മസനൊബു ഫുകുവോക്ക: പ്രകൃതിയെ തിരിച്ചറിഞ്ഞ ഗുരു
ഒറ്റ വൈക്കോല് വിപ്ലവം എന്ന പ്രശസ്തമായ കൃതിയിലൂടെ പ്രകൃതി കൃഷിക്ക് ലോകത്താകമാനമുള്ളവര്ക്ക് പ്രചോദനമായി മാറിയ ജപ്പാൻ സ്വദേശിയായ മസനോബു ഫുക്കുവോക്ക (Masanobu Fukuoka) എന്ന മഹാനായ പ്രകൃതി സ്നേഹി നമ്മെ വിട്ടകന്നിട്ട് 8 വര്ഷം തികയുന്നു. 2008 ഓഗസ്റ്റ് 16ല് 98-ാം വയസിലാണ് അദ്ദേഹം അന്തരിച്ചത്. ജൈവ കൃഷി രീതിയുടെ ആധുനിക കാലത്തെ പ്രധാന പ്രയോക്താക്കളിൽ ഒരാളാണ്. ഭൂമി ഉഴുത് മറിക്കുകയോ, കള പറിക്കുകയോ, വളമോ കീടനാശിനിയോ ഉപയോഗിക്കുകയോ ചെയ്യാതെ കൃഷി നടത്തണമെന്ന് ആഹ്വാനം ചെയ്ത ശാസ്ത്രജ്ഞനാണ് ഫുക്കുവോക്ക. ഇദ്ദേഹത്തിന്റെ സ്വാധീനം ലോകത്താകമാനം നിരവധി പേര്ക്ക് പ്രചോദനമായിട്ടുണ്ട്
മൈക്രോബയോളജിസ്റ്റായാണ് ഫുക്കുവോക്ക കാർഷിക രംഗത്തേക്ക് കടന്നത്. 25-ാം വയസ്സിൽ ആധുനികമായ കൃഷി രീതിയിൽ സംശയം പ്രകടിപ്പിച്ച അദ്ദേഹം ഗവേഷണ ശാസ്ത്രജ്ഞൻ എന്ന ജോലി ഉപേക്ഷിച്ച് സ്വന്തം നാടായ ഷിക്കോക്കുവിൽ മടങ്ങിയെത്തി സ്വന്തം കൃഷിയിടത്തിൽ കൃഷി തുടങ്ങി. ഭൂമിയെ അതേപടി നിലനിർത്തിക്കൊണ്ട് കൃഷി ചെയ്യണമെന്ന ഫുക്കുവോക്കയുടെ താത്ത്വിക ആശയത്തെ പലരും സംശയത്തോടെ വീക്ഷിച്ചെങ്കിലും അവ പിന്നീട് ലോകപ്രശസ്തമായി. തൻറെ നിരീക്ഷണങ്ങളെപ്പറ്റി ഫുക്കുവോക്ക എഴുതിയ “The One-Straw Revolution” (ഒറ്റ വൈക്കോൽ വിപ്ലവം) പ്രകൃതിയിലേക്ക് മടങ്ങാന് എന്നീ കൃതികള് ഒട്ടേറെ വിദേശ ഭാഷകളിലേക്ക് വിവർത്തനം ചെയ്തിട്ടുണ്ട്. പ്രകൃതിയുടെ നേരറിവുകള് ഈ വലിയ മനുഷ്യനിലൂടെ ലോകമറിഞ്ഞു. ജീവിതം തന്നെ പ്രകൃതിക്കായി നീക്കിവെച്ച ഈ പ്രകൃതി മനുഷ്യന്റെ അനുഭവങ്ങള് അന്നും ഇന്നും പാഠപുസ്തകമായി തന്നെ തുടരുന്നു.
ഒറ്റ വൈക്കോല് വിപ്ലവം എന്ന പ്രശസ്തമായ കൃതിയിലൂടെ പ്രകൃതി കൃഷിക്ക് ലോകത്താകമാനമുള്ളവര്ക്ക് പ്രചോദനമായി മാറിയ ജപ്പാൻ സ്വദേശിയായ മസനോബു ഫുക്കുവോക്ക (Masanobu Fukuoka) എന്ന മഹാനായ പ്രകൃതി സ്നേഹി നമ്മെ വിട്ടകന്നിട്ട് 8 വര്ഷം തികയുന്നു. 2008 ഓഗസ്റ്റ് 16ല് 98-ാം വയസിലാണ് അദ്ദേഹം അന്തരിച്ചത്. ജൈവ കൃഷി രീതിയുടെ ആധുനിക കാലത്തെ പ്രധാന പ്രയോക്താക്കളിൽ ഒരാളാണ്. ഭൂമി ഉഴുത് മറിക്കുകയോ, കള പറിക്കുകയോ, വളമോ കീടനാശിനിയോ ഉപയോഗിക്കുകയോ ചെയ്യാതെ കൃഷി നടത്തണമെന്ന് ആഹ്വാനം ചെയ്ത ശാസ്ത്രജ്ഞനാണ് ഫുക്കുവോക്ക. ഇദ്ദേഹത്തിന്റെ സ്വാധീനം ലോകത്താകമാനം നിരവധി പേര്ക്ക് പ്രചോദനമായിട്ടുണ്ട്
മൈക്രോബയോളജിസ്റ്റായാണ് ഫുക്കുവോക്ക കാർഷിക രംഗത്തേക്ക് കടന്നത്. 25-ാം വയസ്സിൽ ആധുനികമായ കൃഷി രീതിയിൽ സംശയം പ്രകടിപ്പിച്ച അദ്ദേഹം ഗവേഷണ ശാസ്ത്രജ്ഞൻ എന്ന ജോലി ഉപേക്ഷിച്ച് സ്വന്തം നാടായ ഷിക്കോക്കുവിൽ മടങ്ങിയെത്തി സ്വന്തം കൃഷിയിടത്തിൽ കൃഷി തുടങ്ങി. ഭൂമിയെ അതേപടി നിലനിർത്തിക്കൊണ്ട് കൃഷി ചെയ്യണമെന്ന ഫുക്കുവോക്കയുടെ താത്ത്വിക ആശയത്തെ പലരും സംശയത്തോടെ വീക്ഷിച്ചെങ്കിലും അവ പിന്നീട് ലോകപ്രശസ്തമായി. തൻറെ നിരീക്ഷണങ്ങളെപ്പറ്റി ഫുക്കുവോക്ക എഴുതിയ “The One-Straw Revolution” (ഒറ്റ വൈക്കോൽ വിപ്ലവം) പ്രകൃതിയിലേക്ക് മടങ്ങാന് എന്നീ കൃതികള് ഒട്ടേറെ വിദേശ ഭാഷകളിലേക്ക് വിവർത്തനം ചെയ്തിട്ടുണ്ട്. പ്രകൃതിയുടെ നേരറിവുകള് ഈ വലിയ മനുഷ്യനിലൂടെ ലോകമറിഞ്ഞു. ജീവിതം തന്നെ പ്രകൃതിക്കായി നീക്കിവെച്ച ഈ പ്രകൃതി മനുഷ്യന്റെ അനുഭവങ്ങള് അന്നും ഇന്നും പാഠപുസ്തകമായി തന്നെ തുടരുന്നു.
Comments
Post a Comment