരും കഴിക്കണം. അങ്ങനെയുള്ള പുത്രനെ ജനിപ്പിക്കാന് അവര് ശക്തരാവും. മാംസം ഉക്ഷത്തിന്റെയോ ഋഷഭത്തിന്റെയോ ആകാം.''(6418)
മഹാഭാരതത്തില് അനുഷാസന് പര്വത്തില് 88 ആം അധ്യായത്തില് ഭീഷ്മര് ഋതിഷ്ടര്ക്ക് നല്കുന്ന നിര്ദേശം കാണുക:
"നിങ്ങള് നിങ്ങളുടെ പൂര്വികരെ സന്തോഷിപ്പിക്കുക. നിങ്ങള് ചെടികളും കായ്കളുമാണ് നല്കുന്നതെങ്കില് ഒരു മാസം അവരെ സന്തോഷിപ്പിക്കും. മത്സ്യമാണെങ്കില് രണ്ടുമാസം, മാനിറച്ചിയാണെങ്കില് മൂന്നുമാസം, ആട്ടിറച്ചിയാണെങ്കില് നാലുമാസം, പക്ഷികളുടെതാണെങ്കില് അഞ്ചുമാസം, ആടാണെങ്കില് ആറുമാസം, പുള്ളിമാനാണെങ്കില് ഏഴുമാസം, കൃഷ്ണമൃഗമാണെങ്കില് എട്ടുമാസം, പശുവാണെങ്കില് ഒരുവര്ഷം, കാളയാണെങ്കില് 12 വര്ഷം, കാണ്ടാമൃഗമോ ആടിന്റെ രക്തമാംസമോ ആണെങ്കില് എന്നത്തേക്കും സന്തോഷിപ്പിക്കും. അതിനാല് നിങ്ങള് നിങ്ങളുടെ പൂര്വികരെ സന്തോഷിപ്പിക്കാന് ആഗ്രഹിക്കുന്നുണ്ടെങ്കില് രക്തമാംസം നല്കുക."
മേല്പ്പറഞ്ഞത് മനുസ്മൃതി 3:266-272 ലും കാണാവുന്നതാണ്.
''ബ്രഹ്മാവ് മൃഗങ്ങളെ സൃഷ്ടിച്ചത് മനുഷ്യർക്ക് വേണ്ടിയാണ്. ഭക്ഷിക്കാവുന്ന ഏതു മൃഗങ്ങളുടെയും മാംസം മനുഷ്യന് ഭക്ഷിക്കാവുന്നതാണ്.'' (മനുസ്മൃതി, അധ്യായം 5, ശ്ലോകം 30.)
''പശു, പോത്ത്, കാളക്കുട്ടി, കുതിര എന്നിവയെ ഇന്ദ്രൻ ഭക്ഷിച്ചിരുന്നു.'' - (ഋഗ്വേദം 6/17).
''പൗരാണിക കാലങ്ങളിൽ പശു ഇറച്ചി കഴിക്കാത്തവരെ ഉത്തമ ഹിന്ദുക്കളായി കണക്കാക്കിയിരുന്നില്ല.'' (സ്വാമി വിവേകാനന്ദൻ സമ്പൂര്ണ കൃതികൾ- പുറം 536).
''വേദകാലത്ത് ഗോ മാംസം ഭക്ഷിക്കാത്ത ബ്രാഹ്മണനെ, ബ്രാഹ്മണനായി കണക്കാക്കില്ലായിരുന്നു.'' (അതേ പുസ്തകം, പുറം 174).
വാദം 10: വിശുദ്ധ ഖുര്ആനില് 2:20, 22:37 എന്നീ വചനങ്ങളില് മാംസാഹാരം വിലക്കപ്പെട്ടതാണെന്ന് സൂചനയുണ്ട്.
ഇതൊരു കടുത്ത ദുര്വ്യാഖ്യാനം മാത്രമാണ്. പ്രസ്തുത വചനങ്ങള് ആദ്യം നോക്കാം.
"അധികാരം ലഭിച്ചാല് അവര് ശ്രമിക്കുക ഭൂമിയില് കുഴപ്പമുണ്ടാക്കാനാണ്; കൃഷിനാശം വരുത്താനും മനുഷ്യകുലത്തെ (നസ്ല് ) നശിപ്പിക്കാനുമാണ്. എന്നാല് അല്ലാഹു കുഴപ്പം ഇഷ്ടപ്പെടുന്നില്ല". (2:20)
"അവയുടെ മാംസമോ രക്തമോ അല്ലാഹുവെ പ്രാപിക്കുന്നില്ല. മറിച്ച് അല്ലാഹുവിലെത്തിച്ചേരുന്നത് നിങ്ങളുടെ ഭക്തിയാണ്. അവന് നിങ്ങള്ക്കവയെ അവ്വിധം അധീനപ്പെടുത്തിത്തന്നിരിക്കുന്നു. അല്ലാഹു നിങ്ങളെ നേര്വഴിയിലാക്കിയതിന് നിങ്ങളവന്റെ മഹത്വം കീര്ത്തിക്കാന് വേണ്ടിയാണത്. സച്ചരിതരെ നീ ശുഭവാര്ത്ത അറിയിക്കുക." (22:37)
ഒന്നാമത്തെ സൂക്തത്തില് നസ്ല് എന്ന പദത്തിന് കാലികള് എന്ന അര്ത്ഥമാണ് ഇവര് കൊടുക്കുന്നത്. എന്നാല് മനുഷ്യകുലം എന്നാണു കൂടുതല് ഉചിതം. ഇനി അവര് പറയുന്ന അര്ഥം കൊടുത്താലും മൃഗത്തെ അറുക്കുന്നതും ആഹരിക്കുന്നതും തെറ്റാണ് എന്നതിന് ഒരു സൂചന പോലും ഇല്ല. കൃഷിയുടെ കാര്യം കൂടി തൊട്ടു മുമ്പ് പറഞ്ഞത് നോക്കുക. കൃഷി നശിപ്പിക്കരുത് എന്നതിന് സസ്യാഹാരം കഴിക്കരുത് എന്നിവര് അര്ഥം വെക്കുമോ? ഇല്ലെന്നാണെങ്കില് കന്നുകാലികളെ നശിപ്പിക്കരുത് എന്ന് പറയുന്നത് എങ്ങനെയാണ് മാംസാഹാരം കഴിക്കരുത് എന്നതിന് തെളിവാകുക?
രണ്ടാം സൂക്തത്തില് 'ബലിയറുക്കുമ്പോള് അവയുടെ മാംസമോ രക്തമോ അല്ലാഹുവെ പ്രാപിക്കുന്നില്ല' എന്നാണ്. അല്ലാഹുവിനു അതൊന്നും വേണ്ട എന്നര്ത്ഥം. മാംസം മനുഷ്യര് തന്നെ ഉപയോഗിക്കണം എന്നര്ത്ഥം.
മണ്ടന്മാർ വിദ്വാന്മാരെപ്പോലെ സംസാരിക്കും.
പാൽ മനുഷ്യ ശിശുകുടിച്ചാൽ ദഹിക്കും. പാൽ കുടി നിർത്താത്തതു കൊണ്ട് റെനിൻ എന്ന ദഹനരസം തുടർന്നും ഉൽപ്പാദിപ്പിക്കപ്പെടും.
മറ്റു മൃഗങ്ങളെല്ലാം 6 മാസം കഴിഞ്ഞാൽ കുഞ്ഞുങ്ങളെ പാൽ കുടിയിൽ നിന്നും അകറ്റും. 90 കഴിഞ്ഞ വല്യമ്മയും പാൽ കുടിക്കുന്നു.
ഇതേയുള്ളു ദഹനരസത്തിന്റെ ഉൽപ്പാദനത്തിന്റെ രഹസ്യം.
5 പേരെ കൊണ്ടു നടക്കാനുള്ള ശേഷി ഉള്ളതുകൊണ്ടാണ് നിങ്ങളുടെ ഉദരം ഇതൊക്കെ സഹിക്കുന്നത്.
സസ്യാഹാരത്തെ മതവുമായി ബന്ധപ്പെടുത്തേണ്ടതില്ല.
മറ്റൊന്നും കഴിക്കാനില്ലാത്ത മരുഭൂമിയിൽ ചീഞ്ഞ മാംസവും തിന്നവരോടാണ് പ്രാർത്ഥന ചൊല്ലി അറുക്കാൻ പറഞ്ഞത്. അതിനിവിടെ പ്രസക്തിയില്ല.
വിദേശിക്ക് 3 മാസം മഞ്ഞുമൂടിക്കിടക്കുന്ന കാലാവസ്ഥയായതിനാൽ പാലും, പാൽക്കട്ടിയും, ഇറച്ചിയും കഴിക്കുന്നു.
അവന്റെ ഭരണത്തിൽ, വിദ്യാഭ്യാസത്തിൽ ഇതൊക്കെ ശാസ്ത്രീയമായതിൽ അത്ഭുതമില്ല.
Logic ഇല്ലാതെ അതെല്ലാം വാരിവലിച്ചു വിഴുങ്ങി ഛർദ്ദിക്കരുത്.
ഓർമ്മയും ബുദ്ധിയും കെമിക്കൽ ബോണ്ടുകളായാണ് സൂക്ഷിക്കുന്നത്. അതിന് പച്ചക്കറികളും, ഇലകളും, പഴങ്ങളും തന്നെ കഴിക്കണം.
നല്ല ബുദ്ധി തോന്നാനിടയാകട്ടെ!
😋മാംസാഹാരത്തിന്റെ രാഷ്ട്രീയവും വൈദ്യവും😛
ഈ ലേഖനം മുഴുവൻ വായിച്ചാൽ മനുഷ്യൻ മിശ്ര ഭോജി അല്ല എന്ന് പറയുന്നവരുടെ കള്ളി വെളിച്ചത്താവും👇✍
മാംസാഹാരത്തിനെതിരേ ഘോരഘോരം പ്രസംഗിക്കുന്ന മുറിവൈദ്യന്മാരെക്കൊണ്ടു നിറയുകയാണ് വാരികകളും ടെലിവിഷനും ഇന്റര്നെറ്റുമൊക്കെ. പാരമ്പര്യ ചികിത്സാരീതിക്കാര് , പൈതൃകശാസ്ത്രപ്രചാരകര് , വൈദികഹൈന്ദവ സംസ്കാരത്തിന്റെ വക്താക്കള് , പ്രകൃതിജീവനപ്രചാരകര് തുടങ്ങിയവരാണ് ഇന്ന് പലപ്പോഴും മാംസാഹാരത്തിനെതിരേ മുന്നണിയില് നില്ക്കുന്നതായി കാണുന്നത്. മാംസാഹാരം ഭാരതീയമായ ഭക്ഷണശൈലിയില് പെട്ടതല്ലെന്നും അത് വിദേശീയ സംസ്കാരമാണെന്നും പരിപൂര്ണ്ണ സസ്യാഹാരമാണ് ശരിയായ ഭാരതീയ ഭക്ഷണശീലം എന്നുമൊക്കെ ഇവരില് ചിലര് തട്ടിവിടുന്നതും പതിവാണ്. മാംസാഹാരം മനസ്സിന്റെ 'മൃഗീയവാസന'കളെയുണര്ത്തും എന്നും പലരും പറഞ്ഞു കേള്ക്കാറുണ്ട്. മൃഗസ്നേഹികളുടെയും പ്രകൃതിസംരക്ഷണപ്രവര്ത്തകരുടേയും സദുദ്ദേശപരമായ ആക്റ്റിവിസങ്ങള്ക്കപ്പുറത്ത് പ്രതിലോമകരമായ ചില ആശയങ്ങളുടെ ഗൂഢസന്നിവേശമാണ് ഇതിന്റെ രാഷ്ട്രീയത്തെ കൌതുകകരമാക്കുന്നത്.
I
മാംസാഹാരം ശാസ്ത്രത്തിന്റെ ഉരകല്ലില്
പരിണാമത്തിന്റെ പലഘട്ടങ്ങളിലായി ആള്ക്കുരങ്ങിനോട് സാദൃശ്യമുള്ള, സസ്യാഹാരികളായ പൂര്വികരില് നിന്നും വഴിപിരിഞ്ഞ മനുഷ്യന് ഏതാണ്ട് 2 ദശലക്ഷം വര്ഷത്തോളം സര്വ്വഭക്ഷകമായ (omnivorous) ജീവിതമാണ് ജീവിച്ചത് . പല്ലുകളുടെയും ആമാശയത്തിന്റെയുമൊക്കെ ഘടനയും ദഹനരസങ്ങളുടെ പ്രത്യേകതകളും വച്ച് നോക്കുമ്പോള് ആധുനിക മനുഷ്യന് ഒരു പരിപൂര്ണ്ണ മാംസഭുക്കോ പരിപൂര്ണ്ണ സസ്യഭുക്കോ അല്ല. രണ്ടുതരം ആഹാരത്തിനെയും കൈകാര്യം ചെയ്യാന് പറ്റിയ ജൈവഘടനയാണ് മനുഷ്യ ശരീരത്തിനുള്ളത്.
പൊതുവില് പ്രോട്ടീനുകളുടെയും രക്തവൃദ്ധിക്കാവശ്യമായ ഇരുമ്പ്, കാല്ഷ്യം, ഫോസ്ഫറസ്, ഏ, ബി, ഡി വൈറ്റമിനുകള് തുടങ്ങിയ ധാതുക്കളുടെയും മികച്ച അനുപാതമാണ് മാംസാഹാരത്തിലുള്ളത്. കുറഞ്ഞ അളവ് മാംസത്തില് നിന്നു തന്നെ സസ്യാഹാരത്തേക്കാള് ആനുപാതികമായി കൂടുതല് അവശ്യ പോഷകങ്ങള് ലഭിക്കുന്നു എന്നതാണ് മാംസാഹാരത്തിന്റെ പ്രധാന മേന്മ .ഇത് പോഷകാഹാരക്കുറവ് നേരിടുന്ന ജനവിഭാഗങ്ങളെ സംബന്ധിച്ചിടത്തോളം ഒരനുഗ്രഹമാകേണ്ടതാണ് .
നെത്തോലിയും ചൂരയും ചാളയും അടക്കമുള്ള മത്സ്യങ്ങളില് നിന്നും EPAയും DHAയും സമൃദ്ധമായി ലഭിക്കുന്നു.ഹൃദ്രോഗത്തെ ചെറുക്കുന്നതില് ഒരു സുപ്രധാന റോള് വഹിക്കുന്ന ആല്ഫാ ലിനോലെനിക് (ALA), ഐക്കോസാ പെന്റനോയിക് (EPA), ഡോക്കോസാ ഹെക്സനോയിക് (DHA) എന്നീ മൂന്ന് ഫാറ്റീ ആസിഡുകളാണ് ഒമേഗാ-3-ഫാറ്റീ ആസിഡുകളെന്ന് വിളിക്കപ്പെടുന്ന അവശ്യ കൊഴുപ്പുകള് . മത്സ്യം കഴിഞ്ഞാല് ലോകത്ത് ഏറ്റവുമധികം ഭക്ഷിക്കപ്പെടുന്ന മാംസം പന്നിയുടേതാണ് (41%). താരതമ്യേന ഉയര്ന്ന പൂരിതകൊഴുപ്പിന്റെ പേരില് പഴികേള്ക്കാറുണ്ടെങ്കിലും പന്നിമാംസത്തിന്റെ തൊലിക്കടിയിലെ കൊഴുപ്പുകളഞ്ഞ് കിട്ടുന്ന ലീന് പോര്ക്കില് കോഴിയിറച്ചിയിലുള്ളത്ര കൊഴുപ്പേ ഉള്ളൂ എന്ന് പലര്ക്കും അറിയില്ല. നല്ല അളവുകളില് തയമീന്, നിയാസിന് തുടങ്ങിയ വൈറ്റമിനുകളും മറ്റ് ധാതുക്കളുമുണ്ട്. എളുപ്പം ദഹിക്കുന്ന പ്രോട്ടീനുകളാല് സമ്പന്നമാണ് പക്ഷിയിറച്ചികള് . പൂരിത കൊഴുപ്പിന്റെ അളവ് മാട്ടിറച്ചിയേക്കാള് കുറവും. പക്ഷിയിറച്ചിയുടെ വിശേഷിച്ച് കോഴിയിറച്ചിയുടെ കൊഴുപ്പിന്റെ ഒട്ടുമുക്കാലും അടങ്ങിയിരിക്കുന്നത് അതിന്റെ തൊലിയിലായതിനാല് അതു നീക്കം ചെയ്യുന്നതിലൂടെ തന്നെ മാംസാഹാരത്തിലൂടെ അമിത കൊഴുപ്പ് ഉള്ളിലെത്തുന്നത് തടയാം.
മാംസം,പാല്,മുട്ട എന്നിവയിലെ പ്രോട്ടീനുകളില് സമൃദ്ധമായി കാണപ്പെടുന്ന ട്രിപ്റ്റൊഫാന് എന്ന അമിനോ അമ്ലം ശരീരത്തിലെത്തുമ്പോള് സീറട്ടോണിന് എന്ന രാസവസ്തുവിന്റെ നിര്മ്മാണത്തിനായി ഉപയോഗിക്കപ്പെടും. നമ്മുടെ മസ്തിഷ്കത്തെ ശാന്തമാക്കുന്നതില് പ്രധാന പങ്കു വഹിക്കുന്നത് സീറട്ടോണിനാണ്. ഇങ്ങനെ നോക്കുമ്പോള് ഡിപ്രഷന്, മാനിയ,ഹൈപ്പോമാനിയ തുടങ്ങിയ മൂഡ് സംബന്ധിയായ മാനസികരോഗമുള്ളവര്ക്ക് മാംസാഹാരം ഗുണകരമായാണ് ഫലിക്കുക ! ("മൃഗവാസനാ-തിയറി"ക്കാര് ഈ കെമിസ്ട്രി ഓര്ക്കുക.)
മാംസാഹാരവും ആരോഗ്യപ്രശ്നങ്ങളും
മിതമായ അളവിലും ശരിയായ പാചകത്തിലൂടെയും ഉപയോഗിച്ചാല് മാംസാഹാരം പ്രശ്നങ്ങളൊന്നും ഉണ്ടാക്കുന്നതായി ആധുനികശാസ്ത്രം കണ്ടെത്തിയിട്ടില്ല. മാംസാഹാരത്തിനോടൊപ്പം ഉള്ളില് ചെല്ലുന്ന ഉയര്ന്ന അളവിലെ കൊഴുപ്പാണ് ഹൃദ്രോഗത്തിനും ചിലതരം (വന് കുടല്, പ്രോസ്റ്റേറ്റ് ഗ്രന്ഥി) കാന്സറുകള്ക്കും മാംസാഹാരവുമായുള്ള ബന്ധത്തിനു കാരണമെന്നു വളരെ മുന്പേ കണ്ടെത്തിയിട്ടുണ്ടു താനും. ഇതില് തന്നെ ബീഫ്, ഉണക്കിയതും ഉപ്പിലിട്ടതുമായ മാംസം, പുകയടിപ്പിച്ച് ഉണക്കുന്ന മാംസം എന്നിവയാണ് കാന്സറുമായി നേരിട്ട് കാര്യകാരണബന്ധം സ്ഥാപിക്കപ്പെട്ടിട്ടുള്ള വകഭേദങ്ങള് . ബീഫ് അവശ്യപ്രോട്ടീനുകളാല് സമ്പന്നമെങ്കിലും ഉയര്ന്ന പൂരിതകൊഴുപ്പുകാരണം നമ്മുടെ രക്തക്കൊളസ്റ്റ്രോള് വര്ധിപ്പിക്കുന്നു, ഹൃദ്രോഗസാധ്യതയും. എന്നാല് വളരെ ഉയര്ന്ന അളവില് (ദിവസം 80 -100ഗ്രാമില് കൂടുതല് ) ബീഫ് കഴിച്ചിരുന്നവരിലാണ് ഉയര്ന്ന കാന്സര് സാധ്യത പഠനങ്ങള് കണ്ടെത്തിയിട്ടുള്ളത്. ഇതില് തന്നെ, ബീഫിനോടൊപ്പം മത്സ്യവും ഫൈബര് ധാരാളമുള്ള ധാന്യങ്ങളും കഴിച്ചിരുന്നവരില് കാന്സര് സാധ്യത സാധാരണയിലും കുറവായി കണ്ടിട്ടുണ്ട്. മാംസവും പഴങ്ങളും സസ്യാഹാരവുമൊക്കെ ഇടകലര്ത്തിയുപയോഗിക്കുന്ന മിശ്രഭക്ഷണക്കാരില് ഈ സാധ്യതകള് പിന്നെയും കുറയുന്നു.
മാംസാഹാരത്തെപ്പറ്റിയുള്ള ഏറ്റവും വലിയ പരാതികളിലൊന്ന് വിരകളും പരാദജീവികളും മനുഷ്യനിലേയ്ക്ക് സംക്രമിക്കാന് അവ കാരണമാകുമെന്നതാണ്. പന്നിയിലും മാടുകളിലും മറ്റും പൂര്ണ്ണമായോ ഭാഗികമായോ ജീവചക്രം പൂര്ത്തിയാക്കുന്ന ചില വിരകള് ഉണ്ടെന്നത് വാസ്തവമാണ്. പക്ഷിയിറച്ചിയിലൂടെയും ചില വൈറല് രോഗങ്ങള് പടരാം. മാംസാഹാരം പൊതുവിലും, മാട്ടിറച്ചി വിശേഷിച്ചും ബാക്റ്റീരിയകളുടെ വളര്ച്ചയെ പ്രോത്സാഹിപ്പിക്കുകയും ചെയ്യും.
എന്നാല് അവ രോഗമുണ്ടാക്കുന്നത് ശരിക്ക് പാകം ചെയ്യാതെയും മറ്റും ഉപയോഗിക്കുമ്പോഴാണ്. അതും അപൂര്വ സന്ദര്ഭങ്ങളില് മാത്രം. ഇതേ പ്രശ്നം കാണിക്കുന്ന അനവധി സസ്യങ്ങളുമുണ്ട് എന്നത് ഇതിനെ പെരുപ്പിച്ച് കാണിക്കുന്നവര് സൗകര്യപൂര്വം മറച്ചുപിടിക്കുന്നു. ഉദാഹരണത്തിനു സാധാരണ ഉപയോഗിക്കുന്ന ബീന്സ്, കാബേജ്, പയറ് തുടങ്ങിയവയിലൊക്കെ ഈവക ബാക്റ്റീരിയകള് ധാരാളമായി വളരുകയും പൊതുജനാരോഗ്യ പ്രശ്നങ്ങള്ക്ക് വഴിതെളിക്കുകയും ചെയ്യുന്നുണ്ട്. സാല്മണെല്ല പോലുള്ള സര്വ്വവ്യാപിയായി കാണുന്ന ബാക്റ്റീരിയ സസ്യാഹാരം വഴിയാണ് അധികവും മനുഷ്യനില് വയറിളക്കവും ആമാശയ രോഗങ്ങളുമുണ്ടാക്കുന്നത്. ( ഈ പോസ്റ്റ് കൂടി ഇതോടുചേര്ത്ത് വായിക്കാം.)
കന്നുകാലി വളര്ച്ച ത്വരിതപ്പെടുത്താനുപയോഗിക്കുന്ന ഹോര്മോണുകള് മാംസത്തിലൂടെ നമ്മുടെ ശരീരത്തിലുമെത്തി അപകടമുണ്ടാക്കുന്നുവെന്ന് ഏറെ പ്രചാരണങ്ങള് നടക്കുന്നുണ്ടെങ്കിലും പഠനങ്ങളൊന്നും തന്നെ ഈ വാദം തെളിയിച്ചിട്ടില്ല. ഹോര്മോണ് കുത്തിവച്ച ബ്രോയ്ലര് കോഴിതിന്നാല് പെണ്കുട്ടികളില് ഹോര്മോണ്പ്രശ്നങ്ങള് ഉണ്ടാവും എന്ന് ചില ആരോഗ്യമാസികകളില് പോലും എഴുതിക്കണ്ടിട്ടുണ്ട്. ഇതിനെ സംബന്ധിച്ച് 1950കളുടെ അവസാനം മുതല് പഠനങ്ങള് നടക്കുന്നു. കുത്തിവയ്ക്കപ്പെട്ട മൃഗങ്ങളിലെ ഹോര്മോണുകള് അവയുടെ മാംസത്തില് സാന്ദ്രീകരിക്കുന്നില്ല എന്നതാണ് സത്യം. മാംസാഹാരത്തിലൂടെ പ്രകൃത്യാ ഉള്ളതോ കൃത്രിമമായതോ ആയ ഒരു ഹോര്മോണും ഹാനികരമായ അളവുകളില് നമ്മുടെ ഉള്ളിലെത്തുന്നതായി പഠനങ്ങള് ഇതുവരെ തെളിയിച്ചിട്ടില്ല. ഹോര്മോണ് കുത്തിവച്ചുവളര്ത്തുന്ന മാടിന്റെ മാംസത്തില് ഉള്ള ഹോര്മോണ് നിലയേക്കാള് എത്രയോ ഇരട്ടി ഹോര്മോണ് നമ്മള് സ്ഥിരമായി കഴിക്കുന്ന പല ആഹാരത്തിലുണ്ട് . ഉദാഹരണത്തിന് ഒരു ഗ്ലാസ് പശുവിന് പാലില് 250ഗ്രാം മാട്ടിറച്ചിയിലുള്ളതിനേക്കാള് ഒന്പതിരട്ടി ഈസ്ട്രജന് ഹോര്മോണുണ്ട്. മനുഷ്യ ശരീരത്തിലാകട്ടെ ഇതിന്റെ പതിനായിരം മുതല് ഒരു കോടിയിരട്ടിവരെ സ്റ്റീറോയ്ഡ് ഹോര്മോണുകള് പ്രകൃത്യാതന്നെ ഉല്പാദിപ്പിക്കപ്പെടാറുണ്ട് - കുട്ടികളില് പോലും!
അപ്പോള് ആത്യന്തികമായി പറയാവുന്നത് ഇത്രമാത്രം : ശുചിയായ പരിതസ്ഥിതിയില് വളര്ത്തി, ശരിയായി പാകം ചെയ്തെടുത്താല് മാംസാഹാരവും സസ്യാഹാരവുമൊക്കെ സുരക്ഷിതം തന്നെയാണ്. അതില് ഉച്ചനീചത്വങ്ങള് കാട്ടേണ്ട കാര്യമില്ല.
II
മാംസാഹാരത്തിന്റെ ഭാരതീയ രാഷ്ട്രീയം
നദീതീരത്തും പുല്മേടുകളിലും താഴ്വരകളിലുമൊക്കെയായി വികസിച്ച ഏതാണ്ടെല്ലാ സംസ്കാരങ്ങളും ഫലമൂലാദികള്ക്കും ധാന്യങ്ങള്ക്കുമൊപ്പം മൃഗമാംസവും ഭക്ഷണമാക്കിയിട്ടുണ്ട്. ഇന്ത്യയുടെ ആദ്യ സംസ്കൃതികളായ ഹാരപ്പാ-മൊഹേന് ജൊദാരോയും പിന്നീട് വന്ന ആര്യന്മാരുടെ വൈദിക സംസ്കൃതിയും ഒന്നും ഇതില് നിന്ന് വിഭിന്നമല്ല.
ഭാരതത്തിന്റെ ആദ്യ മതങ്ങളിലൊന്നായ വൈദികമതത്തിന്റെ സംഹിതകളിലും പുരാണങ്ങളിലും തന്നെയുണ്ട് മാംസാഹാരത്തിന്റെ ഉപയോഗത്തെക്കുറിച്ചുള്ള ധാരാളം ഉദാഹരണങ്ങള് :
ആര്യന്മാരുടെ മതഗ്രന്ഥമായ വേദങ്ങളിലും മനുസ്മൃതിയിലും ശതപഥബ്രാഹ്മണം പോലുള്ള പ്രമാണങ്ങളിലുമൊക്കെ യാഗവുമായി ബന്ധപ്പെട്ട് ദേവകള്ക്കായി ബലിനല്കിയ മൃഗത്തിന്റെ മാംസം ആഹാരമാക്കാന് വിധിയുണ്ട്. ഋഗ്വേദത്തില് അശ്വമേധത്തെക്കുറിച്ചു വിവരിക്കുന്ന ഭാഗം (ഒന്നാം മണ്ഡലം,അധ്യായം22) പ്രാചീനഭാരത സംസ്കൃതിയില് നിലനിന്നിരുന്ന മൃഗബലിയെ മാത്രമല്ല കാണിച്ചുതരുന്നത്, പുരോഹിതര് പോലും മാംസാഹാരം ഉപയോഗിച്ചിരുന്നു എന്നുകൂടിയാണ്. ബലിനല്കുന്ന കുതിരയ്ക്കുപുറമേ 609 മൃഗങ്ങളേക്കൂടി ബലികഴിക്കുന്നതിനായി ഉപയോഗിക്കുന്നതിനേക്കുറിച്ച് യജുര്വേദത്തില് വിശദീകരണമുണ്ട്.
വൈദിക നിയമങ്ങളുടെ ശേഖരമായ മനുസ്മൃതിയില് പുരോഹിതന്മാര്ക്കടക്കം കഴിക്കാവുന്നതും കഴിക്കാന് പാടില്ലാത്തതുമായ മാംസങ്ങളെപ്പറ്റി പറയുന്നു: മുള്ളന് പന്നി, ആമ, ഉടുമ്പ്, കാണ്ടാമൃഗം, മുയല് എന്നിവയും ഒരു താടിയെല്ലില് മാത്രം പല്ലുകളുള്ള ഒട്ടകമൊഴിച്ചുള്ള ജീവികളെയും ദ്വിജന്മാര്ക്ക് ഭക്ഷിക്കാമെന്ന് മനു. പാഠിനം, രോഹിതം എന്നിങ്ങനെ ചില മത്സ്യങ്ങളും നിഷിദ്ധമാക്കിയിട്ടില്ല.മന്ത്രോച്ചാരണത്തിലൂടെ ശുദ്ധിവരുത്തിയതും യാഗത്തില് ദേവകള്ക്കര്പ്പിച്ചതുമായ മാംസം പുരോഹിതനു ഭക്ഷിക്കാം. ഇങ്ങനെ വിധിക്കുന്ന മനു മറ്റൊന്നു കൂടി പറയുന്നുണ്ട് - വിധിപ്രകാരം മാംസം കഴിക്കേണ്ട അവസരത്തില് അതു കഴിക്കാതിരിക്കുന്നവന് ഇരുപത്തൊന്നുവട്ടം മൃഗജന്മം സ്വീകരിക്കേണ്ടി വരുമെന്ന് (അധ്യായം5, 11-37) !
യജ്ഞത്തില് ഹോമിക്കപ്പെട്ട മാംസമാണ് എറ്റവും മികച്ച ആഹാരമെന്ന് ശതപഥബ്രാഹ്മണം (11:7:1:3) പ്രഖ്യാപിക്കുന്നു. ബൃഹദാരണ്യകോപനിഷത്തിലാകട്ടെ സന്താനലാഭത്തെക്കുറിച്ച് വിവരിക്കുന്ന ഭാഗത്ത് വാഗ്മിയും ഭരണനിപുണനും വേദങ്ങളില് പ്രാവീണ്യമുള്ളവനുമായ പുത്രനുണ്ടാവാന് ദമ്പതികള് ചോറും, ഇളംപ്രായമുള്ളതോ മുതിര്ന്നതോ ആയ കാളയുടെ മാംസവും നെയ് ചേര്ത്ത് കഴിക്കാന് ഉപദേശമുണ്ട് (6:4:18). രാമായണത്തിലാകട്ടെ പുരോഹിതരായ ബ്രാഹ്മണരടക്കം ആട്ടിറച്ചിയും മാനിറച്ചിയും കഴിക്കുന്ന നിരവധി വര്ണ്ണനകളുണ്ട്. വനവാസത്തിനു പോകും മുന്പ് കൗസല്യയെ സാന്ത്വനിപ്പിക്കുന്ന ശ്രീരാമന് പറയുന്നത് "(കൊട്ടാരത്തിലെ) മാംസം നിഷിദ്ധമാക്കപ്പെട്ട്, കാട്ടിലെ ഫലമൂലാദികള് കഴിച്ച് ഞാന് ജീവിക്കേണ്ടി വരും" എന്നാണ്. കാട്ടിലേക്ക് പോയ രാമനെ തേടിയെത്തുന്ന ഭരതകുമാരനെ ആദിവാസികള് സല്ക്കരിക്കുന്നത് മദ്യവും മീനും ഇറച്ചിയും കൊടുത്താണ്. കാട്ടില് കഴിഞ്ഞ കാലത്ത് രാമലക്ഷ്മണന്മാരും സീതയും ഇറച്ചി ഉണക്കി ഉപയോഗിച്ചിരുന്നതിന്റെ സൂചന ജയന്തന്റെ കഥയിലുണ്ട്. കബന്ധനെന്ന രാക്ഷസരൂപത്തില് നിന്നും മോചിതനായ ദനു രാമനും ലക്ഷ്മണനും ഇന്നിന്ന മാംസങ്ങളും ഇന്നിന്ന മീനുകളും ഭക്ഷണമായി ലഭിക്കുന്ന പമ്പാനദീതീരത്തെക്കുറിച്ചു പറയുന്നുണ്ട്. ദ്വിജര്ക്ക് തിന്നാമെന്ന് മനുസ്മൃതി അധ്യായം 5ല് വിധിക്കുന്ന മാംസവര്ഗ്ഗങ്ങളെപ്പറ്റി രാമന്റെ അമ്പേറ്റ് വീണ ബാലി ഓര്മ്മിപ്പിക്കുന്ന ശ്ലോകവും ശ്രദ്ധേയം.
മാംസാഹാരം ഭാരതീയ വൈദ്യത്തില്
ബിസി 500-600 കാലഘട്ടത്തില് ക്രോഡീകരിക്കപ്പെട്ടതെന്ന് അനുമാനിക്കപ്പെടുന്ന സുശ്രുതന്റെ സംഹിതയില് ആണ് മാംസാഹാരത്തെ പറ്റിയുള്ള ഏറ്റവും ബൃഹത്തായ പ്രാചീനവര്ഗ്ഗീകരണം കാണാവുന്നത്. സൂത്രസ്ഥാനം ഉത്തരാര്ദ്ധത്തിലെ 531ശ്ലോകങ്ങളുള്ള നാല്പത്താറാം അധ്യായത്തില് (അന്നപാനവിധി) ഏതാണ്ട് 200ഓളം ശ്ലോകങ്ങള് മാംസാഹാരത്തെയും അവയുടെ പാകങ്ങളെയും വിവരിക്കുന്നതാണ്. വെള്ളത്തില് വസിക്കുന്ന ജീവികള് , വെള്ളം കൂടുതലുള്ള ഭൂമിയിലെ ജീവികള് , പച്ചമാംസം തിന്നുന്ന ജീവികള് , ഒറ്റക്കുളമ്പുള്ള ജീവികള് , സമസ്ഥലങ്ങളിലെ ജീവികള് എന്നിങ്ങനെ ആറ് വിധത്തിലുള്ള ഒരു വിശാലവര്ഗ്ഗീകരണത്തോടെ ആരംഭിക്കുന്ന മാംസാഹാര വിവരണം ഓരോ തരം മാംസത്തിന്റെയും വാത-പിത്ത-കഫാദികളുടെ ഏറ്റക്കുറച്ചിലുകളെയും ശരീരത്തില് അവ പോഷിപ്പിക്കുന്ന ഭാഗങ്ങളെയും പറ്റി പറയുന്നു. ഉദാഹരണത്തിന് 55 - 58 വരെ ശ്ലോകങ്ങള് മാനിറച്ചിയെപ്പറ്റിയാണ്. തിത്തിരി മുതല് മയിലും കാട്ടുകോഴിയും നാടന് പ്രാവും വരെയുള്ള പക്ഷികളുടെ മാംസത്തെപ്പറ്റി 60 - 71ല് പറയുന്നു. ശുക്ലവൃദ്ധിയ്ക്ക് കുതിരയുടെ മാംസം നല്ലതാണെന്ന പ്രാചീനവിശ്വാസത്തെ അടിസ്ഥാനമാക്കിയുള്ള ശ്ലോകങ്ങളും പിന്നീട് കാണാം.
ഗോമാംസത്തെപ്പറ്റിയുള്ള പ്രസ്താവന സമകാലീനവിവാദങ്ങളുടെ അടിസ്ഥാനത്തില് ഒന്ന് പരിശോധിക്കുന്നത് കൗതുകകരമായിരിക്കും.ശ്വാസരോഗം, കാസം, വിഷമജ്വരം എന്നിവയെ പശുവിന്റെ ഇറച്ചി ഇല്ലാതാക്കുമെന്ന് പറയുന്ന സുശ്രുതന് കായികാധ്വാനം കൂടിയവര്ക്കും അത്യഗ്നി (ഗ്യാസ്ട്രൈറ്റിസ് ? ഹൈപ്പര് തൈറോയിഡിസം ?), വാതാധിക്യം എന്നിവയുള്ളവര്ക്കും ഇത് നല്ലതാണെന്നു സൂചിപ്പിക്കുന്നു (ശ്ലോ:89).
പോത്തിന് മാംസത്തെപ്പറ്റിയുമുണ്ട് വിശേഷം - അത് സ്നിഗ്ധമാണ്, ഉഷ്ണവീര്യമാണ്,മധുരരസമുള്ളതുമാണ്. ശരീരത്തെ അത് തടിപ്പിക്കും. ഉറക്കം, സംഭോഗശക്തി, മുലപ്പാല് എന്നിവ വൃദ്ധിപ്പെടുമെന്നും മാംസം ദൃഢമാക്കുമെന്നുമുള്ള സുശ്രുതന്റെ പ്രസ്താവന കൂടി വായിച്ചുകഴിയുമ്പോള് ബീഫ് നിരോധനത്തിനു വേണ്ടിയും മറ്റും മുറവിളികൂട്ടുന്ന "ഭാരതപൈതൃക" അവകാശികള് വാളെടുക്കാതിരിക്കുമോ ? തീര്ന്നില്ല, പന്നിമാംസത്തെപ്പറ്റിയുമുണ്ട് സുശ്രുതന്റെ വിശകലനം. 112 മുതല് 124വരെ ശ്ലോകങ്ങള് മത്സ്യങ്ങളെപ്പറ്റിയുള്ളവയാണ്. പില്ക്കാലത്ത് മനുസ്മൃതിയില് പലസ്ഥലത്തും പരാമര്ശിക്കപ്പെടുന്ന മത്സ്യങ്ങളും തിമിംഗിലം വരെയുള്ള സമുദ്ര ജീവികളും ധന്വന്തരിയുടെയും, ശിഷ്യന് സുശ്രുതന്റെയും അഭിപ്രായത്തില് ആഹാര്യമാണ്.
സുശ്രുത സംഹിതയിലെന്ന പോലെ ചരകസംഹിതയുടെ 'സൂത്രസ്ഥാന'ത്തിലും കഴിക്കാവുന്നതും കഴിക്കാന് പാടില്ലാത്തതുമായ വിവിധതരം മാംസങ്ങളെപ്പറ്റി വിശദമായി പറയുന്നുണ്ട്. എന്നാല് സുശ്രുതനോ ചരകനോ മാംസാഹാരത്തെ ഒരു ഔഷധമെന്നതിനപ്പുറം സ്ഥിരഭക്ഷണത്തിന്റെ ഭാഗമാക്കാന് നിര്ദ്ദേശിക്കുന്നില്ല എന്ന മുട്ടാപ്പോക്ക് ന്യായമാണ് ഇന്നുള്ള പല പാരമ്പര്യവൈദ്യന്മാരും മാംസാഹാരത്തെ എതിര്ക്കാന് ഉപയോഗിക്കുന്നത്. സൂക്ഷ്മ പരിശോധനയില് ഇതു തെറ്റാണെന്ന് കാണാം. ഒന്നാമത്, സുശ്രുതന് ഈ മാംസാഹാരങ്ങളുടെ വര്ഗ്ഗീകരണവും കഴിക്കേണ്ട രീതികളും പറയുന്നത് അന്നപാനവിധിയുടെ ഭാഗമായാണ്, ഔഷധങ്ങളെപ്പറ്റി പ്രത്യേകമായി പറയുന്ന സ്ഥലങ്ങളിലല്ല. ഈ അധ്യായത്തിന്റെ ആരംഭത്തില് തന്നെ കാശിരാജാവായ ധന്വന്തരിയോട് ശിഷ്യന്മാരായ സുശ്രുതാദി ഋഷിമാര് ഇങ്ങനെ അപേക്ഷിക്കുന്നു : "ആഹാരം തിന്നുന്നതും കുടിക്കുന്നതും സംബന്ധിച്ചും ദ്യവ്യങ്ങളുടെ രസ-ഗുണ-വീര്യ-വിപാക-പ്രഭാവ-കര്മ്മങ്ങളെ സംബന്ധിച്ചും പ്രത്യേകം പ്രത്യേകം അറിയാന് ആഗ്രഹിക്കുന്നു...യാതൊന്നിനു ഹേതുവായിട്ട് ലോകത്തിലെ ജീവികള് ആഹാരത്തിന്നധീനമണോ അതു ഹേതുവായിട്ട് അന്നപാനവിധിയെ എനിക്കുപദേശിച്ചുതന്നാലും." തുടര്ന്ന് ധന്വന്തരി ഉപദേശിക്കുന്ന രൂപത്തില് സുശ്രുതന് എഴുതുന്ന അധ്യായത്തില് അന്നപാനവിധിയുടെ ഭാഗമായി ധാന്യങ്ങളെയും കിഴങ്ങുകളെയും പഴവര്ഗ്ഗങ്ങള് എന്തിന്, വെള്ളത്തിന്റെ ഉപയോഗത്തെക്കുറിച്ചുപോലും വളരെ വിശദമായി ചര്ച്ചചെയ്യുന്നതായും കാണാം.
മാംസാഹാരവും തൈരും മോരും : വിരുദ്ധാഹാര സങ്കല്പം
ശ്ലോകം 123ല് വര്ജ്ജിക്കേണ്ട മാംസത്തെപ്പറ്റി പറയുന്നതു നോക്കുക: ഉണങ്ങി ചീഞ്ഞുനാറിയത്, രോഗത്താല് മരിച്ചത്, വിഷം പുരണ്ട ആയുധത്താല് മരിച്ചത് , പ്രായം ചെന്നത് ശരീരം ശുഷ്കിച്ചത്,ചീത്ത ആഹാരം കഴിക്കുന്നത് എന്നിങ്ങനെയുള്ള പക്ഷിമൃഗാദികളുടെ മാംസം കഴിക്കരുത്...ഇപ്രകാരം ദൂഷിതമല്ലാത്ത മാംസങ്ങളൊഴിച്ച് മറ്റ് മാംസങ്ങളെ ഭക്ഷിക്കുവാന് സ്വീകരിക്കാവുന്നതാണ്. മാംസത്തെപ്പറ്റി സുശ്രുതന് നല്കുന്ന ഉപദേശം ധന്വന്തരി അവസാനിപ്പിക്കുന്നതുതന്നെ ഇപ്രകാരമാണ്: അല്ലയോ ശിഷ്യ, ഏത് ജീവിയുടെ മാംസം ഉപയോഗിക്കുന്നുവോ അവയുടെ ആഹാരവിഹാരങ്ങള് ശരീരാവയവങ്ങള് സ്വഭാവം ധാതുക്കള് ചേഷ്ടകള് ലിംഗം പാചകം ചെയ്യേണ്ടുന്ന വിധം എന്നിവയെല്ലാം പരീക്ഷണീയമാകുന്നു. (ശ്ലോ:138)
സുശ്രുതസംഹിതയിലെ തന്നെ സൂത്രസ്ഥാനം ഉത്തരാര്ധത്തില് അധ്യായം 20 (ഹിതാഹിതീയം) ചില ആഹാരങ്ങള് ചേര്ത്ത് കഴിക്കാന് പാടില്ലാത്തതായി വിധിച്ചിട്ടുള്ളതു നോക്കുക: സകലജീവികള്ക്കും ആഹരിക്കാവുന്ന ചില വിശാല മാംസവര്ഗ്ഗങ്ങളെക്കുറിച്ച് പറയുന്നിടത്ത് കറുത്തമാന്, പുള്ളിമാന്, കസ്തൂരിമൃഗം, ഇരുവാല്ച്ചാത്തന്, പ്രാവ്, കാട തിത്തിരിപ്പുള്ള് തുടങ്ങിയ 13 എണ്ണം ഉള്പ്പെടുത്തിയിരിക്കുന്നു. ചിലയിനം മാംസത്തോട് ചേര്ത്ത് പാല് കുടിക്കരുത് എന്ന പ്രസ്താവന ശ്രദ്ധിക്കേണ്ടതാണ്. ചെമ്മീന്, ഉടുമ്പ്, പന്നി ചെമ്മീന് എന്നിവയുടെ മാംസത്തിനൊപ്പം പാലുപയോഗിക്കരുതെന്നാണ് സുശ്രുതന്റെ വിധി. പാലിനൊപ്പം ഒരുവിധ മത്സ്യവും ചേര്ത്തുകഴിക്കരുത് എന്ന വിധി ചരകസംഹിതയിലെ സൂത്രസ്ഥാനത്തിലും ഉണ്ട്. അത് കുഷ്ഠത്തിനും ത്വക് രോഗങ്ങള്ക്കും കാരണമാകുമെന്നത്രെ ചരകന്റെ ന്യായം.
എന്നാല് അന്നപാനവിധിയില് ആഹാരം പാചകം ചെയ്യുന്ന കാര്യം പറയുന്നിടത്ത് സുശ്രുതന് തന്നെ ഇങ്ങനെയും വ്യക്തമാക്കുന്നു : "മാംസം സ്വതവേ ബലം വര്ദ്ധിപ്പിക്കുന്നതാകുന്നു. നെയ്യ്, മോര്, കുരുമുളക് പോലുള്ളവയുടെ എരിവ് എന്നിവ ചേര്ത്ത് പാകം ചെയ്യുന്ന മാംസം ഹിതകരമായതും ബലം നല്കുന്നതും രുചിപ്രദവും ഗുരുവുമാണ്. അതു തന്നെ മോര് ചേര്ത്തും കായം കുരുമുളക് മുതലായ സുഗന്ധവ്യഞ്ജനങ്ങള് ചേര്ത്തും സംസ്കരിച്ചുപയോഗിക്കുന്നതായാല് ബലം, മാംസം, ജഠരാഗ്നി എന്നിവയെ വര്ദ്ധിപ്പിക്കുന്നതാണ്. ഉണങ്ങിയ മാംസം ശരീരത്തിന്ന് സ്ഥിരതയെ ഉണ്ടാക്കുന്നതും തൃപ്തിയെപ്രദാനം ചെയ്യുന്നതും ബലം, ബുദ്ധി, ജഠരാഗ്നി, മാംസം, ഓജസ്സ്, ശുക്ലം എന്നിവയെ വര്ദ്ധിപ്പിക്കുന്നതുമാകുന്നു." തൈരും മോരും ഉറുമാമ്പഴവും ചേര്ത്ത് സംസ്കരിച്ചതും സംസ്കരിക്കാത്തതുമായ മാംസരസം ഹിതകരമായ ആഹാരങ്ങളില്പ്പെട്ടതാണെന്ന് സുശ്രുതന് മറ്റൊരിടത്തും പറയുന്നു.
" ഉണങ്ങിയ മാംസം കമ്പിയില് കോര്ത്തു തീയില് കാണിച്ചു പാകം വരുത്തിയെടുത്താല് ഏറ്റവും ഗുരുത്വമുള്ളതായിരിക്കും. എണ്ണയില് വറുത്തെടുത്ത മാംസം ഇപ്രകാരം ഗുരുവായിരിക്കും. എന്നാല് നെയ്യില് വറുക്കുന്നത് ലഘുവായിരിക്കും. ജഠരാഗ്നിയെ വര്ദ്ധിപ്പിക്കും, ഹൃദ്യമായിരിക്കും (ഹൃദയത്തിനു നല്ലത് എന്ന അര്ത്ഥത്തില് ), രുചിപ്രദവും മനസ്സിന്ന് പ്രിയമുള്ളതുമായിരിക്കും. പിത്തത്തെ ശമിപ്പിക്കും, ഉഷ്ണവീര്യമുണ്ടാവുകയുമില്ല."
" മാംസരസം തൃപ്തിയെ ഉണ്ടാക്കും.ആയുസ്സിനെ വര്ദ്ധിപ്പിക്കും, ശ്വാസരോഗം കാസം ക്ഷയം എന്നിവയെ നശിപ്പിക്കും. വാതം പിത്തം കഠിനാധ്വാനം എന്നിവകൊണ്ടുള്ള ക്ഷീണം മാറ്റും. ഹൃദയത്തിനു നല്ലതാണ്.അസ്ഥി നീക്കി മാംസം മാത്രം നന്നായി വേവിച്ചശേഷം വീണ്ടും അരച്ച് തിപ്പലി, ചുക്ക്, കുരുമുളക്, ശര്ക്കര, നെയ്യ് എന്നിവ ചേര്ത്ത് എല്ലാം കൂടി നല്ലവണ്ണം പാകം ചെയ്തതിന് വേശവാരം എന്ന് പറയുന്നു. ഇത് ഗുരുവാണ്.സ്നിഗ്ധമാണ്. ബലവര്ദ്ധകവും വാത വേദനയെ ശമിപ്പിക്കുന്നതുമത്രെ" (ശ്ലോ: 343-370).
തുണ്ട്: മാംസാഹാരത്തിനെതിരെ ഇന്ന് ടെലിവിഷനില് വെളിച്ചപ്പെടുന്ന ഭാരതീയവൈദ്യ വാചസ്പതികളെ സുശ്രുതന്റെ ഒരു സാങ്കല്പിക Food Spaയില് കൊണ്ടിരുത്തിയാല് നെയ്യില് പാകം ചെയ്ത ‘കാട ഫ്രൈ’യും ശര്ക്കര ചേര്ത്ത ‘സൂപ്പും’ കമ്പിയില് കോര്ത്ത് വറുത്ത ‘തന്തൂരിയും’ കണ്ട് തലകറങ്ങിയിരുന്നേനെ!
എന്തുകൊണ്ട് പന്നിമാസം നിഷിദ്ധമായി ?
❓ ഖുര്ആന് എന്തുകൊണ്ടാണ് ചില വസ്തുക്കള് ഹറാമാക്കിയത്? വൈദ്യ ശാസ്ത്രവീക്ഷണ പ്രകാരമോ മറ്റു കാരണങ്ങളാലോ? അവയുടെ ദോഷമെന്താണ്? പന്നിയുടെ പേരെടുത്ത് പറഞ്ഞ് അതിനെ ശക്തിയായി നിഷിദ്ധമാക്കിയതിന്റെ രഹസ്യമെന്താണ് ? പന്നി ഏറ്റവും ഉപദ്രവകാരിയായ ജീവിയായതു കൊണ്ടാണോ ? രക്തവും, ചീന്തിപ്പറിച്ചു തിന്നുന്ന വന്യജീവികളും നിഷിദ്ധമാക്കപ്പെട്ടതെന്തുകൊണ്ടാണ് ?
✅ ഖുര്ആന് ഏതെങ്കിലും വസ്തു തിന്നുന്നത് നിരോധിക്കുമ്പോള് നിരോധത്തിന്റെ പിന്നിലുള്ള പരിഗണന വൈദ്യശാസ്ത്രപരമായ ദോഷങ്ങളാകാവുന്നതാണ്. എന്നാല് അടിസ്ഥാനപരമായ കാരണം വൈദ്യശാസ്ത്രപരമല്ല, ധാര്മികവും വിശ്വാസപരവുമാണ്. വിശ്വാസപരമായ അടിസ്ഥാനത്തില് ചില വസ്തുക്കള് നിഷിദ്ധമാക്കപ്പെട്ടിട്ടുണ്ട്.
അല്ലാഹുവല്ലാത്തവരുടെ പേരില് അറുക്കപ്പെട്ടത് ഉദാഹരണം. ധാര്മിക ദോഷങ്ങള് കാരണം ചില ജന്തുക്കള് നിരോധിച്ചിട്ടുണ്ട്. ഉദാഹരണം പന്നി. അതുകൊണ്ടുണ്ടാകുന്ന ധാര്മിക നഷ്ടങ്ങളെപറ്റി നമുക്ക് വേണ്ടത്ര വിവരമില്ല. പക്ഷേ അനുഭവങ്ങളുടെ വെളിച്ചത്തില് നമുക്കവ മനസ്സിലാക്കാവുന്നതാണ്. ഉദാഹരണമായി, പന്നിയെ സംബന്ധിച്ചിടത്തോളം അതിന്റെ മാംസം അങ്ങേയറ്റം നിര്ലജ്ജത ഉണ്ടാക്കിത്തീര്ക്കുന്നുവെന്നതാണ് ലോകത്തിന്റെ അനുഭവം. പന്നിമാംസം ധാരാളമായി ഉപയോഗിക്കുന്ന സമുദായത്തിന്റെ ധാര്മികാവസ്ഥ ഇതിന് സാക്ഷിയാണ്.
ലോകത്തില് ഒരുപക്ഷേ, പന്നി മാത്രമാണ്, ഒരു പെണ്പന്നിക്കു ചുറ്റും ഒരു കൂട്ടം ആണ്പന്നികള് ഒരുമിച്ചുകൂടി ഊഴമൂഴമായി ഒന്ന് മറ്റൊന്നിന്റെ മുന്നില്വച്ചു ഇണചേരുന്ന ജീവി. നിര്ലജ്ജതയുടെ ഈ പ്രത്യേക സ്വഭാവം ഏത് സമൂഹത്തിലാണ് ഏറ്റവും കൂടുതല് കാണപ്പെടുന്നതെന്ന് താങ്കള് സ്വയം മനസ്സിലാക്കുമല്ലോ? ഒരു സമുദായത്തിന്റെ സഭാമര്യാദയനുസരിച്ച് ഒരാളുടെ ഭാര്യ മറ്റൊരാളുടെ തോളോടുതോള് ചേര്ന്നിരിക്കല് അനിവാര്യമാണെന്ന് കരുതുക, സ്വന്തം ഭാര്യയോടൊപ്പം നൃത്തമാടുന്നത് അസൂയയും സങ്കുചിതത്വവുമായി പരിഗണിച്ച് അവളെ ഇതര പുരുഷന്മാരോടൊത്ത് നെഞ്ഞോട് നെഞ്ഞുരുമ്മി ആടുവാന് വിടുന്നത് വിശാലതയുടെയും പൗരുഷത്തിന്റെയും അടയാളമായി ഗണിക്കുക-ഈ ചിന്താഗതിയുടെ ഉറവിടം ഏതാണെന്ന് താങ്കള് പരിശോധിക്കുന്ന പക്ഷം അത്, ഏതൊരു മൃഗത്തിന്റെ മാംസമാണോ അക്കൂട്ടര് ധാരാളമായി ഉപയോഗിക്കുന്നത് അതേ മൃഗത്തിന്റെ പ്രകൃതിയില് കണ്ടെത്താന് പ്രയാസമില്ല. ഇപ്രകാരം തന്നെ ഹിംസ്രജന്തുക്കളുടെ മാംസമുപയോഗിക്കുന്നത് രക്തദാഹം ഉണ്ടാവാന് കാരണമാകുമെന്നൂഹിക്കാവുന്നതാണ്. ഒഴുകിക്കൊണ്ടിരിക്കുന്ന രക്തവും ഒഴുകിയ രക്തവും ഉപയോഗിക്കുന്നതുകൊണ്ട് മൃഗീയതയും കാര്ക്കശ്യവുമുണ്ടായിത്തീരുമെന്ന അനുമാനവും അപ്രസക്തമല്ല.
📔 മത വേദ ഗ്രന്ഥങ്ങളിൽ
💥 പന്നി കുളമ്പു പിളര്ന്നതായി കുളമ്പു രണ്ടായി പിരിഞ്ഞിരിക്കുന്നതു തന്നേ എങ്കിലും അയവിറയ്ക്കുന്നതല്ലായ്കയാല് അതു നിങ്ങള്ക്ക് അശുദ്ധം.ഇവയുടെ മാംസം നിങ്ങള് തിന്നരുതു; പിണം തൊടുകയും അരുതു; ഇവ നിങ്ങള്ക്ക് അശുദ്ധം.
(ലേവ്യ 11.7-8 -ബൈബിള് )
💥 പന്നി: അതു കുളമ്പു പിളര്ന്നതെങ്കിലും അയവിറക്കുന്നില്ല; അതു നിങ്ങള്ക്ക് അശുദ്ധം ഇവയുടെ മാംസം തിന്നരുതു; പിണം തൊടുകയും അരുതു.(ആവര്ത്തന പുസ്തകം 14.8-ബൈബിള്)
❓ഇനി ശാസ്ത്രീയകാരണങ്ങള് നോക്കാം.ലോകത്തിലെ ഏറ്റവും നികൃഷ്ടമായ ചുറ്റുപാടുകളില് വളരുന്ന പന്നിയായാലും വളര്ത്തുന്ന പന്നിയായാലും അതിന്റെ ശരീരത്ത് പരാന്നജീവികളും രോഗാണുക്കളും വളരെയധികം പാര്ക്കുന്നുണ്ട്. അതേപോലെ തന്നെ പന്നിയുടെ ശരീരത്തിനുള്ളില് പോലും നിരവധി അണുക്കളും കൃമികളും വിരകളും വരെയുണ്ട്. മിക്കവയും മനുഷ്യന് അസുഖമോ മരണം വരെയോ സമ്മാനിക്കാന് പര്യാപ്തം. അതേപോലെ ശരീരത്തിനനുസരിച്ചു ശ്വാസകോശത്തിന്റെ വലിപ്പം ചെറുതായ പന്നിയ്ക്ക് ന്യുമോണിയ,ബ്രോങ്കിറ്റിസ് തുടങ്ങിയ രോഗവും സാധാരണം തന്നെ. അതേപോലെ വളരെയധികം കൊഴുപ്പും അടങ്ങിയ പന്നിയുടെ മാംസം ഒഴിവാക്കുന്നതാവും ആരോഗ്യത്തിന് നല്ലത് എന്ന് ആധുനിക വൈദ്യശാസ്ത്രവും ശുപാര്ശ ചെയ്യുന്നു.
💥 ചില ജീവികളുടെ ഭക്ഷണം അവയുടെ മാംസത്തെ ബാധിക്കുന്നു. ഉദാഹരണത്തിന് പലപ്പോഴും പന്നി ഭക്ഷിക്കുന്നത് വേസ്റ്റ് ആണ്. അതിന്റെ മാംസത്തിനും അതിന്റേതായ കുഴപ്പങ്ങള് ഉണ്ടാകും.
💥 ചില ജീവികളെ കൊല്ലുന്ന രീതി – കഴുത്ത് മുറിച്ചു രക്തം മുഴുവനും ഊറ്റിക്കളഞ്ഞു കൊല്ലുന്ന ജീവിയാണ് ഭക്ഷിക്കാന് അനുയോജ്യം. എന്നാല് ഇക്കാലത്ത് ചിലവയെ കഴുത്ത് ഞെരിച്ചും ചിലവയെ തലക്കടിച്ചും ഒക്കെ കൊല്ലുന്നതായി കാണാറുണ്ട്. പോത്ത്, കാള, പന്നി മുതലായവയെ അങ്ങനെയാണ് സാധാരണയായി ഇപ്പോള് കൊല്ലുന്നത്. രക്തം ഒഴുകി പോകാതെ മാംസത്തിന്റെ തൂക്കം കൂടാനാണ് അപ്രകാരം ചെയ്യുന്നത്. ഇത് രക്തം ഭക്ഷിക്കുന്നതിനു തുല്യമാണ്. (അപ്പൊ. 15: 28, 29 ഇതോടൊപ്പം ചേര്ത്ത് വായിക്കുക) അഡ്രിനാലിന് ഹോര്മോണ് ജീവികളുടെ രക്തത്തില് കലരുന്നത് വഴി ആരോഗ്യകരമായ പ്രശ്നങ്ങളും ഈ രീതിയില് തയ്യാറാക്കിയ മാംസത്തിനു ഉണ്ട്.
💥 പന്നിമാംസം ധാരാളം കൊഴുപ്പടങ്ങിയിരിക്കുന്നതാണ്. രക്തത്തിലെ കൊളസ്ട്രോള് ഉയര്ത്തുവാന് പന്നി മാംസത്തിനു കഴിയും.
💥 പന്നിമാംസം bladder (മൂത്രാശയ) cancer ഉളവാക്കാന് സാധ്യത കൂട്ടും എന്ന് ആധുനിക പഠനങ്ങള് സൂചിപ്പിക്കുന്നുണ്ട്.
💥 പന്നിയുടെ ശരീരത്തിലെ 'Trichina' (മനുഷ്യന് വളരെ അപകടം വരുത്തിത്തീര്ക്കുന്ന പരാദമാണ് ഇത്. ഇതുമൂലം ഉണ്ടാകുന്ന രോഗമാണ് Rheumatism and Muscular Pain. ഒരു തരത്തിലുള്ള പ്രതിരോധമാര്ഗവും ഇതിനില്ല. ചിലര് പതിയെ മരണത്തിന് കീഴടങ്ങുകയും മറ്റു ചിലര് രോഗത്തിന്റെ കഷ്ടതകള് വര്ഷങ്ങളോളം അനുഭവിക്കേണ്ടി വരികയും ചെയ്യുന്നു) എന്ന അണുവാണ്.
പന്നിമാംസം കഴിക്കുന്നതോടെ ഇത് മനുഷ്യശരീത്തില് പ്രവേശിക്കുകയും അത് ഹൃദയപേശികളില് കുടികൊള്ളുകയും ഹൃദയപ്രവര്ത്തനങ്ങളെ പ്രതികൂലമായി ബാധിക്കുകയും വലിയ അപകടങ്ങള് സൃഷ്ടിക്കുകയും ചെയ്യുന്നു. വന്തോതിലുള്ള യൂറിക് ആസിഡ് മനുഷ്യന്റെ ആരോഗ്യത്തിന് ഹാനികരമാണ്. അതിനാല് മനുഷ്യശരീരത്തിലെ യൂറിക് ആസിഡ് കിഡ്നിയിലൂടെ രക്തം ശുദ്ധീകരിച്ച് മലമൂത്രവിസര്ജനത്തിലൂടെ പുറംതള്ളാറാണ് പതിവ്. എന്നാല് പന്നിശരീരത്തില് യൂറിക് ആസിഡിന്റെ അളവ് വളരെ കൂടുതലാണ്. അവയുടെ വിസര്ജ്യത്തിലൂടെ രണ്ട് ശതമാനം മാത്രമാണ് പുറം തള്ളപ്പെടുന്നത്. ബാക്കി 98 ശതമാനവും അതിന്റെ ശരീരത്തില് തന്നെ അവശേഷിക്കുന്നു. മാത്രവുമല്ല, പന്നി സ്വന്തം വിസര്ജ്യം ഭക്ഷിക്കുന്നതിനാല് നഷ്ടപ്പെട്ട രണ്ട് ശതമാനം യൂറിക് ആസിഡ് വീണ്ടും അതിന്റെ ശരീരത്തിലേക്ക് തന്നെ തിരിച്ചെത്തുന്നു. ഈ വന്തോതിലുള്ള യൂറിക് ആസിഡ് പന്നിമാംസം കഴിക്കുന്നവരുടെ ശരീരത്തിലേക്ക് പ്രവേശിക്കുന്നതു മൂലം കിഡ്നിയുടെ പ്രവര്ത്തനം ത്വരിതപ്പെടുത്തേണ്ടി വരികയും ക്രമേണ കിഡ്നി അതിവേഗം തകരാറിലാവുകയും ചെയ്യുന്നു.
💥 പന്നിയില് നിന്ന് 450-ല് പരം രോഗങ്ങള് മനുഷ്യരിലേക്ക് പകരുന്നുണ്ടെന്ന് ആധുനിക ശാസ്ത്രം ശരിവെക്കുന്നു. പന്നിയുടെ കുഞ്ഞുങ്ങളില് നിന്ന് തന്നെ 57-ല് പരം രോഗങ്ങള് പകരുന്നു. അവയില് ചിലത് വളരെ വലിയ അപകടകാരിയും ജീവന് ഭീഷണിയുമാണ്. 27-ല് പരം പകര്ച്ച വ്യാധികള് മനഷ്യരിലേക്ക് പകര്ത്തുന്ന ഒരേയൊരു ജീവിയാണ് പന്നി. ഇതര ജീവികളിലും ഇതുപോലെ കാണപ്പെടാറുണ്ടെങ്കിലും പന്നിയാണ് ഇതില് മുഖ്യമായ പങ്ക് വഹിക്കുന്നത്.
❓പന്നിയില് നിന്നും രോഗം പകരുന്ന മൂന്ന് രീതികള്
1⃣ വളര്ത്തുമ്പോഴുണ്ടാകുന്ന ഇടപഴകലിലൂടെ. 32-ഓളം രോഗങ്ങള് ഇതിലൂടെ പകരും. തൊഴിത്തിലും അറവുശാലകളിലും ജോലി ചെയ്യുന്നവര്ക്കും രോഗങ്ങള് പകരും. ശരീരത്തില് വിള്ളലുകളും മുറിവുകളും ഉണ്ടാകുന്നു. ജപ്പാന് ജ്വരം ഇപ്രകാരം പകരുന്ന രോഗമാണ്.
2⃣ പന്നിസ്പര്ശമേറ്റ ഭക്ഷണ പാനീയങ്ങള് ഉപയോഗിക്കുന്നതിലൂടെ. 28-ല് കുറയാത്ത രോഗങ്ങള് ഇപ്രകാരം ഉണ്ടാകുന്നു. കരള് വീക്കം ഉദാഹരണം.
3⃣ മാംസം, നെയ്യ് തുടങ്ങിയവ ഉപയോഗിക്കുന്നതിലൂടെ. പതിനാറില്പരം രോഗങ്ങള് ഇതുമുഖേന അഭിമുഖീകരിക്കേണ്ടിവരും.
🏒 മറ്റ് മൃഗങ്ങളെ അപേക്ഷിച്ച് പന്നികളില് ആന്റിബോഡി കൂടുതല് ഉല്പാദിപ്പിക്കുന്നുണ്ട്. ഇത്തരം പ്രതിരോധവസ്തുക്കള് മനുഷ്യരുടെ ശരീരത്തില് ഗുണം ചെയ്യില്ല.
🏒 പന്നികളില് ഹോര്മോണുകള് കൂടുതല് ഉല്പാദിപ്പിക്കപ്പെടുന്നു. ഇത് പന്നികളുടെ പേശികളില് സംഭരിച്ചുവെക്കുന്നു. ഇത്തരം ഇറച്ചി കഴിക്കുന്നത് മനുഷ്യരുടെ ശരീരത്തില് ദോഷം ചെയ്യും.
🏒 പന്നിയിറച്ചിയില് കൂടിയ തോതില് കൊളസ്ട്രോളും കൊഴുപ്പും അടങ്ങിയിട്ടുണ്ട്. ഇത് നിങ്ങള്ക്ക് ആരോഗ്യകരമായ ശരീരം നല്കില്ല. പൊണ്ണത്തടിയായിരിക്കും ഫലം.
🏒 ഇത് ശരീരത്തിന് പല കേടുപാടുകളും ഉണ്ടാക്കും. ഇത് നിങ്ങളുടെ ശരീരത്തില് കൊഴുപ്പ് കുത്തി നിറയ്ക്കുന്നു. ഇതില് കൂടിയ തോതില് കലോറിയും അടങ്ങിയിട്ടുണ്ട്.
🏒 കലോറി കൂടിയ തോതില് അടങ്ങിയ പന്നിയിറച്ചി നിങ്ങള് പാകം ചെയ്യുമ്പോള് അതിലേക്ക് വെണ്ണയും ഓയിലും ഉപ്പും ചേര്ക്കുന്നു. ഇത് വീണ്ടും കലോറി കൂട്ടാന് കാരണമാകുന്നു. കൊഴുപ്പും സോഡിയവും കൂടുന്നു. ഇതാണ് നിങ്ങള് കഴിക്കുന്നത്.
🏒 കൂടിയ തോതില് കലോറിയും കൊഴുപ്പും സോഡിയവും അടിങ്ങിയ പന്നിയിറച്ചി കഴിക്കുന്നതിലൂടെ ശരീരത്തില് കൊളസ്ട്രോളിന്റെ അളവ് കൂടുന്നു.
🏒 കൂടിയ തോതില് കലോറിയും കൊഴുപ്പും നിങ്ങലുടെ ശരീരത്തില് അടിഞ്ഞു കൂടുമ്പോള് നിങ്ങളുടെ രക്ത സമ്മര്ദ്ദവും വര്ദ്ധിക്കുന്നു.
🏒 പന്നിയിറച്ചി കൂടുതല് കഴിക്കുന്നത് ക്യാന്സറിന് സാധ്യതയുണ്ടാക്കും.
🏒 കൂടിയ തോതില് സോഡിയം നിങ്ങളുടെ ശരീരത്തില് എത്തുന്നതു വഴി നിങ്ങളുടെ ഹൃദയത്തിന് പല കേടുപാടുകളും സംഭവിക്കാം.
🏒 ട്രിച്ചിനോസിസ് എന്ന പരാസ്റ്റിക് രോഗത്തിന് വരെ കാരണമാകുന്നു. കൊഴുപ്പ് കൂടിയ പന്നിയിറച്ചി പല രീതിയിലും പാചകം ചെയ്ത് കഴിക്കുന്നത് ഗുണം ചെയ്യില്ല.
🏒 പന്നിയിറച്ചി കഴിക്കുന്നതിലൂടെയും സ്വൈന് ഫഌ പിടിപ്പെടാം. എച്ച് വണ് എന് വണ് എന്ന വൈറസ് നിങ്ങളില് കടന്നു കൂടി പന്നിപ്പനിയുണ്ടാക്കുന്നു. ചൂടുകാലത്ത് പന്നിയിറച്ചി കഴിക്കുന്നവരില് പെട്ടെന്ന് ഇത് പിടിപ്പെടാം.
🏒 ഹിസ്റ്റാമിനും, ഇമിഡസോള് സംയുക്തങ്ങളും അമിതമായി പന്നിയിറച്ചിയില് അടങ്ങിയിരിക്കുന്നുണ്ട്. ഇത് സന്ധിവാതത്തിന് സാധ്യതയുണ്ടാക്കാം.
🏒 പന്നിയിറച്ചി കഴിക്കുന്നതിലൂടെ ഗോള്സ്റ്റോണ് ഉണ്ടാകാം. കരള്സഞ്ചിയിലുണ്ടാകുന്ന കല്ലാണ് ഗോണ്സ്റ്റോണ്. കൊളസ്ട്രോള് അടിഞ്ഞു കൂടുമ്പോഴാണ് ഇത്തരം രോഗം ഉണ്ടാകുന്നത്.
🏒 പന്നിയിറച്ചിലുള്ള ഒമേഗ-6 ഫാറ്റി ആസിഡ് എരിച്ചലും, കരള് വീക്കവും, പൊണ്ണത്തടി, പ്രതിരോധശേഷി പ്രവര്ത്തനം തടസ്സപ്പെടല് എന്നിവയ്ക്കൊക്കെ കാരണമാകാം.
🏒 അയേണും സെലനിയവും കൂടിയ തോതില് അടങ്ങിയ പന്നിയിറച്ചി കഴിക്കുന്നതിലൂടെ തൈറോയ്ഡ്, ശ്വാസകോശ പ്രശ്നം, പാന്ക്രീയാറ്റിക്, കരള്, മൂത്രശയം, പ്രൊസ്റ്ററേറ്റ് ക്യാന്സര് എന്നിവയൊക്കെ ഉണ്ടാകാന് സാധ്യതയുണ്ട്
തിന്നോ
അനുഭവിച്ചോ
ഒരു കോഴി അതിന്റെ ജീവിതകാലത്ത് തിന്നുന്ന ഗോതമ്പ് ഒരു മനുഷ്യന് എത്ര നേരത്തെ ഭക്ഷണത്തിനുണ്ട്.
ഒരു കോഴിയെത്തിന്നാലോ ഒരു നേരത്തെ ഭക്ഷണം മാത്രം.
ചുവന്ന ഇറച്ചിയിൽ ഇരുമ്പിന്റെ അംശമുണ്ട്. സിറം ഫെറിസ്റ്റിൻ ആയി സൂക്ഷിച്ചുവയ്ക്കും. സൂര്യനും ചന്ദ്രനും നേർരേഖയിൽ വരുന്ന കറുത്തവാവുദിവസം കാന്തിക സ്വഭാവമുള്ള എല്ലാ വസ്തുക്കളും ആകർഷിക്കപ്പെടും. ഇരുമ്പ് പെട്ടെന്ന് ആകർഷിക്കപ്പെടും. പകൽ തലച്ചോറിലേക്ക് രക്തപ്രവാഹം വർദ്ധിക്കും. രാത്രി പ്രഷർ കുറയും. ഫലം രക്തം തലച്ചോറിൽ കട്ട പിടിക്കും. സെറിബ്രൽ ഹെമറേജ്. ഒരു വശം തളരും.
വറുത്ത ഒരു കഷണം ഇറച്ചിയിൽ 300 സിഗരറ്റിലുള്ളത്രയും വിഷമുണ്ട്.
നന്നായിക്കഴിക്കുക മിശ്രഭോജികളേ
എന്നിട്ട് സമ്പാദിച്ച പണം മുഴുവൻ ആശുപത്രിയിൽ കൊടുക്കുക.
മനുഷ്യൻ സസ്യഭോജിയാണോ ...........അതോ മാംസഭോജിയോ ..............?..?
വിവാദ വിഷയം ആണല്ലേ ............?
മനുഷ്യൻ സസ്യഭോജിയാണന്നതിനു അനവധി ആധുനിക ശാസ്ത്രങ്ങൾ തെളിവ് നൽകുന്നു ..മനുഷ്യൻ സസ്യഭോജിയാണോ എന്നുറപ്പിച്ചാൽ മാത്രമെ നമ്മൾക്ക് നമ്മളുടെ ആരോഗ്യ രഹസ്യം അറിയുവാനാകു ........വിശ്വ പ്രസിദ്ധ ബ്രിട്ടീഷ് ജീവശാസ്ത്രജ്ഞനായ ഡോ:ഹരിവാർഡ് കാറിഗ്ടനിന്റെ" ദി നാച്ചുറൽ ഫുഡ് ഓഫ് മാൻ "എന്ന ഗ്രന്ഥത്തിൽ വിശദമായി പറയുന്നു നാം സസ്യഭോജിയാണെന്ന്
അദ്ദേഹത്തിന്റെ ചില തെളിവുകൾ നോക്കാം ..
പചനവ്യൂഹത്തിന്റെ നീളം
ഏതൊരു ജീവിയുടെയും പചനവ്യൂഹത്തിന്റെ നീളം ആ ജീവിയുടെ നീളവുമായി ഒരു അനുപാതത്തിലായിരിക്കും ..ഒരു പശുവിന്റെ പചനവ്യൂഹത്തിന്റെ നീളം ഏതാണ്ട് 32 അടി നീളമുണ്ടാവും. പശുവിനേക്കാൾ നീളം കൂടിയ ഒരു കടുവയുടേതാവട്ടെ വെറും 12 അടി നീളം മാത്രം ..കടുവ മാംസഭോജിയാണ് എല്ലും, തോലും, ചോരയും, ഇറച്ചിയും ചവച്ചരക്കാതെ കടിച്ചു വിഴുങ്ങുന്നു അവ ദഹിക്കാനുള്ള അതിശക്തമായ അമ്ല ദഹനരസങ്ങളാണ് കടുവയുടെ ആമാശയത്തിൽ ഉള്ളത് അത്തരം ദഹനരസങ്ങളൊന്നും മനുഷ്യ ആമാശയത്തിൽ കാണുന്നില്ല മനുഷ്യന്റെ പചനവ്യൂഹത്തിന്റെ നീളം 30 അടിയോളം വരും മനുഷ്യനെ ഒരു സസ്യാഹാരിയായിട്ടാണോ പ്രകൃതി രൂപ കല്പന ചെയ്തിട്ടുള്ളത് ...?
ചവച്ചരക്കുന്നത്
.സസ്യഭോജികളായ ജീവികളുടെയെല്ലാം കീഴ്ത്താടിക്ക് ഇടത്തോട്ടും വലത്തോട്ടും ചലിപ്പിച്ചു ചവച്ചരച്ചു കഴിക്കുവാനുള്ള ചലനസ്വാതന്ത്രം ഉണ്ട് കന്നുകാലികൾ, കുതിര, ആന ,കാണ്ടാമൃഗം, ഒട്ടകം .......മുതലായവ ഉദാഹരണം... എന്നാൽ സിംഹം, പുലി ,കടുവ, പട്ടി ,പൂച്ച മുതാലായവ ചവച്ചരക്കുന്നില്ല കടിച്ചു മുറിച്ചു വിഴുങ്ങുന്നു ....മനുഷ്യനോ ..............???
വെള്ളം കുടിക്കുന്നത് .....
സസ്യഭോജികൾ വെള്ളം വലിച്ചു കുടിക്കുന്നു (sipping ) മാംസഭോജികൾ വെള്ളം നക്കി കുടിക്കുന്നു (Licking ).......മനുഷ്യനോ ................??
ഉറക്കം
സസ്യഭോജികൾ പകൽ ഉണർന്നും രാത്രിയിൽ ഉറങ്ങിയും കഴിയുന്നു ഇത് തെറ്റിച്ചാൽ ശരീരരത്തിൽ അമ്ലത കൂടി രോഗമുണ്ടാകുന്നു എന്നാൽ മാംസഭോജികൾ പകലുറക്കക്കാരും രാത്രി സഞ്ചാരികളും ആയിരിക്കും ..............
വിയർപ്പു ഗ്രന്ഥികൾ .
സസ്യഭോജികളിൽ കാണുന്ന വിയർപ്പു ഗ്രന്ഥികൾ മാംസഭോജികളിൽ കാണുന്നില്ല
ജനിക്കുമ്പോൾ കണ്ണ് തുറന്നിരിക്കുന്നു
സസ്യഭോജികളുടെ കുഞ്ഞുങ്ങൾ ജനിക്കുമ്പോൾ തന്നെ കണ്ണുകൾ തുറന്നിരിക്കും മാംസഭോജികളുടെ കുഞ്ഞുങ്ങളുടെ കണ്ണുകൾ രണ്ടാഴ്ച മുതൽ ഒരു മാസംവരെ അടഞ്ഞിരിക്കും
നമ്മൾ മനുഷ്യർ സസ്യഭോജികളോ ......അതോ മാംസഭോജികളോ ................??? തീരുമാനിച്ചോളൂ ....
വിധിച്ച ഭക്ഷണം കഴിക്കാത്തതിന്റെ പ്രശ്നങ്ങൾ ആണ് മനുഷ്യൻ അനുഭവിക്കുന്നത്..............ഏതെങ്കിലും പശു ഞാൻ ഗർഭിണിയാണ് അതുകൊണ്ടു ബെഡ് റസ്റ്റ് ആണെന്നും പറഞ്ഞു മരത്തിനടിയിൽ കിടക്കുന്നുണ്ടോ ................മനുഷ്യനല്ലാതെ മറ്റേതങ്കിലും ജീവികൾ പ്രഷർ ഷുഗർ, കൊളസ്ട്രോൾ എന്നും പറഞ്ഞു ആശുപത്രിയിൽ കയറിയിറങ്ങുന്നുണ്ടോ ...............ഇല്ല കാരണം .അവയെല്ലാം സ്വാഭാവിക ഭക്ഷണം ആണ് കഴിക്കുന്നത് ...............പ്രകൃതിയിൽ നിന്നും നേരിട്ട് കഴിക്കാവുന്നതാണ് സ്വാഭാവിക ഭക്ഷണം ..............നമ്മളുടെ അവസ്ഥയോ ...........പ്രകൃതിയിൽ നിന്നും ലഭിക്കുന്ന നെല്ല് കഴിക്കാൻ പറ്റുമോ ......? ഇല്ല .............. അരിയാക്കിയാൽ കഴിക്കാമോ ...............? ഇല്ല ...............വേവിച്ചാൽ കഴിക്കാമോ .......ഇല്ല .........കുറഞ്ഞത് രണ്ടു കൂട്ടം കറി കൂടി ഉണ്ടെങ്കിലേ നെല്ല്.... അരിയായി ...........അരി....ചോറ് ആയതു നമ്മളുടെ വയറ്റിൽ ചെല്ലുകയുള്ളു .................ഇത് മനുഷ്യന്റെ സ്വാഭാവിക ഭക്ഷണം അല്ല .............
ഭക്ഷണം എന്നാൽ എന്താണ്?
ഊർജ്ജമാണ്.
സൂര്യനിൽ നിന്ന് ഏതെങ്കിലും ചെടി സ്വീകരിച്ച ഊർജ്ജം.
മാംസം കഴിക്കാനായി ഒരു ജീവിയെ വളർത്തുമ്പോൾ അത് എത്ര വലിയ ഊർജ്ജ നഷ്ടമാണുണ്ടാക്കുന്നത്.
ചുരുക്കത്തിൽ പാലുകുടിക്കാനും, ഇറച്ചി തിന്നാനുമായി ജന്തുക്കളെ വളർത്താതിരുന്നാൽ ധാന്യ ഉൽപ്പാദനം നമുക്കുമതിയാകുന്നത്രയും പ്രകൃതി തരുന്നുണ്ട്.
രുചിയ്ക്ക് വേണ്ടി പരക്കം പായുന്നവരാണ് കുഴപ്പം ഉണ്ടാക്കുന്നത്.
വെളുത്ത ചോറ് രോഗം ഉണ്ടാക്കുന്നതാണ്.
വേവിച്ച ഭക്ഷണം കഴിക്കാതിരുന്നാൽ രോഗമേ വരില്ല.
മാംസാഹാരം നിഷിദ്ധമോ?
🤔
പണ്ട് കുട്ടികാലത്ത് ബാലമംഗളത്തിലെ ഡിങ്കന് എന്ന ചിത്രകഥ വായിക്കുമ്പോള് ആ രക്ഷകനോട് വലിയ ബഹുമാനം തോന്നിയിരുന്നു. കാരണം കാട്ടിലെ മാന് , മുയല് തുടങ്ങിയ സാധുജീവികളെ കരിങ്കാടന് കടുവയില് നിന്നും മറ്റും പറന്നു വന്നു രക്ഷിക്കുന്ന ഹീറോ ആണല്ലോ അത്? ഡിങ്കന് നല്ലവനും കരിങ്കാടന് ഭീകരനും.
എന്നാല് ഇപ്പോള് എനിക്ക് തോന്നുന്നത് നേരെ തിരിച്ചാണ്.
ഡിങ്കനല്ലേ യഥാര്ഥത്തില് തിന്മ ചെയ്യുന്നത്? യാഥാര്ത്ഥ്യലോകത്ത് ഡിങ്കന് ഉണ്ടായിരുന്നെങ്കില് ഈ പരിസ്ഥിതിയുടെ സ്ഥിതി എന്താകുമായിരുന്നു? പട്ടിണി കിടന്നു ഹിംസ്ര മൃഗങ്ങള് ചത്തൊടുങ്ങും. സസ്യഭുക്കുകളായ മാന് , മുയല് തുടങ്ങിയവയുടെ എണ്ണം ക്രമാതീതമായി വര്ദ്ധിക്കും. അവ അമിതമായി സസ്യങ്ങളെ ആഹാരമാക്കും. അങ്ങനെ പ്രകൃതിയില് സസ്യങ്ങള് ഇല്ലാതായി മുഴുവന് ജീവികളും നശിക്കും.
നാം കരിങ്കാടന് നന്ദി പറയുക!!!
ഇന്ന് പലരുടെയും മനസ്സ് ഡിങ്കന് കഥ വായിക്കുന്ന കുട്ടിയുടെതാണ്. മനുഷ്യന് മൃഗത്തെ അറുക്കുന്നതും മാംസാഹാരം കഴിക്കുന്നതുമൊക്കെ ക്രൂരതയാണെന്നും എതിര്ക്കപ്പെടണമെന്നും അവര് വാദിക്കുന്നു. അത്തരക്കാരുടെ യുക്തിയുടെ വൃത്തം വളരെ പരിമിതമാണ് എന്നാണു തോന്നുന്നത്.
തങ്ങളുടെ ആശയം സ്ഥാപിക്കുവാന് വേണ്ടി അവര് നിരത്താറുള്ള പ്രാധാന വാദങ്ങളും അവയുടെ വിശകലനവുമാണ് താഴെ.
വാദം 1: മൃഗങ്ങളെ വധിക്കുന്നതും വേദനിപ്പിക്കുന്നതും പാപമാണ്. മനുഷ്യജീവനെ പോലെ അവരുടെ ജീവനും പവിത്രമാണ്.
ഈ വാദം ഉയര്ത്തുന്നവര് സസ്യങ്ങളുടെ കാര്യത്തില് എന്താണ് ഈ നിലപാട് എടുക്കാത്തത്? അവക്കുമുണ്ടല്ലോ ജീവനും വികാരവും പ്രതികരണശേഷിയും? അവയുടെ ജീവന് പവിത്രമല്ലേ? അവക്ക് വേദനിക്കില്ലേ?
മാത്രമല്ല, എല്ലാവരും രോഗം വരാതിരിക്കാന് വേണ്ടി രോഗാണുക്കളേയും കൃമികളെയും കൊതുകുകളെയും മൂട്ടയേയുമൊക്കെ നശിപ്പിക്കുന്നു. അത് മനുഷ്യന്റെ നിലനില്പ്പിനു ആവശ്യമാണെന്നാവും ഇതിനു അവര് നല്കുന്ന മറുപടി. അഥവാ അഹിംസ എന്നത് അപ്രായോഗികമായ സംഗതിയാണെന്ന് ഇവരും സമ്മതിക്കുന്നു. ഈ അപ്രായോഗികത മാംസാഹാരം ഉപേക്ഷിക്കുന്നതിലുമുണ്ട്. സസ്യങ്ങളെയും പ്രാണികളെയും രോഗാണുക്കളെയും നിലനില്പിന് വേണ്ടി കൊല്ലുന്നവര് കോടിക്കണക്കിനു ആളുകള് കഴിക്കുന്ന മാംസം ഒഴിവാക്കാന് പറയുന്നത് അടിസ്ഥാനരഹിതല്ലേ?
ഒരു മൃഗത്തെ കൊന്നാല് നൂറു പേര്ക്കുള്ള ആഹാരം ലഭിക്കും. എന്നാല് നൂറു പേരെ തീറ്റാന് നൂറില് പരം ചെടികള് നശിപ്പിക്കേണ്ടി വരുന്നു. ഒരു ജീവന് നശിപ്പിക്കുന്നതാണോ നൂറു ജീവന് നശിപ്പിക്കുന്നതാണോ കൂടുതല് ക്രൂരം?
കാലികളെ അറുക്കാതെ ജീവിക്കാന് വിടുകയാണെങ്കില് അവസാനം അവ പ്രായമേറി ഒന്നിനും കൊള്ളാത്ത അവസ്ഥയിലാവും. അവയെ എങ്ങോട്ടെങ്കിലും പോകാന് അനുവദിച്ചാല് ഒന്നുകില് സ്വാഭാവിക മരണം, അല്ലെങ്കില് വല്ല ഹിംസ്രജന്തുക്കള്ക്കും ഭക്ഷണമാകും. അപ്പോഴും അവയ്ക്ക് വേദന വരില്ലേ? അറുക്കുകയാണെങ്കില് മനുഷ്യര്ക്ക് അതുകൊണ്ട് പ്രയോജനം മാത്രമേയുള്ളൂ. മാംസം മാത്രമല്ല, തോലും എല്ലുമൊക്കെ പല ആവശ്യങ്ങള്ക്കും ഉപയോഗിക്കാം.
മുസ്ലിംകള് മൃഗത്തെ അറുക്കുന്നത് വളരെ ശാസ്ത്രീയമായ രീതിയിലാണ്. ഏറ്റവും കുറഞ്ഞ വേദന മാത്രമേ അതുമൂലം അവക്കുണ്ടാവൂ. കാലികളുടെ സാധാരണ മരണം പോലും ഇതിനേക്കാള് വേദനാജനകമായിരിക്കും എന്നതാണ് സത്യം. അറുക്കുമ്പോള് കഴുത്ത്, ശ്വാസനാളം, കഴുത്തിലെ ധമനികള് എന്നിവ നട്ടെല്ലിനു ക്ഷതമേല്ക്കാത്ത വിധം മുറിക്കുന്നു. ഇതുമൂലം വളരെ കുറഞ്ഞ വേദനയെ ഉണ്ടാകൂ എന്ന് മാത്രമല്ല, രക്തം വാര്ന്നു പോകുന്നത് കൊണ്ട് മാംസം ശുദ്ധമായിരിക്കും. മൃഗം ചാവുന്നത് ശ്വാസം മുട്ടിയാവില്ല. മൃഗത്തിനു വേദനിക്കുന്നുവെന്നു പറയുന്നത് അതിന്റെ പിടച്ചില് കണ്ടിട്ടാവും. എന്നാല് അത് വേദന മൂലമാല്ല, മറിച്ചു രക്തചംക്രമണം നിലച്ച ശരീരഭാഗങ്ങള് വലിയുകയും അയയുകയുമാണ്.
വാദം 2: മാംസാഹാരം കഴിക്കുന്നവര് ക്രൂരന്മാരായി മാറും. ഗാന്ധിജി സസ്യാഹാരം കഴിച്ചതുകൊണ്ടാണ് സമാധാനത്തിന്റെ വക്താവായത്.
അഡോള്ഫ് ഹിറ്റ്ലര് ഒന്നാം തരം സസ്യഭുക്കായിരുന്നു. ലക്ഷങ്ങളെ കൊന്നൊടുക്കിയതിലും അയാള് ഒന്നാമന് തന്നെ. ഇന്ത്യയില് ഭീകരാക്രമണങ്ങള് നടത്തിയ സംഘുപരിവാര് ഭീകരരും സസ്യാഹാരികളല്ലേ? ഗാന്ധിജിയെ വധിച്ച ഗോഡ്സെ ശുദ്ധസസ്യഭുക്കായിരുന്നു. അപ്പോള് മാംസാഹാരം കഴിക്കുന്നവര് മാത്രമേ ക്രൂരന്മാരാവൂ എന്ന വാദം ശുദ്ധ അസംബന്ധം ആണ്.
ഗാന്ധിജി മാംസാഹാരം കഴിക്കാത്തതിനാലാണ് സമാധാനത്തിന്റെ വക്താവായത് എന്ന വാദം ഒന്നാംതരം വിഡ്ഢിത്തമാണ്. സമാധാനത്തിന് നോബല് സമ്മാനം കിട്ടിയ മദര് തെരേസ, യാസര് അറഫാത്ത്, അന്വര് സാദത്ത്, മഹേഷ് ചന്ദ് ബഗാന് തുടങ്ങിയവരൊക്കെ മിശ്രഭുക്കുകള് ആണെന്ന കാര്യം എന്താണിവര് ഓര്ക്കാത്തത്?
വാദം 3: മനുഷ്യന് പ്രകൃത്യാ സസ്യഭുക്കാണ്. അതിനു നിരവധി തെളിവുകള് ഉണ്ട്.
മാംസഭുക്കുകളുടെ ശരീരഘടനയും സസ്യഭുക്കളുടെ ശരീരഘടനയും താരതമ്യം ചെയ്തു അതില് എതിനോടാണ് മനുഷ്യന് സാമ്യത ഉള്ളതെന്നാണ് ഇക്കൂട്ടര് ചോദിക്കാറുള്ളത്. വാസ്തവത്തില് മനുഷ്യന് മാംസഭുക്കോ സസ്യഭുക്കോ അല്ല, മിശ്രഭുക്കാണ് എന്ന കാര്യം വിസ്മരിച്ചുകൂടാ.
മനുഷ്യന് സസ്യാഹാരവും മാംസാഹാരവും ഉപയോഗിക്കാന് സാധിക്കുംവിധമാണ് സൃഷ്ടിക്കപ്പെട്ടിരിക്കുന്നത്. സസ്യഭുക്കുകളായ ആട്, പശു, ചെമ്മരിയാട് തുടങ്ങിയവയുടെ പല്ലുകള് സസ്യാഹാരം മാത്രം കഴിക്കാന് കഴിയുംവിധം പരന്നതും നിരപ്പായതുമാണ്. മാംസഭുക്കായ കടുവ പോലുള്ളവയുടേത് കൂര്ത്തതും മൂര്ച്ചയുള്ളതുമാണ്. എന്നാല് , മനുഷ്യനു രണ്ടിനും പറ്റുന്ന പല്ലുകളുണ്ട്. അഥവാ പരന്നതും നിരപ്പായതുമായ പല്ലുകളോടൊപ്പം മൂര്ച്ചയുള്ളവയും കൂര്ത്തവയുമുണ്ട്.
ഇനി ദഹനേന്ദ്രിയങ്ങളുടെ കാര്യം പരിശോധിക്കാം. മനുഷ്യനു മാംസാഹാരവും സസ്യാഹാരവും ദഹിപ്പിക്കാവുന്ന വിധമുള്ള ദഹനേന്ദ്രിയമാണുള്ളത് . മനുഷ്യന് സൃഷ്ടിക്കപ്പെട്ടതുതന്നെ മിശ്രഭുക്കായാണ് എന്നതിന് ഇതില് പരം വേറെന്തു തെളിവ് വേണം?
മാംസഭുക്കുകളുടെ കരള് , വൃക്ക എന്നിവയുടെ വലിപ്പം മാംസാഹാരവിരുദ്ധര് തെളിവായി കാണിക്കാറുണ്ട്. മാംസം ദഹിച്ചാല് ഉണ്ടാവുന്ന വിഷം (Toxins) പുറന്തള്ളാന് മാംസഭുക്കുകള്ക്ക് വലിയ കരളും വൃക്കകളും ആണുള്ളത്. എന്നാല് മനുഷ്യന് ചെറിയ കരളും വൃക്കകളും ആണുള്ളത്. ഇതാണവരുടെ സമര്ത്ഥനം. എന്നാല് ഈ വാദത്തില് കഴമ്പില്ല. കാരണം മനുഷ്യന് മാംസം വേവിച്ചാണ് കഴിക്കുന്നത് . അതിലൂടെ കരളും വൃക്കയും ചെയ്യേണ്ട ജോലിഭാരം കുറയുന്നു. അതിനാല് ചെറിയ കരളും വൃക്കയുമേ നമുക്കാവശ്യമുള്ളു. മറ്റു മാംസഭുക്കുകള് പച്ചമാംസം ആണ് കഴിക്കുന്നതെന്ന കാര്യം ഓര്ക്കുക.
മനുഷ്യരില് ലിപ്പേസ്, ട്രിപ്സിന് , കൈമോട്രിപ്സിന് പോലെയുള്ള മാംസാഹാരത്തെ ദഹിപ്പിക്കുന്ന എന്സൈമുകള് എന്തിനാണെന്ന് കൂടി മാംസാഹാരവിരോധികള് പറഞ്ഞാല് ഉപകാരം.
വാദം 4: മാംസാഹാരം മൂലമാണ് ഹൃദ്രോഗങ്ങള് പോലുള്ള രോഗങ്ങള് ഉണ്ടാകുന്നത്.
ഹൃദ്രോഗവും അത് പോലുള്ള രോഗങ്ങളും അമിതാഹാരം മൂലമാണ് സംഭവിക്കുന്നത് . അതാവട്ടെ സസ്യാഹാരം മൂലവും ഉണ്ടാവുന്നുണ്ട്.
ഇസ്ലാമികമായ രീതിയില് അറുത്ത്, രക്തം ഒഴുക്കിക്കളഞ്ഞു, ഹോര്മോണുകളോ മരുന്നുകളോ കുത്തിവെക്കാതെ, നന്നായി വേവിച്ചു പാകം ചെയ്ത മാംസാഹാരം മിതമായ അളവില് ഉപയോഗിച്ചാല് ഒരു രോഗവും വരില്ല.
മാംസഹാരത്തില് കൊളസ്ട്രോള് ഉണ്ടെന്നതാണ് മറ്റൊരു വാദം. ശരിയാണ്. എന്നാല് പല സസ്യാഹാരത്തിലും കൊളസ്ട്രോള് ഉണ്ട്. ഉദാഹരണത്തിന് വെളിച്ചെണ്ണ, അണ്ടിപ്പരിപ്പ്, വെണ്ണ, തേങ്ങ തുടങ്ങിയവ. അത് കൊണ്ടുമാത്രം അവ ഉപേക്ഷിക്കണം എന്ന് പറയാമോ? വാസ്തവത്തില് എല്ലാം മിതമായിട്ടാണ് കഴിക്കുന്നതെങ്കില് ഒരു കുഴപ്പവും വരില്ല.
വാദം 5: ഒരു പശുവില് നിന്നും അതിന്റെ ജീവിതകാലത്ത് ലക്ഷത്തോളം ആളുകള്ക്കുള്ള പാല് ലഭിക്കും. എന്നാല് അതിനെ അറുത്താല് വളരെ തുച്ചമായ മാംസമാണ് ലഭിക്കുക.
സാധാരണ അറുക്കുക പാലുല്പാദനം നിന്ന പശുവിനെയാണ്. അല്ലെങ്കില് ആണ് വിഭാഗത്തില് പെട്ട ആട് , മാടുകളെ. അതിനാല് ഈ വാദം അടിസ്ഥാനരഹിതമാണ്.
വാദം 6: മാംസാഹാരത്തേക്കാള് കൂടുതല് പ്രോട്ടീനും ധാതുക്കളും സസ്യാഹാരത്തിലാണ് ഉള്ളത്.
പൊതുവേ മാംസാഹാരത്തേക്കാള് പോഷകമൂല്യം കൂടുതല് സസ്യാഹാരത്തിനാണ് എന്നത് ശരിയാണ്. അതിനര്ത്ഥം മാംസാഹാരം മോശമാണ് എന്നോ പോഷകം ഒട്ടും ഇല്ലാത്തതാണെന്നോ ഉപേക്ഷിക്കേണ്ടതാണെന്നോ അല്ല. പ്രോട്ടീന്റെ കാര്യത്തില് പോഷകമൂല്യം മാംസാഹാരത്തിനു തന്നെയാണ്.
വളരെ പോഷകസംപുഷട്മാണ് മാംസാഹാരം. പ്രോട്ടീന്, ഇരുമ്പ്, തയാമിന് (വിറ്റാമിന് B1), നിയാസിന് (B3) തുടങ്ങിയവ മാംസാഹാരത്തില് ധാരാളമായി അടങ്ങിയിരിക്കുന്നു. എന്നല്ല, മാംസാഹാരത്തില് പ്രോട്ടീനുകള് പൂര്ണമാണ്. ശരീരത്തിന് ആവശ്യമായ എല്ലാ അമിനോആസിഡുകളും മാംസാഹാരത്തില് ഉണ്ട്. എന്നാല് സസ്യാഹാരത്തില് പ്രോട്ടീനുകള് പൂര്ണമല്ല. പലതരം സസ്യാഹാരം ധാരാളം കഴിക്കുന്നതിലൂടെ ലഭിക്കുന്ന പോഷകം ഒരുതരം മാംസാഹാരം കഴിക്കുന്നതിലൂടെ ലഭിക്കുന്നു. അതിനാല് മാംസാഹാരം കഴിക്കുന്നവര്ക്ക് പോഷകാഹാരക്കുറവ് ഉണ്ടാവുകയില്ല.
വാദം 7: സസ്യാഹാരം ബുദ്ധി വര്ധിപ്പിക്കും. ഐന്സ്റ്റീന്, ന്യൂട്ടന് മുതലായവര് സസ്യഭുക്കുകള് ആയതു കൊണ്ടാണ് ബുദ്ധിയുള്ളവരായത്.
സസ്യാഹാരം മാത്രം കഴിക്കുന്നത് ബുദ്ധി കൂട്ടും എന്ന വാദത്തിനു യാതൊരു അടിസ്ഥാനവുമില്ല. നോബല് സമ്മാനം നേടിയവരുടെ ലിസ്റ്റ് നോക്കുക. ഭൂരിഭാഗവും മിശ്രഭുക്കുകള് ആണ്.
വാദം 8: കാലികളെ വളര്ത്താനും മേയ്ക്കാനുമുള്ള നിലത്തിന്റെ അളവ് കൃഷിനിലത്തിനുള്ള അളവ് കുറയ്ക്കും..
കഴമ്പില്ലാത്ത മറ്റൊരു വാദം. കൃഷിക്ക് അനുയോജ്യമായ സ്ഥലത്തൊന്നുമല്ല അധിക കാലികളും മേയുന്നതും വളര്ത്തപ്പെടുന്നതും. UN റിപ്പോര്ട്ട് പ്രകാരം ലോകത്ത് ഭൂമിയുടെ 23% വയല് , 23% വനം, 10% താഴെ കൃഷിഭൂമി എന്നിങ്ങനെയാണ് ഉള്ളത്. അഥവാ 45% ഭൂമി ഇനിയും ഉപയോഗശൂന്യമായി കിടക്കുന്നു. കൃഷി നടത്താന് എന്ത് കൊണ്ട് ആ ഭൂമി ഉപയോഗിച്ചുകൂടാ? കാലികള് മേയുന്ന ഇടം തന്നെ വേണമോ കൃഷി നടത്താന് ?
വാദം 9: ഹിന്ദുമതത്തില് മാംസാഹാരം അനുവദനീയമല്ല.
ഇതും ശരിയല്ല. ഹൈന്ദവ ധര്മത്തിലും മാംസാഹാരം അനുവദനീയമാണ്. പല മഹര്ഷിമാരും പുണ്യവാളന്മാരും മാംസാഹാരം കഴിക്കുന്നവരായിരുന്നുവെന്ന് പുരാണങ്ങള് വ്യക്തമാക്കുന്നു. ശ്രീരാമന് വനവാസത്തിന് അയക്കപ്പെട്ടപ്പോള് , എനിക്കു രുചികരമായ മാംസത്തളിക ഉപേക്ഷിക്കേണ്ടിവരുമെന്ന് മാതാവിനോട് പറഞ്ഞിരുന്നതായി അയോധ്യാകാണ്ഡത്തിലെ 20, 26, 94 ശ്ളോകങ്ങളില് പരാമര്ശിച്ചിട്ടുണ്ട്. മനുസ്മൃതി 5:35, ഋഗ്വേദം 10:16:10, 10:85:13, 10:86:13 എന്നിവയില് മാംസം കഴിക്കാമെന്നു പറയുന്നു.
ബൃഹദാരണ്യകോപനിഷത്ത് പറയുന്നു:
'എനിക്കു പണ്ഡിതനും പ്രസിദ്ധനും സഭകളില് പോകുന്നവനും മറ്റുള്ളവര് കേള്ക്കാന് ആഗ്രഹിക്കുന്ന വാക്കുകള് പറയുന്നവനുമായ പുത്രനുണ്ടാവണം, അവന് എല്ലാ വേദങ്ങളും പഠിക്കണം, ആറ് വര്ഷം ജീവിക്കണം എന്ന് ആഗ്രഹിക്കുന്നുണ്ടെങ്കില് മാംസത്തോടുകൂടിയ ഭക്ഷണം പാകം ചെയ്ത് നെയ്യോടുകൂടി രണ്ടുപേരും കഴിക്കണം. അങ്ങനെയുള്ള പുത്രനെ ജനിപ്പിക്കാന് അവര് ശക്തരാവും. മാംസം ഉക്ഷത്തിന്റെയോ ഋഷഭത്തിന്റെയോ ആകാം.''(6418)
മഹാഭാരതത്തില് അനുഷാസന് പര്വത്തില് 88 ആം അധ്യായത്തില് ഭീഷ്മര് ഋതിഷ്ടര്ക്ക് നല്കുന്ന നിര്ദേശം കാണുക:
"നിങ്ങള് നിങ്ങളുടെ പൂര്വികരെ സന്തോഷിപ്പിക്കുക. നിങ്ങള് ചെടികളും കായ്കളുമാണ് നല്കുന്നതെങ്കില് ഒരു മാസം അവരെ സന്തോഷിപ്പിക്കും. മത്സ്യമാണെങ്കില് രണ്ടുമാസം, മാനിറച്ചിയാണെങ്കില് മൂന്നുമാസം, ആട്ടിറച്ചിയാണെങ്കില് നാലുമാസം, പക്ഷികളുടെതാണെങ്കില് അഞ്ചുമാസം, ആടാണെങ്കില് ആറുമാസം, പുള്ളിമാനാണെങ്കില് ഏഴുമാസം, കൃഷ്ണമൃഗമാണെങ്കില് എട്ടുമാസം, പശുവാണെങ്കില് ഒരുവര്ഷം, കാളയാണെങ്കില് 12 വര്ഷം, കാണ്ടാമൃഗമോ ആടിന്റെ രക്തമാംസമോ ആണെങ്കില് എന്നത്തേക്കും സന്തോഷിപ്പിക്കും. അതിനാല് നിങ്ങള് നിങ്ങളുടെ പൂര്വികരെ സന്തോഷിപ്പിക്കാന് ആഗ്രഹിക്കുന്നുണ്ടെങ്കില് രക്തമാംസം നല്കുക."
മേല്പ്പറഞ്ഞത് മനുസ്മൃതി 3:266-272 ലും കാണാവുന്നതാണ്.
''ബ്രഹ്മാവ് മൃഗങ്ങളെ സൃഷ്ടിച്ചത് മനുഷ്യർക്ക് വേണ്ടിയാണ്. ഭക്ഷിക്കാവുന്ന ഏതു മൃഗങ്ങളുടെയും മാംസം മനുഷ്യന് ഭക്ഷിക്കാവുന്നതാണ്.'' (മനുസ്മൃതി, അധ്യായം 5, ശ്ലോകം 30.)
''പശു, പോത്ത്, കാളക്കുട്ടി, കുതിര എന്നിവയെ ഇന്ദ്രൻ ഭക്ഷിച്ചിരുന്നു.'' - (ഋഗ്വേദം 6/17).
''പൗരാണിക കാലങ്ങളിൽ പശു ഇറച്ചി കഴിക്കാത്തവരെ ഉത്തമ ഹിന്ദുക്കളായി കണക്കാക്കിയിരുന്നില്ല.'' (സ്വാമി വിവേകാനന്ദൻ സമ്പൂര്ണ കൃതികൾ- പുറം 536).
''വേദകാലത്ത് ഗോ മാംസം ഭക്ഷിക്കാത്ത ബ്രാഹ്മണനെ, ബ്രാഹ്മണനായി കണക്കാക്കില്ലായിരുന്നു.'' (അതേ പുസ്തകം, പുറം 174).
വാദം 10: വിശുദ്ധ ഖുര്ആനില് 2:20, 22:37 എന്നീ വചനങ്ങളില് മാംസാഹാരം വിലക്കപ്പെട്ടതാണെന്ന് സൂചനയുണ്ട്.
ഇതൊരു കടുത്ത ദുര്വ്യാഖ്യാനം മാത്രമാണ്. പ്രസ്തുത വചനങ്ങള് ആദ്യം നോക്കാം.
"അധികാരം ലഭിച്ചാല് അവര് ശ്രമിക്കുക ഭൂമിയില് കുഴപ്പമുണ്ടാക്കാനാണ്; കൃഷിനാശം വരുത്താനും മനുഷ്യകുലത്തെ (നസ്ല് ) നശിപ്പിക്കാനുമാണ്. എന്നാല് അല്ലാഹു കുഴപ്പം ഇഷ്ടപ്പെടുന്നില്ല". (2:20)
"അവയുടെ മാംസമോ രക്തമോ അല്ലാഹുവെ പ്രാപിക്കുന്നില്ല. മറിച്ച് അല്ലാഹുവിലെത്തിച്ചേരുന്നത് നിങ്ങളുടെ ഭക്തിയാണ്. അവന് നിങ്ങള്ക്കവയെ അവ്വിധം അധീനപ്പെടുത്തിത്തന്നിരിക്കുന്നു. അല്ലാഹു നിങ്ങളെ നേര്വഴിയിലാക്കിയതിന് നിങ്ങളവന്റെ മഹത്വം കീര്ത്തിക്കാന് വേണ്ടിയാണത്. സച്ചരിതരെ നീ ശുഭവാര്ത്ത അറിയിക്കുക." (22:37)
ഒന്നാമത്തെ സൂക്തത്തില് നസ്ല് എന്ന പദത്തിന് കാലികള് എന്ന അര്ത്ഥമാണ് ഇവര് കൊടുക്കുന്നത്. എന്നാല് മനുഷ്യകുലം എന്നാണു കൂടുതല് ഉചിതം. ഇനി അവര് പറയുന്ന അര്ഥം കൊടുത്താലും മൃഗത്തെ അറുക്കുന്നതും ആഹരിക്കുന്നതും തെറ്റാണ് എന്നതിന് ഒരു സൂചന പോലും ഇല്ല. കൃഷിയുടെ കാര്യം കൂടി തൊട്ടു മുമ്പ് പറഞ്ഞത് നോക്കുക. കൃഷി നശിപ്പിക്കരുത് എന്നതിന് സസ്യാഹാരം കഴിക്കരുത് എന്നിവര് അര്ഥം വെക്കുമോ? ഇല്ലെന്നാണെങ്കില് കന്നുകാലികളെ നശിപ്പിക്കരുത് എന്ന് പറയുന്നത് എങ്ങനെയാണ് മാംസാഹാരം കഴിക്കരുത് എന്നതിന് തെളിവാകുക?
രണ്ടാം സൂക്തത്തില് 'ബലിയറുക്കുമ്പോള് അവയുടെ മാംസമോ രക്തമോ അല്ലാഹുവെ പ്രാപിക്കുന്നില്ല' എന്നാണ്. അല്ലാഹുവിനു അതൊന്നും വേണ്ട എന്നര്ത്ഥം. മാംസം മനുഷ്യര് തന്നെ ഉപയോഗിക്കണം എന്നര്ത്ഥം.
മണ്ടന്മാർ വിദ്വാന്മാരെപ്പോലെ സംസാരിക്കും.
പാൽ മനുഷ്യ ശിശുകുടിച്ചാൽ ദഹിക്കും. പാൽ കുടി നിർത്താത്തതു കൊണ്ട് റെനിൻ എന്ന ദഹനരസം തുടർന്നും ഉൽപ്പാദിപ്പിക്കപ്പെടും.
മറ്റു മൃഗങ്ങളെല്ലാം 6 മാസം കഴിഞ്ഞാൽ കുഞ്ഞുങ്ങളെ പാൽ കുടിയിൽ നിന്നും അകറ്റും. 90 കഴിഞ്ഞ വല്യമ്മയും പാൽ കുടിക്കുന്നു.
ഇതേയുള്ളു ദഹനരസത്തിന്റെ ഉൽപ്പാദനത്തിന്റെ രഹസ്യം.
5 പേരെ കൊണ്ടു നടക്കാനുള്ള ശേഷി ഉള്ളതുകൊണ്ടാണ് നിങ്ങളുടെ ഉദരം ഇതൊക്കെ സഹിക്കുന്നത്.
സസ്യാഹാരത്തെ മതവുമായി ബന്ധപ്പെടുത്തേണ്ടതില്ല.
മറ്റൊന്നും കഴിക്കാനില്ലാത്ത മരുഭൂമിയിൽ ചീഞ്ഞ മാംസവും തിന്നവരോടാണ് പ്രാർത്ഥന ചൊല്ലി അറുക്കാൻ പറഞ്ഞത്. അതിനിവിടെ പ്രസക്തിയില്ല.
വിദേശിക്ക് 3 മാസം മഞ്ഞുമൂടിക്കിടക്കുന്ന കാലാവസ്ഥയായതിനാൽ പാലും, പാൽക്കട്ടിയും, ഇറച്ചിയും കഴിക്കുന്നു.
അവന്റെ ഭരണത്തിൽ, വിദ്യാഭ്യാസത്തിൽ ഇതൊക്കെ ശാസ്ത്രീയമായതിൽ അത്ഭുതമില്ല.
Logic ഇല്ലാതെ അതെല്ലാം വാരിവലിച്ചു വിഴുങ്ങി ഛർദ്ദിക്കരുത്.
ഓർമ്മയും ബുദ്ധിയും കെമിക്കൽ ബോണ്ടുകളായാണ് സൂക്ഷിക്കുന്നത്. അതിന് പച്ചക്കറികളും, ഇലകളും, പഴങ്ങളും തന്നെ കഴിക്കണം.
നല്ല ബുദ്ധി തോന്നാനിടയാകട്ടെ!
😋മാംസാഹാരത്തിന്റെ രാഷ്ട്രീയവും വൈദ്യവും😛
ഈ ലേഖനം മുഴുവൻ വായിച്ചാൽ മനുഷ്യൻ മിശ്ര ഭോജി അല്ല എന്ന് പറയുന്നവരുടെ കള്ളി വെളിച്ചത്താവും👇✍
മാംസാഹാരത്തിനെതിരേ ഘോരഘോരം പ്രസംഗിക്കുന്ന മുറിവൈദ്യന്മാരെക്കൊണ്ടു നിറയുകയാണ് വാരികകളും ടെലിവിഷനും ഇന്റര്നെറ്റുമൊക്കെ. പാരമ്പര്യ ചികിത്സാരീതിക്കാര് , പൈതൃകശാസ്ത്രപ്രചാരകര് , വൈദികഹൈന്ദവ സംസ്കാരത്തിന്റെ വക്താക്കള് , പ്രകൃതിജീവനപ്രചാരകര് തുടങ്ങിയവരാണ് ഇന്ന് പലപ്പോഴും മാംസാഹാരത്തിനെതിരേ മുന്നണിയില് നില്ക്കുന്നതായി കാണുന്നത്. മാംസാഹാരം ഭാരതീയമായ ഭക്ഷണശൈലിയില് പെട്ടതല്ലെന്നും അത് വിദേശീയ സംസ്കാരമാണെന്നും പരിപൂര്ണ്ണ സസ്യാഹാരമാണ് ശരിയായ ഭാരതീയ ഭക്ഷണശീലം എന്നുമൊക്കെ ഇവരില് ചിലര് തട്ടിവിടുന്നതും പതിവാണ്. മാംസാഹാരം മനസ്സിന്റെ 'മൃഗീയവാസന'കളെയുണര്ത്തും എന്നും പലരും പറഞ്ഞു കേള്ക്കാറുണ്ട്. മൃഗസ്നേഹികളുടെയും പ്രകൃതിസംരക്ഷണപ്രവര്ത്തകരുടേയും സദുദ്ദേശപരമായ ആക്റ്റിവിസങ്ങള്ക്കപ്പുറത്ത് പ്രതിലോമകരമായ ചില ആശയങ്ങളുടെ ഗൂഢസന്നിവേശമാണ് ഇതിന്റെ രാഷ്ട്രീയത്തെ കൌതുകകരമാക്കുന്നത്.
I
മാംസാഹാരം ശാസ്ത്രത്തിന്റെ ഉരകല്ലില്
പരിണാമത്തിന്റെ പലഘട്ടങ്ങളിലായി ആള്ക്കുരങ്ങിനോട് സാദൃശ്യമുള്ള, സസ്യാഹാരികളായ പൂര്വികരില് നിന്നും വഴിപിരിഞ്ഞ മനുഷ്യന് ഏതാണ്ട് 2 ദശലക്ഷം വര്ഷത്തോളം സര്വ്വഭക്ഷകമായ (omnivorous) ജീവിതമാണ് ജീവിച്ചത് . പല്ലുകളുടെയും ആമാശയത്തിന്റെയുമൊക്കെ ഘടനയും ദഹനരസങ്ങളുടെ പ്രത്യേകതകളും വച്ച് നോക്കുമ്പോള് ആധുനിക മനുഷ്യന് ഒരു പരിപൂര്ണ്ണ മാംസഭുക്കോ പരിപൂര്ണ്ണ സസ്യഭുക്കോ അല്ല. രണ്ടുതരം ആഹാരത്തിനെയും കൈകാര്യം ചെയ്യാന് പറ്റിയ ജൈവഘടനയാണ് മനുഷ്യ ശരീരത്തിനുള്ളത്.
പൊതുവില് പ്രോട്ടീനുകളുടെയും രക്തവൃദ്ധിക്കാവശ്യമായ ഇരുമ്പ്, കാല്ഷ്യം, ഫോസ്ഫറസ്, ഏ, ബി, ഡി വൈറ്റമിനുകള് തുടങ്ങിയ ധാതുക്കളുടെയും മികച്ച അനുപാതമാണ് മാംസാഹാരത്തിലുള്ളത്. കുറഞ്ഞ അളവ് മാംസത്തില് നിന്നു തന്നെ സസ്യാഹാരത്തേക്കാള് ആനുപാതികമായി കൂടുതല് അവശ്യ പോഷകങ്ങള് ലഭിക്കുന്നു എന്നതാണ് മാംസാഹാരത്തിന്റെ പ്രധാന മേന്മ .ഇത് പോഷകാഹാരക്കുറവ് നേരിടുന്ന ജനവിഭാഗങ്ങളെ സംബന്ധിച്ചിടത്തോളം ഒരനുഗ്രഹമാകേണ്ടതാണ് .
നെത്തോലിയും ചൂരയും ചാളയും അടക്കമുള്ള മത്സ്യങ്ങളില് നിന്നും EPAയും DHAയും സമൃദ്ധമായി ലഭിക്കുന്നു.ഹൃദ്രോഗത്തെ ചെറുക്കുന്നതില് ഒരു സുപ്രധാന റോള് വഹിക്കുന്ന ആല്ഫാ ലിനോലെനിക് (ALA), ഐക്കോസാ പെന്റനോയിക് (EPA), ഡോക്കോസാ ഹെക്സനോയിക് (DHA) എന്നീ മൂന്ന് ഫാറ്റീ ആസിഡുകളാണ് ഒമേഗാ-3-ഫാറ്റീ ആസിഡുകളെന്ന് വിളിക്കപ്പെടുന്ന അവശ്യ കൊഴുപ്പുകള് . മത്സ്യം കഴിഞ്ഞാല് ലോകത്ത് ഏറ്റവുമധികം ഭക്ഷിക്കപ്പെടുന്ന മാംസം പന്നിയുടേതാണ് (41%). താരതമ്യേന ഉയര്ന്ന പൂരിതകൊഴുപ്പിന്റെ പേരില് പഴികേള്ക്കാറുണ്ടെങ്കിലും പന്നിമാംസത്തിന്റെ തൊലിക്കടിയിലെ കൊഴുപ്പുകളഞ്ഞ് കിട്ടുന്ന ലീന് പോര്ക്കില് കോഴിയിറച്ചിയിലുള്ളത്ര കൊഴുപ്പേ ഉള്ളൂ എന്ന് പലര്ക്കും അറിയില്ല. നല്ല അളവുകളില് തയമീന്, നിയാസിന് തുടങ്ങിയ വൈറ്റമിനുകളും മറ്റ് ധാതുക്കളുമുണ്ട്. എളുപ്പം ദഹിക്കുന്ന പ്രോട്ടീനുകളാല് സമ്പന്നമാണ് പക്ഷിയിറച്ചികള് . പൂരിത കൊഴുപ്പിന്റെ അളവ് മാട്ടിറച്ചിയേക്കാള് കുറവും. പക്ഷിയിറച്ചിയുടെ വിശേഷിച്ച് കോഴിയിറച്ചിയുടെ കൊഴുപ്പിന്റെ ഒട്ടുമുക്കാലും അടങ്ങിയിരിക്കുന്നത് അതിന്റെ തൊലിയിലായതിനാല് അതു നീക്കം ചെയ്യുന്നതിലൂടെ തന്നെ മാംസാഹാരത്തിലൂടെ അമിത കൊഴുപ്പ് ഉള്ളിലെത്തുന്നത് തടയാം.
മാംസം,പാല്,മുട്ട എന്നിവയിലെ പ്രോട്ടീനുകളില് സമൃദ്ധമായി കാണപ്പെടുന്ന ട്രിപ്റ്റൊഫാന് എന്ന അമിനോ അമ്ലം ശരീരത്തിലെത്തുമ്പോള് സീറട്ടോണിന് എന്ന രാസവസ്തുവിന്റെ നിര്മ്മാണത്തിനായി ഉപയോഗിക്കപ്പെടും. നമ്മുടെ മസ്തിഷ്കത്തെ ശാന്തമാക്കുന്നതില് പ്രധാന പങ്കു വഹിക്കുന്നത് സീറട്ടോണിനാണ്. ഇങ്ങനെ നോക്കുമ്പോള് ഡിപ്രഷന്, മാനിയ,ഹൈപ്പോമാനിയ തുടങ്ങിയ മൂഡ് സംബന്ധിയായ മാനസികരോഗമുള്ളവര്ക്ക് മാംസാഹാരം ഗുണകരമായാണ് ഫലിക്കുക ! ("മൃഗവാസനാ-തിയറി"ക്കാര് ഈ കെമിസ്ട്രി ഓര്ക്കുക.)
മാംസാഹാരവും ആരോഗ്യപ്രശ്നങ്ങളും
മിതമായ അളവിലും ശരിയായ പാചകത്തിലൂടെയും ഉപയോഗിച്ചാല് മാംസാഹാരം പ്രശ്നങ്ങളൊന്നും ഉണ്ടാക്കുന്നതായി ആധുനികശാസ്ത്രം കണ്ടെത്തിയിട്ടില്ല. മാംസാഹാരത്തിനോടൊപ്പം ഉള്ളില് ചെല്ലുന്ന ഉയര്ന്ന അളവിലെ കൊഴുപ്പാണ് ഹൃദ്രോഗത്തിനും ചിലതരം (വന് കുടല്, പ്രോസ്റ്റേറ്റ് ഗ്രന്ഥി) കാന്സറുകള്ക്കും മാംസാഹാരവുമായുള്ള ബന്ധത്തിനു കാരണമെന്നു വളരെ മുന്പേ കണ്ടെത്തിയിട്ടുണ്ടു താനും. ഇതില് തന്നെ ബീഫ്, ഉണക്കിയതും ഉപ്പിലിട്ടതുമായ മാംസം, പുകയടിപ്പിച്ച് ഉണക്കുന്ന മാംസം എന്നിവയാണ് കാന്സറുമായി നേരിട്ട് കാര്യകാരണബന്ധം സ്ഥാപിക്കപ്പെട്ടിട്ടുള്ള വകഭേദങ്ങള് . ബീഫ് അവശ്യപ്രോട്ടീനുകളാല് സമ്പന്നമെങ്കിലും ഉയര്ന്ന പൂരിതകൊഴുപ്പുകാരണം നമ്മുടെ രക്തക്കൊളസ്റ്റ്രോള് വര്ധിപ്പിക്കുന്നു, ഹൃദ്രോഗസാധ്യതയും. എന്നാല് വളരെ ഉയര്ന്ന അളവില് (ദിവസം 80 -100ഗ്രാമില് കൂടുതല് ) ബീഫ് കഴിച്ചിരുന്നവരിലാണ് ഉയര്ന്ന കാന്സര് സാധ്യത പഠനങ്ങള് കണ്ടെത്തിയിട്ടുള്ളത്. ഇതില് തന്നെ, ബീഫിനോടൊപ്പം മത്സ്യവും ഫൈബര് ധാരാളമുള്ള ധാന്യങ്ങളും കഴിച്ചിരുന്നവരില് കാന്സര് സാധ്യത സാധാരണയിലും കുറവായി കണ്ടിട്ടുണ്ട്. മാംസവും പഴങ്ങളും സസ്യാഹാരവുമൊക്കെ ഇടകലര്ത്തിയുപയോഗിക്കുന്ന മിശ്രഭക്ഷണക്കാരില് ഈ സാധ്യതകള് പിന്നെയും കുറയുന്നു.
മാംസാഹാരത്തെപ്പറ്റിയുള്ള ഏറ്റവും വലിയ പരാതികളിലൊന്ന് വിരകളും പരാദജീവികളും മനുഷ്യനിലേയ്ക്ക് സംക്രമിക്കാന് അവ കാരണമാകുമെന്നതാണ്. പന്നിയിലും മാടുകളിലും മറ്റും പൂര്ണ്ണമായോ ഭാഗികമായോ ജീവചക്രം പൂര്ത്തിയാക്കുന്ന ചില വിരകള് ഉണ്ടെന്നത് വാസ്തവമാണ്. പക്ഷിയിറച്ചിയിലൂടെയും ചില വൈറല് രോഗങ്ങള് പടരാം. മാംസാഹാരം പൊതുവിലും, മാട്ടിറച്ചി വിശേഷിച്ചും ബാക്റ്റീരിയകളുടെ വളര്ച്ചയെ പ്രോത്സാഹിപ്പിക്കുകയും ചെയ്യും.
എന്നാല് അവ രോഗമുണ്ടാക്കുന്നത് ശരിക്ക് പാകം ചെയ്യാതെയും മറ്റും ഉപയോഗിക്കുമ്പോഴാണ്. അതും അപൂര്വ സന്ദര്ഭങ്ങളില് മാത്രം. ഇതേ പ്രശ്നം കാണിക്കുന്ന അനവധി സസ്യങ്ങളുമുണ്ട് എന്നത് ഇതിനെ പെരുപ്പിച്ച് കാണിക്കുന്നവര് സൗകര്യപൂര്വം മറച്ചുപിടിക്കുന്നു. ഉദാഹരണത്തിനു സാധാരണ ഉപയോഗിക്കുന്ന ബീന്സ്, കാബേജ്, പയറ് തുടങ്ങിയവയിലൊക്കെ ഈവക ബാക്റ്റീരിയകള് ധാരാളമായി വളരുകയും പൊതുജനാരോഗ്യ പ്രശ്നങ്ങള്ക്ക് വഴിതെളിക്കുകയും ചെയ്യുന്നുണ്ട്. സാല്മണെല്ല പോലുള്ള സര്വ്വവ്യാപിയായി കാണുന്ന ബാക്റ്റീരിയ സസ്യാഹാരം വഴിയാണ് അധികവും മനുഷ്യനില് വയറിളക്കവും ആമാശയ രോഗങ്ങളുമുണ്ടാക്കുന്നത്. ( ഈ പോസ്റ്റ് കൂടി ഇതോടുചേര്ത്ത് വായിക്കാം.)
കന്നുകാലി വളര്ച്ച ത്വരിതപ്പെടുത്താനുപയോഗിക്കുന്ന ഹോര്മോണുകള് മാംസത്തിലൂടെ നമ്മുടെ ശരീരത്തിലുമെത്തി അപകടമുണ്ടാക്കുന്നുവെന്ന് ഏറെ പ്രചാരണങ്ങള് നടക്കുന്നുണ്ടെങ്കിലും പഠനങ്ങളൊന്നും തന്നെ ഈ വാദം തെളിയിച്ചിട്ടില്ല. ഹോര്മോണ് കുത്തിവച്ച ബ്രോയ്ലര് കോഴിതിന്നാല് പെണ്കുട്ടികളില് ഹോര്മോണ്പ്രശ്നങ്ങള് ഉണ്ടാവും എന്ന് ചില ആരോഗ്യമാസികകളില് പോലും എഴുതിക്കണ്ടിട്ടുണ്ട്. ഇതിനെ സംബന്ധിച്ച് 1950കളുടെ അവസാനം മുതല് പഠനങ്ങള് നടക്കുന്നു. കുത്തിവയ്ക്കപ്പെട്ട മൃഗങ്ങളിലെ ഹോര്മോണുകള് അവയുടെ മാംസത്തില് സാന്ദ്രീകരിക്കുന്നില്ല എന്നതാണ് സത്യം. മാംസാഹാരത്തിലൂടെ പ്രകൃത്യാ ഉള്ളതോ കൃത്രിമമായതോ ആയ ഒരു ഹോര്മോണും ഹാനികരമായ അളവുകളില് നമ്മുടെ ഉള്ളിലെത്തുന്നതായി പഠനങ്ങള് ഇതുവരെ തെളിയിച്ചിട്ടില്ല. ഹോര്മോണ് കുത്തിവച്ചുവളര്ത്തുന്ന മാടിന്റെ മാംസത്തില് ഉള്ള ഹോര്മോണ് നിലയേക്കാള് എത്രയോ ഇരട്ടി ഹോര്മോണ് നമ്മള് സ്ഥിരമായി കഴിക്കുന്ന പല ആഹാരത്തിലുണ്ട് . ഉദാഹരണത്തിന് ഒരു ഗ്ലാസ് പശുവിന് പാലില് 250ഗ്രാം മാട്ടിറച്ചിയിലുള്ളതിനേക്കാള് ഒന്പതിരട്ടി ഈസ്ട്രജന് ഹോര്മോണുണ്ട്. മനുഷ്യ ശരീരത്തിലാകട്ടെ ഇതിന്റെ പതിനായിരം മുതല് ഒരു കോടിയിരട്ടിവരെ സ്റ്റീറോയ്ഡ് ഹോര്മോണുകള് പ്രകൃത്യാതന്നെ ഉല്പാദിപ്പിക്കപ്പെടാറുണ്ട് - കുട്ടികളില് പോലും!
അപ്പോള് ആത്യന്തികമായി പറയാവുന്നത് ഇത്രമാത്രം : ശുചിയായ പരിതസ്ഥിതിയില് വളര്ത്തി, ശരിയായി പാകം ചെയ്തെടുത്താല് മാംസാഹാരവും സസ്യാഹാരവുമൊക്കെ സുരക്ഷിതം തന്നെയാണ്. അതില് ഉച്ചനീചത്വങ്ങള് കാട്ടേണ്ട കാര്യമില്ല.
II
മാംസാഹാരത്തിന്റെ ഭാരതീയ രാഷ്ട്രീയം
നദീതീരത്തും പുല്മേടുകളിലും താഴ്വരകളിലുമൊക്കെയായി വികസിച്ച ഏതാണ്ടെല്ലാ സംസ്കാരങ്ങളും ഫലമൂലാദികള്ക്കും ധാന്യങ്ങള്ക്കുമൊപ്പം മൃഗമാംസവും ഭക്ഷണമാക്കിയിട്ടുണ്ട്. ഇന്ത്യയുടെ ആദ്യ സംസ്കൃതികളായ ഹാരപ്പാ-മൊഹേന് ജൊദാരോയും പിന്നീട് വന്ന ആര്യന്മാരുടെ വൈദിക സംസ്കൃതിയും ഒന്നും ഇതില് നിന്ന് വിഭിന്നമല്ല.
ഭാരതത്തിന്റെ ആദ്യ മതങ്ങളിലൊന്നായ വൈദികമതത്തിന്റെ സംഹിതകളിലും പുരാണങ്ങളിലും തന്നെയുണ്ട് മാംസാഹാരത്തിന്റെ ഉപയോഗത്തെക്കുറിച്ചുള്ള ധാരാളം ഉദാഹരണങ്ങള് :
ആര്യന്മാരുടെ മതഗ്രന്ഥമായ വേദങ്ങളിലും മനുസ്മൃതിയിലും ശതപഥബ്രാഹ്മണം പോലുള്ള പ്രമാണങ്ങളിലുമൊക്കെ യാഗവുമായി ബന്ധപ്പെട്ട് ദേവകള്ക്കായി ബലിനല്കിയ മൃഗത്തിന്റെ മാംസം ആഹാരമാക്കാന് വിധിയുണ്ട്. ഋഗ്വേദത്തില് അശ്വമേധത്തെക്കുറിച്ചു വിവരിക്കുന്ന ഭാഗം (ഒന്നാം മണ്ഡലം,അധ്യായം22) പ്രാചീനഭാരത സംസ്കൃതിയില് നിലനിന്നിരുന്ന മൃഗബലിയെ മാത്രമല്ല കാണിച്ചുതരുന്നത്, പുരോഹിതര് പോലും മാംസാഹാരം ഉപയോഗിച്ചിരുന്നു എന്നുകൂടിയാണ്. ബലിനല്കുന്ന കുതിരയ്ക്കുപുറമേ 609 മൃഗങ്ങളേക്കൂടി ബലികഴിക്കുന്നതിനായി ഉപയോഗിക്കുന്നതിനേക്കുറിച്ച് യജുര്വേദത്തില് വിശദീകരണമുണ്ട്.
വൈദിക നിയമങ്ങളുടെ ശേഖരമായ മനുസ്മൃതിയില് പുരോഹിതന്മാര്ക്കടക്കം കഴിക്കാവുന്നതും കഴിക്കാന് പാടില്ലാത്തതുമായ മാംസങ്ങളെപ്പറ്റി പറയുന്നു: മുള്ളന് പന്നി, ആമ, ഉടുമ്പ്, കാണ്ടാമൃഗം, മുയല് എന്നിവയും ഒരു താടിയെല്ലില് മാത്രം പല്ലുകളുള്ള ഒട്ടകമൊഴിച്ചുള്ള ജീവികളെയും ദ്വിജന്മാര്ക്ക് ഭക്ഷിക്കാമെന്ന് മനു. പാഠിനം, രോഹിതം എന്നിങ്ങനെ ചില മത്സ്യങ്ങളും നിഷിദ്ധമാക്കിയിട്ടില്ല.മന്ത്രോച്ചാരണത്തിലൂടെ ശുദ്ധിവരുത്തിയതും യാഗത്തില് ദേവകള്ക്കര്പ്പിച്ചതുമായ മാംസം പുരോഹിതനു ഭക്ഷിക്കാം. ഇങ്ങനെ വിധിക്കുന്ന മനു മറ്റൊന്നു കൂടി പറയുന്നുണ്ട് - വിധിപ്രകാരം മാംസം കഴിക്കേണ്ട അവസരത്തില് അതു കഴിക്കാതിരിക്കുന്നവന് ഇരുപത്തൊന്നുവട്ടം മൃഗജന്മം സ്വീകരിക്കേണ്ടി വരുമെന്ന് (അധ്യായം5, 11-37) !
യജ്ഞത്തില് ഹോമിക്കപ്പെട്ട മാംസമാണ് എറ്റവും മികച്ച ആഹാരമെന്ന് ശതപഥബ്രാഹ്മണം (11:7:1:3) പ്രഖ്യാപിക്കുന്നു. ബൃഹദാരണ്യകോപനിഷത്തിലാകട്ടെ സന്താനലാഭത്തെക്കുറിച്ച് വിവരിക്കുന്ന ഭാഗത്ത് വാഗ്മിയും ഭരണനിപുണനും വേദങ്ങളില് പ്രാവീണ്യമുള്ളവനുമായ പുത്രനുണ്ടാവാന് ദമ്പതികള് ചോറും, ഇളംപ്രായമുള്ളതോ മുതിര്ന്നതോ ആയ കാളയുടെ മാംസവും നെയ് ചേര്ത്ത് കഴിക്കാന് ഉപദേശമുണ്ട് (6:4:18). രാമായണത്തിലാകട്ടെ പുരോഹിതരായ ബ്രാഹ്മണരടക്കം ആട്ടിറച്ചിയും മാനിറച്ചിയും കഴിക്കുന്ന നിരവധി വര്ണ്ണനകളുണ്ട്. വനവാസത്തിനു പോകും മുന്പ് കൗസല്യയെ സാന്ത്വനിപ്പിക്കുന്ന ശ്രീരാമന് പറയുന്നത് "(കൊട്ടാരത്തിലെ) മാംസം നിഷിദ്ധമാക്കപ്പെട്ട്, കാട്ടിലെ ഫലമൂലാദികള് കഴിച്ച് ഞാന് ജീവിക്കേണ്ടി വരും" എന്നാണ്. കാട്ടിലേക്ക് പോയ രാമനെ തേടിയെത്തുന്ന ഭരതകുമാരനെ ആദിവാസികള് സല്ക്കരിക്കുന്നത് മദ്യവും മീനും ഇറച്ചിയും കൊടുത്താണ്. കാട്ടില് കഴിഞ്ഞ കാലത്ത് രാമലക്ഷ്മണന്മാരും സീതയും ഇറച്ചി ഉണക്കി ഉപയോഗിച്ചിരുന്നതിന്റെ സൂചന ജയന്തന്റെ കഥയിലുണ്ട്. കബന്ധനെന്ന രാക്ഷസരൂപത്തില് നിന്നും മോചിതനായ ദനു രാമനും ലക്ഷ്മണനും ഇന്നിന്ന മാംസങ്ങളും ഇന്നിന്ന മീനുകളും ഭക്ഷണമായി ലഭിക്കുന്ന പമ്പാനദീതീരത്തെക്കുറിച്ചു പറയുന്നുണ്ട്. ദ്വിജര്ക്ക് തിന്നാമെന്ന് മനുസ്മൃതി അധ്യായം 5ല് വിധിക്കുന്ന മാംസവര്ഗ്ഗങ്ങളെപ്പറ്റി രാമന്റെ അമ്പേറ്റ് വീണ ബാലി ഓര്മ്മിപ്പിക്കുന്ന ശ്ലോകവും ശ്രദ്ധേയം.
മാംസാഹാരം ഭാരതീയ വൈദ്യത്തില്
ബിസി 500-600 കാലഘട്ടത്തില് ക്രോഡീകരിക്കപ്പെട്ടതെന്ന് അനുമാനിക്കപ്പെടുന്ന സുശ്രുതന്റെ സംഹിതയില് ആണ് മാംസാഹാരത്തെ പറ്റിയുള്ള ഏറ്റവും ബൃഹത്തായ പ്രാചീനവര്ഗ്ഗീകരണം കാണാവുന്നത്. സൂത്രസ്ഥാനം ഉത്തരാര്ദ്ധത്തിലെ 531ശ്ലോകങ്ങളുള്ള നാല്പത്താറാം അധ്യായത്തില് (അന്നപാനവിധി) ഏതാണ്ട് 200ഓളം ശ്ലോകങ്ങള് മാംസാഹാരത്തെയും അവയുടെ പാകങ്ങളെയും വിവരിക്കുന്നതാണ്. വെള്ളത്തില് വസിക്കുന്ന ജീവികള് , വെള്ളം കൂടുതലുള്ള ഭൂമിയിലെ ജീവികള് , പച്ചമാംസം തിന്നുന്ന ജീവികള് , ഒറ്റക്കുളമ്പുള്ള ജീവികള് , സമസ്ഥലങ്ങളിലെ ജീവികള് എന്നിങ്ങനെ ആറ് വിധത്തിലുള്ള ഒരു വിശാലവര്ഗ്ഗീകരണത്തോടെ ആരംഭിക്കുന്ന മാംസാഹാര വിവരണം ഓരോ തരം മാംസത്തിന്റെയും വാത-പിത്ത-കഫാദികളുടെ ഏറ്റക്കുറച്ചിലുകളെയും ശരീരത്തില് അവ പോഷിപ്പിക്കുന്ന ഭാഗങ്ങളെയും പറ്റി പറയുന്നു. ഉദാഹരണത്തിന് 55 - 58 വരെ ശ്ലോകങ്ങള് മാനിറച്ചിയെപ്പറ്റിയാണ്. തിത്തിരി മുതല് മയിലും കാട്ടുകോഴിയും നാടന് പ്രാവും വരെയുള്ള പക്ഷികളുടെ മാംസത്തെപ്പറ്റി 60 - 71ല് പറയുന്നു. ശുക്ലവൃദ്ധിയ്ക്ക് കുതിരയുടെ മാംസം നല്ലതാണെന്ന പ്രാചീനവിശ്വാസത്തെ അടിസ്ഥാനമാക്കിയുള്ള ശ്ലോകങ്ങളും പിന്നീട് കാണാം.
ഗോമാംസത്തെപ്പറ്റിയുള്ള പ്രസ്താവന സമകാലീനവിവാദങ്ങളുടെ അടിസ്ഥാനത്തില് ഒന്ന് പരിശോധിക്കുന്നത് കൗതുകകരമായിരിക്കും.ശ്വാസരോഗം, കാസം, വിഷമജ്വരം എന്നിവയെ പശുവിന്റെ ഇറച്ചി ഇല്ലാതാക്കുമെന്ന് പറയുന്ന സുശ്രുതന് കായികാധ്വാനം കൂടിയവര്ക്കും അത്യഗ്നി (ഗ്യാസ്ട്രൈറ്റിസ് ? ഹൈപ്പര് തൈറോയിഡിസം ?), വാതാധിക്യം എന്നിവയുള്ളവര്ക്കും ഇത് നല്ലതാണെന്നു സൂചിപ്പിക്കുന്നു (ശ്ലോ:89).
പോത്തിന് മാംസത്തെപ്പറ്റിയുമുണ്ട് വിശേഷം - അത് സ്നിഗ്ധമാണ്, ഉഷ്ണവീര്യമാണ്,മധുരരസമുള്ളതുമാണ്. ശരീരത്തെ അത് തടിപ്പിക്കും. ഉറക്കം, സംഭോഗശക്തി, മുലപ്പാല് എന്നിവ വൃദ്ധിപ്പെടുമെന്നും മാംസം ദൃഢമാക്കുമെന്നുമുള്ള സുശ്രുതന്റെ പ്രസ്താവന കൂടി വായിച്ചുകഴിയുമ്പോള് ബീഫ് നിരോധനത്തിനു വേണ്ടിയും മറ്റും മുറവിളികൂട്ടുന്ന "ഭാരതപൈതൃക" അവകാശികള് വാളെടുക്കാതിരിക്കുമോ ? തീര്ന്നില്ല, പന്നിമാംസത്തെപ്പറ്റിയുമുണ്ട് സുശ്രുതന്റെ വിശകലനം. 112 മുതല് 124വരെ ശ്ലോകങ്ങള് മത്സ്യങ്ങളെപ്പറ്റിയുള്ളവയാണ്. പില്ക്കാലത്ത് മനുസ്മൃതിയില് പലസ്ഥലത്തും പരാമര്ശിക്കപ്പെടുന്ന മത്സ്യങ്ങളും തിമിംഗിലം വരെയുള്ള സമുദ്ര ജീവികളും ധന്വന്തരിയുടെയും, ശിഷ്യന് സുശ്രുതന്റെയും അഭിപ്രായത്തില് ആഹാര്യമാണ്.
സുശ്രുത സംഹിതയിലെന്ന പോലെ ചരകസംഹിതയുടെ 'സൂത്രസ്ഥാന'ത്തിലും കഴിക്കാവുന്നതും കഴിക്കാന് പാടില്ലാത്തതുമായ വിവിധതരം മാംസങ്ങളെപ്പറ്റി വിശദമായി പറയുന്നുണ്ട്. എന്നാല് സുശ്രുതനോ ചരകനോ മാംസാഹാരത്തെ ഒരു ഔഷധമെന്നതിനപ്പുറം സ്ഥിരഭക്ഷണത്തിന്റെ ഭാഗമാക്കാന് നിര്ദ്ദേശിക്കുന്നില്ല എന്ന മുട്ടാപ്പോക്ക് ന്യായമാണ് ഇന്നുള്ള പല പാരമ്പര്യവൈദ്യന്മാരും മാംസാഹാരത്തെ എതിര്ക്കാന് ഉപയോഗിക്കുന്നത്. സൂക്ഷ്മ പരിശോധനയില് ഇതു തെറ്റാണെന്ന് കാണാം. ഒന്നാമത്, സുശ്രുതന് ഈ മാംസാഹാരങ്ങളുടെ വര്ഗ്ഗീകരണവും കഴിക്കേണ്ട രീതികളും പറയുന്നത് അന്നപാനവിധിയുടെ ഭാഗമായാണ്, ഔഷധങ്ങളെപ്പറ്റി പ്രത്യേകമായി പറയുന്ന സ്ഥലങ്ങളിലല്ല. ഈ അധ്യായത്തിന്റെ ആരംഭത്തില് തന്നെ കാശിരാജാവായ ധന്വന്തരിയോട് ശിഷ്യന്മാരായ സുശ്രുതാദി ഋഷിമാര് ഇങ്ങനെ അപേക്ഷിക്കുന്നു : "ആഹാരം തിന്നുന്നതും കുടിക്കുന്നതും സംബന്ധിച്ചും ദ്യവ്യങ്ങളുടെ രസ-ഗുണ-വീര്യ-വിപാക-പ്രഭാവ-കര്മ്മങ്ങളെ സംബന്ധിച്ചും പ്രത്യേകം പ്രത്യേകം അറിയാന് ആഗ്രഹിക്കുന്നു...യാതൊന്നിനു ഹേതുവായിട്ട് ലോകത്തിലെ ജീവികള് ആഹാരത്തിന്നധീനമണോ അതു ഹേതുവായിട്ട് അന്നപാനവിധിയെ എനിക്കുപദേശിച്ചുതന്നാലും." തുടര്ന്ന് ധന്വന്തരി ഉപദേശിക്കുന്ന രൂപത്തില് സുശ്രുതന് എഴുതുന്ന അധ്യായത്തില് അന്നപാനവിധിയുടെ ഭാഗമായി ധാന്യങ്ങളെയും കിഴങ്ങുകളെയും പഴവര്ഗ്ഗങ്ങള് എന്തിന്, വെള്ളത്തിന്റെ ഉപയോഗത്തെക്കുറിച്ചുപോലും വളരെ വിശദമായി ചര്ച്ചചെയ്യുന്നതായും കാണാം.
മാംസാഹാരവും തൈരും മോരും : വിരുദ്ധാഹാര സങ്കല്പം
ശ്ലോകം 123ല് വര്ജ്ജിക്കേണ്ട മാംസത്തെപ്പറ്റി പറയുന്നതു നോക്കുക: ഉണങ്ങി ചീഞ്ഞുനാറിയത്, രോഗത്താല് മരിച്ചത്, വിഷം പുരണ്ട ആയുധത്താല് മരിച്ചത് , പ്രായം ചെന്നത് ശരീരം ശുഷ്കിച്ചത്,ചീത്ത ആഹാരം കഴിക്കുന്നത് എന്നിങ്ങനെയുള്ള പക്ഷിമൃഗാദികളുടെ മാംസം കഴിക്കരുത്...ഇപ്രകാരം ദൂഷിതമല്ലാത്ത മാംസങ്ങളൊഴിച്ച് മറ്റ് മാംസങ്ങളെ ഭക്ഷിക്കുവാന് സ്വീകരിക്കാവുന്നതാണ്. മാംസത്തെപ്പറ്റി സുശ്രുതന് നല്കുന്ന ഉപദേശം ധന്വന്തരി അവസാനിപ്പിക്കുന്നതുതന്നെ ഇപ്രകാരമാണ്: അല്ലയോ ശിഷ്യ, ഏത് ജീവിയുടെ മാംസം ഉപയോഗിക്കുന്നുവോ അവയുടെ ആഹാരവിഹാരങ്ങള് ശരീരാവയവങ്ങള് സ്വഭാവം ധാതുക്കള് ചേഷ്ടകള് ലിംഗം പാചകം ചെയ്യേണ്ടുന്ന വിധം എന്നിവയെല്ലാം പരീക്ഷണീയമാകുന്നു. (ശ്ലോ:138)
സുശ്രുതസംഹിതയിലെ തന്നെ സൂത്രസ്ഥാനം ഉത്തരാര്ധത്തില് അധ്യായം 20 (ഹിതാഹിതീയം) ചില ആഹാരങ്ങള് ചേര്ത്ത് കഴിക്കാന് പാടില്ലാത്തതായി വിധിച്ചിട്ടുള്ളതു നോക്കുക: സകലജീവികള്ക്കും ആഹരിക്കാവുന്ന ചില വിശാല മാംസവര്ഗ്ഗങ്ങളെക്കുറിച്ച് പറയുന്നിടത്ത് കറുത്തമാന്, പുള്ളിമാന്, കസ്തൂരിമൃഗം, ഇരുവാല്ച്ചാത്തന്, പ്രാവ്, കാട തിത്തിരിപ്പുള്ള് തുടങ്ങിയ 13 എണ്ണം ഉള്പ്പെടുത്തിയിരിക്കുന്നു. ചിലയിനം മാംസത്തോട് ചേര്ത്ത് പാല് കുടിക്കരുത് എന്ന പ്രസ്താവന ശ്രദ്ധിക്കേണ്ടതാണ്. ചെമ്മീന്, ഉടുമ്പ്, പന്നി ചെമ്മീന് എന്നിവയുടെ മാംസത്തിനൊപ്പം പാലുപയോഗിക്കരുതെന്നാണ് സുശ്രുതന്റെ വിധി. പാലിനൊപ്പം ഒരുവിധ മത്സ്യവും ചേര്ത്തുകഴിക്കരുത് എന്ന വിധി ചരകസംഹിതയിലെ സൂത്രസ്ഥാനത്തിലും ഉണ്ട്. അത് കുഷ്ഠത്തിനും ത്വക് രോഗങ്ങള്ക്കും കാരണമാകുമെന്നത്രെ ചരകന്റെ ന്യായം.
എന്നാല് അന്നപാനവിധിയില് ആഹാരം പാചകം ചെയ്യുന്ന കാര്യം പറയുന്നിടത്ത് സുശ്രുതന് തന്നെ ഇങ്ങനെയും വ്യക്തമാക്കുന്നു : "മാംസം സ്വതവേ ബലം വര്ദ്ധിപ്പിക്കുന്നതാകുന്നു. നെയ്യ്, മോര്, കുരുമുളക് പോലുള്ളവയുടെ എരിവ് എന്നിവ ചേര്ത്ത് പാകം ചെയ്യുന്ന മാംസം ഹിതകരമായതും ബലം നല്കുന്നതും രുചിപ്രദവും ഗുരുവുമാണ്. അതു തന്നെ മോര് ചേര്ത്തും കായം കുരുമുളക് മുതലായ സുഗന്ധവ്യഞ്ജനങ്ങള് ചേര്ത്തും സംസ്കരിച്ചുപയോഗിക്കുന്നതായാല് ബലം, മാംസം, ജഠരാഗ്നി എന്നിവയെ വര്ദ്ധിപ്പിക്കുന്നതാണ്. ഉണങ്ങിയ മാംസം ശരീരത്തിന്ന് സ്ഥിരതയെ ഉണ്ടാക്കുന്നതും തൃപ്തിയെപ്രദാനം ചെയ്യുന്നതും ബലം, ബുദ്ധി, ജഠരാഗ്നി, മാംസം, ഓജസ്സ്, ശുക്ലം എന്നിവയെ വര്ദ്ധിപ്പിക്കുന്നതുമാകുന്നു." തൈരും മോരും ഉറുമാമ്പഴവും ചേര്ത്ത് സംസ്കരിച്ചതും സംസ്കരിക്കാത്തതുമായ മാംസരസം ഹിതകരമായ ആഹാരങ്ങളില്പ്പെട്ടതാണെന്ന് സുശ്രുതന് മറ്റൊരിടത്തും പറയുന്നു.
" ഉണങ്ങിയ മാംസം കമ്പിയില് കോര്ത്തു തീയില് കാണിച്ചു പാകം വരുത്തിയെടുത്താല് ഏറ്റവും ഗുരുത്വമുള്ളതായിരിക്കും. എണ്ണയില് വറുത്തെടുത്ത മാംസം ഇപ്രകാരം ഗുരുവായിരിക്കും. എന്നാല് നെയ്യില് വറുക്കുന്നത് ലഘുവായിരിക്കും. ജഠരാഗ്നിയെ വര്ദ്ധിപ്പിക്കും, ഹൃദ്യമായിരിക്കും (ഹൃദയത്തിനു നല്ലത് എന്ന അര്ത്ഥത്തില് ), രുചിപ്രദവും മനസ്സിന്ന് പ്രിയമുള്ളതുമായിരിക്കും. പിത്തത്തെ ശമിപ്പിക്കും, ഉഷ്ണവീര്യമുണ്ടാവുകയുമില്ല."
" മാംസരസം തൃപ്തിയെ ഉണ്ടാക്കും.ആയുസ്സിനെ വര്ദ്ധിപ്പിക്കും, ശ്വാസരോഗം കാസം ക്ഷയം എന്നിവയെ നശിപ്പിക്കും. വാതം പിത്തം കഠിനാധ്വാനം എന്നിവകൊണ്ടുള്ള ക്ഷീണം മാറ്റും. ഹൃദയത്തിനു നല്ലതാണ്.അസ്ഥി നീക്കി മാംസം മാത്രം നന്നായി വേവിച്ചശേഷം വീണ്ടും അരച്ച് തിപ്പലി, ചുക്ക്, കുരുമുളക്, ശര്ക്കര, നെയ്യ് എന്നിവ ചേര്ത്ത് എല്ലാം കൂടി നല്ലവണ്ണം പാകം ചെയ്തതിന് വേശവാരം എന്ന് പറയുന്നു. ഇത് ഗുരുവാണ്.സ്നിഗ്ധമാണ്. ബലവര്ദ്ധകവും വാത വേദനയെ ശമിപ്പിക്കുന്നതുമത്രെ" (ശ്ലോ: 343-370).
തുണ്ട്: മാംസാഹാരത്തിനെതിരെ ഇന്ന് ടെലിവിഷനില് വെളിച്ചപ്പെടുന്ന ഭാരതീയവൈദ്യ വാചസ്പതികളെ സുശ്രുതന്റെ ഒരു സാങ്കല്പിക Food Spaയില് കൊണ്ടിരുത്തിയാല് നെയ്യില് പാകം ചെയ്ത ‘കാട ഫ്രൈ’യും ശര്ക്കര ചേര്ത്ത ‘സൂപ്പും’ കമ്പിയില് കോര്ത്ത് വറുത്ത ‘തന്തൂരിയും’ കണ്ട് തലകറങ്ങിയിരുന്നേനെ!
എന്തുകൊണ്ട് പന്നിമാസം നിഷിദ്ധമായി ?
❓ ഖുര്ആന് എന്തുകൊണ്ടാണ് ചില വസ്തുക്കള് ഹറാമാക്കിയത്? വൈദ്യ ശാസ്ത്രവീക്ഷണ പ്രകാരമോ മറ്റു കാരണങ്ങളാലോ? അവയുടെ ദോഷമെന്താണ്? പന്നിയുടെ പേരെടുത്ത് പറഞ്ഞ് അതിനെ ശക്തിയായി നിഷിദ്ധമാക്കിയതിന്റെ രഹസ്യമെന്താണ് ? പന്നി ഏറ്റവും ഉപദ്രവകാരിയായ ജീവിയായതു കൊണ്ടാണോ ? രക്തവും, ചീന്തിപ്പറിച്ചു തിന്നുന്ന വന്യജീവികളും നിഷിദ്ധമാക്കപ്പെട്ടതെന്തുകൊണ്ടാണ് ?
✅ ഖുര്ആന് ഏതെങ്കിലും വസ്തു തിന്നുന്നത് നിരോധിക്കുമ്പോള് നിരോധത്തിന്റെ പിന്നിലുള്ള പരിഗണന വൈദ്യശാസ്ത്രപരമായ ദോഷങ്ങളാകാവുന്നതാണ്. എന്നാല് അടിസ്ഥാനപരമായ കാരണം വൈദ്യശാസ്ത്രപരമല്ല, ധാര്മികവും വിശ്വാസപരവുമാണ്. വിശ്വാസപരമായ അടിസ്ഥാനത്തില് ചില വസ്തുക്കള് നിഷിദ്ധമാക്കപ്പെട്ടിട്ടുണ്ട്.
അല്ലാഹുവല്ലാത്തവരുടെ പേരില് അറുക്കപ്പെട്ടത് ഉദാഹരണം. ധാര്മിക ദോഷങ്ങള് കാരണം ചില ജന്തുക്കള് നിരോധിച്ചിട്ടുണ്ട്. ഉദാഹരണം പന്നി. അതുകൊണ്ടുണ്ടാകുന്ന ധാര്മിക നഷ്ടങ്ങളെപറ്റി നമുക്ക് വേണ്ടത്ര വിവരമില്ല. പക്ഷേ അനുഭവങ്ങളുടെ വെളിച്ചത്തില് നമുക്കവ മനസ്സിലാക്കാവുന്നതാണ്. ഉദാഹരണമായി, പന്നിയെ സംബന്ധിച്ചിടത്തോളം അതിന്റെ മാംസം അങ്ങേയറ്റം നിര്ലജ്ജത ഉണ്ടാക്കിത്തീര്ക്കുന്നുവെന്നതാണ് ലോകത്തിന്റെ അനുഭവം. പന്നിമാംസം ധാരാളമായി ഉപയോഗിക്കുന്ന സമുദായത്തിന്റെ ധാര്മികാവസ്ഥ ഇതിന് സാക്ഷിയാണ്.
ലോകത്തില് ഒരുപക്ഷേ, പന്നി മാത്രമാണ്, ഒരു പെണ്പന്നിക്കു ചുറ്റും ഒരു കൂട്ടം ആണ്പന്നികള് ഒരുമിച്ചുകൂടി ഊഴമൂഴമായി ഒന്ന് മറ്റൊന്നിന്റെ മുന്നില്വച്ചു ഇണചേരുന്ന ജീവി. നിര്ലജ്ജതയുടെ ഈ പ്രത്യേക സ്വഭാവം ഏത് സമൂഹത്തിലാണ് ഏറ്റവും കൂടുതല് കാണപ്പെടുന്നതെന്ന് താങ്കള് സ്വയം മനസ്സിലാക്കുമല്ലോ? ഒരു സമുദായത്തിന്റെ സഭാമര്യാദയനുസരിച്ച് ഒരാളുടെ ഭാര്യ മറ്റൊരാളുടെ തോളോടുതോള് ചേര്ന്നിരിക്കല് അനിവാര്യമാണെന്ന് കരുതുക, സ്വന്തം ഭാര്യയോടൊപ്പം നൃത്തമാടുന്നത് അസൂയയും സങ്കുചിതത്വവുമായി പരിഗണിച്ച് അവളെ ഇതര പുരുഷന്മാരോടൊത്ത് നെഞ്ഞോട് നെഞ്ഞുരുമ്മി ആടുവാന് വിടുന്നത് വിശാലതയുടെയും പൗരുഷത്തിന്റെയും അടയാളമായി ഗണിക്കുക-ഈ ചിന്താഗതിയുടെ ഉറവിടം ഏതാണെന്ന് താങ്കള് പരിശോധിക്കുന്ന പക്ഷം അത്, ഏതൊരു മൃഗത്തിന്റെ മാംസമാണോ അക്കൂട്ടര് ധാരാളമായി ഉപയോഗിക്കുന്നത് അതേ മൃഗത്തിന്റെ പ്രകൃതിയില് കണ്ടെത്താന് പ്രയാസമില്ല. ഇപ്രകാരം തന്നെ ഹിംസ്രജന്തുക്കളുടെ മാംസമുപയോഗിക്കുന്നത് രക്തദാഹം ഉണ്ടാവാന് കാരണമാകുമെന്നൂഹിക്കാവുന്നതാണ്. ഒഴുകിക്കൊണ്ടിരിക്കുന്ന രക്തവും ഒഴുകിയ രക്തവും ഉപയോഗിക്കുന്നതുകൊണ്ട് മൃഗീയതയും കാര്ക്കശ്യവുമുണ്ടായിത്തീരുമെന്ന അനുമാനവും അപ്രസക്തമല്ല.
📔 മത വേദ ഗ്രന്ഥങ്ങളിൽ
💥 പന്നി കുളമ്പു പിളര്ന്നതായി കുളമ്പു രണ്ടായി പിരിഞ്ഞിരിക്കുന്നതു തന്നേ എങ്കിലും അയവിറയ്ക്കുന്നതല്ലായ്കയാല് അതു നിങ്ങള്ക്ക് അശുദ്ധം.ഇവയുടെ മാംസം നിങ്ങള് തിന്നരുതു; പിണം തൊടുകയും അരുതു; ഇവ നിങ്ങള്ക്ക് അശുദ്ധം.
(ലേവ്യ 11.7-8 -ബൈബിള് )
💥 പന്നി: അതു കുളമ്പു പിളര്ന്നതെങ്കിലും അയവിറക്കുന്നില്ല; അതു നിങ്ങള്ക്ക് അശുദ്ധം ഇവയുടെ മാംസം തിന്നരുതു; പിണം തൊടുകയും അരുതു.(ആവര്ത്തന പുസ്തകം 14.8-ബൈബിള്)
❓ഇനി ശാസ്ത്രീയകാരണങ്ങള് നോക്കാം.ലോകത്തിലെ ഏറ്റവും നികൃഷ്ടമായ ചുറ്റുപാടുകളില് വളരുന്ന പന്നിയായാലും വളര്ത്തുന്ന പന്നിയായാലും അതിന്റെ ശരീരത്ത് പരാന്നജീവികളും രോഗാണുക്കളും വളരെയധികം പാര്ക്കുന്നുണ്ട്. അതേപോലെ തന്നെ പന്നിയുടെ ശരീരത്തിനുള്ളില് പോലും നിരവധി അണുക്കളും കൃമികളും വിരകളും വരെയുണ്ട്. മിക്കവയും മനുഷ്യന് അസുഖമോ മരണം വരെയോ സമ്മാനിക്കാന് പര്യാപ്തം. അതേപോലെ ശരീരത്തിനനുസരിച്ചു ശ്വാസകോശത്തിന്റെ വലിപ്പം ചെറുതായ പന്നിയ്ക്ക് ന്യുമോണിയ,ബ്രോങ്കിറ്റിസ് തുടങ്ങിയ രോഗവും സാധാരണം തന്നെ. അതേപോലെ വളരെയധികം കൊഴുപ്പും അടങ്ങിയ പന്നിയുടെ മാംസം ഒഴിവാക്കുന്നതാവും ആരോഗ്യത്തിന് നല്ലത് എന്ന് ആധുനിക വൈദ്യശാസ്ത്രവും ശുപാര്ശ ചെയ്യുന്നു.
💥 ചില ജീവികളുടെ ഭക്ഷണം അവയുടെ മാംസത്തെ ബാധിക്കുന്നു. ഉദാഹരണത്തിന് പലപ്പോഴും പന്നി ഭക്ഷിക്കുന്നത് വേസ്റ്റ് ആണ്. അതിന്റെ മാംസത്തിനും അതിന്റേതായ കുഴപ്പങ്ങള് ഉണ്ടാകും.
💥 ചില ജീവികളെ കൊല്ലുന്ന രീതി – കഴുത്ത് മുറിച്ചു രക്തം മുഴുവനും ഊറ്റിക്കളഞ്ഞു കൊല്ലുന്ന ജീവിയാണ് ഭക്ഷിക്കാന് അനുയോജ്യം. എന്നാല് ഇക്കാലത്ത് ചിലവയെ കഴുത്ത് ഞെരിച്ചും ചിലവയെ തലക്കടിച്ചും ഒക്കെ കൊല്ലുന്നതായി കാണാറുണ്ട്. പോത്ത്, കാള, പന്നി മുതലായവയെ അങ്ങനെയാണ് സാധാരണയായി ഇപ്പോള് കൊല്ലുന്നത്. രക്തം ഒഴുകി പോകാതെ മാംസത്തിന്റെ തൂക്കം കൂടാനാണ് അപ്രകാരം ചെയ്യുന്നത്. ഇത് രക്തം ഭക്ഷിക്കുന്നതിനു തുല്യമാണ്. (അപ്പൊ. 15: 28, 29 ഇതോടൊപ്പം ചേര്ത്ത് വായിക്കുക) അഡ്രിനാലിന് ഹോര്മോണ് ജീവികളുടെ രക്തത്തില് കലരുന്നത് വഴി ആരോഗ്യകരമായ പ്രശ്നങ്ങളും ഈ രീതിയില് തയ്യാറാക്കിയ മാംസത്തിനു ഉണ്ട്.
💥 പന്നിമാംസം ധാരാളം കൊഴുപ്പടങ്ങിയിരിക്കുന്നതാണ്. രക്തത്തിലെ കൊളസ്ട്രോള് ഉയര്ത്തുവാന് പന്നി മാംസത്തിനു കഴിയും.
💥 പന്നിമാംസം bladder (മൂത്രാശയ) cancer ഉളവാക്കാന് സാധ്യത കൂട്ടും എന്ന് ആധുനിക പഠനങ്ങള് സൂചിപ്പിക്കുന്നുണ്ട്.
💥 പന്നിയുടെ ശരീരത്തിലെ 'Trichina' (മനുഷ്യന് വളരെ അപകടം വരുത്തിത്തീര്ക്കുന്ന പരാദമാണ് ഇത്. ഇതുമൂലം ഉണ്ടാകുന്ന രോഗമാണ് Rheumatism and Muscular Pain. ഒരു തരത്തിലുള്ള പ്രതിരോധമാര്ഗവും ഇതിനില്ല. ചിലര് പതിയെ മരണത്തിന് കീഴടങ്ങുകയും മറ്റു ചിലര് രോഗത്തിന്റെ കഷ്ടതകള് വര്ഷങ്ങളോളം അനുഭവിക്കേണ്ടി വരികയും ചെയ്യുന്നു) എന്ന അണുവാണ്.
പന്നിമാംസം കഴിക്കുന്നതോടെ ഇത് മനുഷ്യശരീത്തില് പ്രവേശിക്കുകയും അത് ഹൃദയപേശികളില് കുടികൊള്ളുകയും ഹൃദയപ്രവര്ത്തനങ്ങളെ പ്രതികൂലമായി ബാധിക്കുകയും വലിയ അപകടങ്ങള് സൃഷ്ടിക്കുകയും ചെയ്യുന്നു. വന്തോതിലുള്ള യൂറിക് ആസിഡ് മനുഷ്യന്റെ ആരോഗ്യത്തിന് ഹാനികരമാണ്. അതിനാല് മനുഷ്യശരീരത്തിലെ യൂറിക് ആസിഡ് കിഡ്നിയിലൂടെ രക്തം ശുദ്ധീകരിച്ച് മലമൂത്രവിസര്ജനത്തിലൂടെ പുറംതള്ളാറാണ് പതിവ്. എന്നാല് പന്നിശരീരത്തില് യൂറിക് ആസിഡിന്റെ അളവ് വളരെ കൂടുതലാണ്. അവയുടെ വിസര്ജ്യത്തിലൂടെ രണ്ട് ശതമാനം മാത്രമാണ് പുറം തള്ളപ്പെടുന്നത്. ബാക്കി 98 ശതമാനവും അതിന്റെ ശരീരത്തില് തന്നെ അവശേഷിക്കുന്നു. മാത്രവുമല്ല, പന്നി സ്വന്തം വിസര്ജ്യം ഭക്ഷിക്കുന്നതിനാല് നഷ്ടപ്പെട്ട രണ്ട് ശതമാനം യൂറിക് ആസിഡ് വീണ്ടും അതിന്റെ ശരീരത്തിലേക്ക് തന്നെ തിരിച്ചെത്തുന്നു. ഈ വന്തോതിലുള്ള യൂറിക് ആസിഡ് പന്നിമാംസം കഴിക്കുന്നവരുടെ ശരീരത്തിലേക്ക് പ്രവേശിക്കുന്നതു മൂലം കിഡ്നിയുടെ പ്രവര്ത്തനം ത്വരിതപ്പെടുത്തേണ്ടി വരികയും ക്രമേണ കിഡ്നി അതിവേഗം തകരാറിലാവുകയും ചെയ്യുന്നു.
💥 പന്നിയില് നിന്ന് 450-ല് പരം രോഗങ്ങള് മനുഷ്യരിലേക്ക് പകരുന്നുണ്ടെന്ന് ആധുനിക ശാസ്ത്രം ശരിവെക്കുന്നു. പന്നിയുടെ കുഞ്ഞുങ്ങളില് നിന്ന് തന്നെ 57-ല് പരം രോഗങ്ങള് പകരുന്നു. അവയില് ചിലത് വളരെ വലിയ അപകടകാരിയും ജീവന് ഭീഷണിയുമാണ്. 27-ല് പരം പകര്ച്ച വ്യാധികള് മനഷ്യരിലേക്ക് പകര്ത്തുന്ന ഒരേയൊരു ജീവിയാണ് പന്നി. ഇതര ജീവികളിലും ഇതുപോലെ കാണപ്പെടാറുണ്ടെങ്കിലും പന്നിയാണ് ഇതില് മുഖ്യമായ പങ്ക് വഹിക്കുന്നത്.
❓പന്നിയില് നിന്നും രോഗം പകരുന്ന മൂന്ന് രീതികള്
1⃣ വളര്ത്തുമ്പോഴുണ്ടാകുന്ന ഇടപഴകലിലൂടെ. 32-ഓളം രോഗങ്ങള് ഇതിലൂടെ പകരും. തൊഴിത്തിലും അറവുശാലകളിലും ജോലി ചെയ്യുന്നവര്ക്കും രോഗങ്ങള് പകരും. ശരീരത്തില് വിള്ളലുകളും മുറിവുകളും ഉണ്ടാകുന്നു. ജപ്പാന് ജ്വരം ഇപ്രകാരം പകരുന്ന രോഗമാണ്.
2⃣ പന്നിസ്പര്ശമേറ്റ ഭക്ഷണ പാനീയങ്ങള് ഉപയോഗിക്കുന്നതിലൂടെ. 28-ല് കുറയാത്ത രോഗങ്ങള് ഇപ്രകാരം ഉണ്ടാകുന്നു. കരള് വീക്കം ഉദാഹരണം.
3⃣ മാംസം, നെയ്യ് തുടങ്ങിയവ ഉപയോഗിക്കുന്നതിലൂടെ. പതിനാറില്പരം രോഗങ്ങള് ഇതുമുഖേന അഭിമുഖീകരിക്കേണ്ടിവരും.
🏒 മറ്റ് മൃഗങ്ങളെ അപേക്ഷിച്ച് പന്നികളില് ആന്റിബോഡി കൂടുതല് ഉല്പാദിപ്പിക്കുന്നുണ്ട്. ഇത്തരം പ്രതിരോധവസ്തുക്കള് മനുഷ്യരുടെ ശരീരത്തില് ഗുണം ചെയ്യില്ല.
🏒 പന്നികളില് ഹോര്മോണുകള് കൂടുതല് ഉല്പാദിപ്പിക്കപ്പെടുന്നു. ഇത് പന്നികളുടെ പേശികളില് സംഭരിച്ചുവെക്കുന്നു. ഇത്തരം ഇറച്ചി കഴിക്കുന്നത് മനുഷ്യരുടെ ശരീരത്തില് ദോഷം ചെയ്യും.
🏒 പന്നിയിറച്ചിയില് കൂടിയ തോതില് കൊളസ്ട്രോളും കൊഴുപ്പും അടങ്ങിയിട്ടുണ്ട്. ഇത് നിങ്ങള്ക്ക് ആരോഗ്യകരമായ ശരീരം നല്കില്ല. പൊണ്ണത്തടിയായിരിക്കും ഫലം.
🏒 ഇത് ശരീരത്തിന് പല കേടുപാടുകളും ഉണ്ടാക്കും. ഇത് നിങ്ങളുടെ ശരീരത്തില് കൊഴുപ്പ് കുത്തി നിറയ്ക്കുന്നു. ഇതില് കൂടിയ തോതില് കലോറിയും അടങ്ങിയിട്ടുണ്ട്.
🏒 കലോറി കൂടിയ തോതില് അടങ്ങിയ പന്നിയിറച്ചി നിങ്ങള് പാകം ചെയ്യുമ്പോള് അതിലേക്ക് വെണ്ണയും ഓയിലും ഉപ്പും ചേര്ക്കുന്നു. ഇത് വീണ്ടും കലോറി കൂട്ടാന് കാരണമാകുന്നു. കൊഴുപ്പും സോഡിയവും കൂടുന്നു. ഇതാണ് നിങ്ങള് കഴിക്കുന്നത്.
🏒 കൂടിയ തോതില് കലോറിയും കൊഴുപ്പും സോഡിയവും അടിങ്ങിയ പന്നിയിറച്ചി കഴിക്കുന്നതിലൂടെ ശരീരത്തില് കൊളസ്ട്രോളിന്റെ അളവ് കൂടുന്നു.
🏒 കൂടിയ തോതില് കലോറിയും കൊഴുപ്പും നിങ്ങലുടെ ശരീരത്തില് അടിഞ്ഞു കൂടുമ്പോള് നിങ്ങളുടെ രക്ത സമ്മര്ദ്ദവും വര്ദ്ധിക്കുന്നു.
🏒 പന്നിയിറച്ചി കൂടുതല് കഴിക്കുന്നത് ക്യാന്സറിന് സാധ്യതയുണ്ടാക്കും.
🏒 കൂടിയ തോതില് സോഡിയം നിങ്ങളുടെ ശരീരത്തില് എത്തുന്നതു വഴി നിങ്ങളുടെ ഹൃദയത്തിന് പല കേടുപാടുകളും സംഭവിക്കാം.
🏒 ട്രിച്ചിനോസിസ് എന്ന പരാസ്റ്റിക് രോഗത്തിന് വരെ കാരണമാകുന്നു. കൊഴുപ്പ് കൂടിയ പന്നിയിറച്ചി പല രീതിയിലും പാചകം ചെയ്ത് കഴിക്കുന്നത് ഗുണം ചെയ്യില്ല.
🏒 പന്നിയിറച്ചി കഴിക്കുന്നതിലൂടെയും സ്വൈന് ഫഌ പിടിപ്പെടാം. എച്ച് വണ് എന് വണ് എന്ന വൈറസ് നിങ്ങളില് കടന്നു കൂടി പന്നിപ്പനിയുണ്ടാക്കുന്നു. ചൂടുകാലത്ത് പന്നിയിറച്ചി കഴിക്കുന്നവരില് പെട്ടെന്ന് ഇത് പിടിപ്പെടാം.
🏒 ഹിസ്റ്റാമിനും, ഇമിഡസോള് സംയുക്തങ്ങളും അമിതമായി പന്നിയിറച്ചിയില് അടങ്ങിയിരിക്കുന്നുണ്ട്. ഇത് സന്ധിവാതത്തിന് സാധ്യതയുണ്ടാക്കാം.
🏒 പന്നിയിറച്ചി കഴിക്കുന്നതിലൂടെ ഗോള്സ്റ്റോണ് ഉണ്ടാകാം. കരള്സഞ്ചിയിലുണ്ടാകുന്ന കല്ലാണ് ഗോണ്സ്റ്റോണ്. കൊളസ്ട്രോള് അടിഞ്ഞു കൂടുമ്പോഴാണ് ഇത്തരം രോഗം ഉണ്ടാകുന്നത്.
🏒 പന്നിയിറച്ചിലുള്ള ഒമേഗ-6 ഫാറ്റി ആസിഡ് എരിച്ചലും, കരള് വീക്കവും, പൊണ്ണത്തടി, പ്രതിരോധശേഷി പ്രവര്ത്തനം തടസ്സപ്പെടല് എന്നിവയ്ക്കൊക്കെ കാരണമാകാം.
🏒 അയേണും സെലനിയവും കൂടിയ തോതില് അടങ്ങിയ പന്നിയിറച്ചി കഴിക്കുന്നതിലൂടെ തൈറോയ്ഡ്, ശ്വാസകോശ പ്രശ്നം, പാന്ക്രീയാറ്റിക്, കരള്, മൂത്രശയം, പ്രൊസ്റ്ററേറ്റ് ക്യാന്സര് എന്നിവയൊക്കെ ഉണ്ടാകാന് സാധ്യതയുണ്ട്
This comment has been removed by the author.
ReplyDelete